தெய்வ சக்தி கொண்ட காராம்பசு

நாட்டு மாட்டில் உடல் முழுவதும் கறுப்பாக உள்ளதுதான் காராம்பசு.இதன் பாலை கறந்து ,தைப்பூசம் நாளில் முருகனுக்கு அபிசேகம் செய்து அந்த பாலை அருந்தி நோய் நீங்க பெற்றார்கள் நம் முன்னோர்கள்..செம்பு,பித்தளை ,பஞ்சலோகம் தவிர எந்த பாத்திரத்திலும் பாலை வைக்க மாட்டார்கள்.

ஆனால் இன்று ஒரு பெரிய சில்வர் பாத்திரத்தை கோயிலில் வெச்சிருக்காங்க..அதுல கோயிலுக்கு வரவங்க எல்லாம் பாக்கெட் பாலை கொண்டு வந்து ஊத்துறாங்க..அதை எடுத்து அபிசேகம் செய்றாங்க...சுவாமி சிலை கருங்கல் சிலை ஆனாலும் ,பஞ்சலோகம் ஆனாலும் அபிசேகம் செய்யப்படும் பொருளோடு சேர்ந்து வினைகள் புரிந்து நம் உடலுக்கு நன்மை செய்வதுதான் அபிசேகத்தின் அடிப்படை தத்துவம்.அதை முறையாக செய்வோம்..!!

******************************

கோயிலுக்கு இரவை பகலாக்கும் லைட்ஸ் கோயிலை சுத்தி வைக்குறது,டைல்ஸ் போட்டு வழவழன்னு நடக்க முடியாதபடி மாத்துறது,காதை கிழிக்கும் கரண்ட் மேளம் வைக்குறது,ரெக்கார்டு டான்ஸ்,ஆர்க்கெஸ்ட்ரா வைக்குறது ,,சில்வர் பாத்திரம் பயன்படுத்துவது இது எல்லாம் ராமேஸ்வரத்திலும் தீர்க்க முடியாத பாவ செயலாகும்...காரணம் பல ஆயிரம் மக்களின் ஆரோக்கியம்,மன சாந்தியை ஒரே நேரத்தில் கெடுக்கிறீர்கள்.

அக்காலத்தில் கோயில்களில் அதுவும் உள்புறத்தில் மட்டும் பரத நாட்டியம்,வீணை இசை,கதை சொல்தல்,புராண கதை,மக்களுக்கு நல்லவை சொல்லல் என இருந்தது.மக்கள் நடக்க டைல்ஸ் போட மாட்டார்கள்..பிரம்மாண்டம்,ஆன கோயில் கட்டியவர்களால் அதை செய்யவா முடியாது..? கோயிலில் அடிப்படை தத்துவமே ஆரோக்கியம்,மன சாந்திதானே..?

இரண்டையும் டைல்ஸ் கெடுக்கும்..கண்களின் ஒளியை பலப்படுத்துவது தீபம்..அதிக வெளிச்சமுள்ள லைட்ஸ்..தெய்வ சக்தியை குறைக்கும்..சிறிய வெளிச்சத்தில் மட்டுமே கடவுளை தரிசிக்க வேண்டும்....!!

**************************

நாட்டு மாட்டில் உடல் முழுவதும் கறுப்பாக உள்ளதுதான் காராம்பசு.இதன் பாலை கறந்து ,தைப்பூசம் நாளில் முருகனுக்கு அபிசேகம் செய்து அந்த பாலை அருந்தி நோய் நீங்க பெற்றார்கள் நம் முன்னோர்கள்..செம்பு,பித்தளை ,பஞ்சலோகம் தவிர எந்த பாத்திரத்திலும் பாலை வைக்க மாட்டார்கள்.

ஆனால் இன்று ஒரு பெரிய சில்வர் பாத்திரத்தை கோயிலில் வெச்சிருக்காங்க..அதுல கோயிலுக்கு வரவங்க எல்லாம் பாக்கெட் பாலை கொண்டு வந்து ஊத்துறாங்க..அதை எடுத்து அபிசேகம் செய்றாங்க...சுவாமி சிலை கருங்கல் சிலை ஆனாலும் ,பஞ்சலோகம் ஆனாலும் அபிசேகம் செய்யப்படும் பொருளோடு சேர்ந்து வினைகள் புரிந்து நம் உடலுக்கு நன்மை செய்வதுதான் அபிசேகத்தின் அடிப்படை தத்துவம்.அதை முறையாக செய்வோம்..!!

***********************************

இலுப்பை மரங்களை அதிகளவில் வளர்ப்போம்;

பச்சை இலுப்பை வெட்டி

பவளக்கால் தொட்டி கட்டி

பவளக்கால் தொட்டிலிலே

பாலகனே நீயுறங்கு..’

இந்தத் தாலாட்டுப் பாடலைப் பலரும் அறிந்திருப்பார்கள். குழந்தை பிறந்தவுடன், வலிமையான இலுப்பை மரத்தால் செய்த தொட்டிலில் படுக்க வைப்பது தொன்றுதொட்டு இருந்து வரும் நடைமுறை. பால் வடியும் மரமான இலுப்பை மரத்தொட்டிலில் குழந்தையை உறங்க வைத்தால், தாய்க்கு வற்றாமல் பால் சுரக்கும் என்பதும் நம்பிக்கை.

அக்காலத்தில் ஊர் ஊருக்கு இலுப்பை மரத்தோப்புகள் இருக்கும் இம்மரம் இருக்கும் இடத்தில் கெட்ட சக்திகள் அண்டாது...மாந்த்ரீக பாதிப்புகளில் இருந்து ஊரை காக்க ஒவ்வொரு ஊர்க்காரர்களும் இதை வளர்த்தனர் என்றும் சொல்வர்.இலுப்பை கொட்டைகளை ஆட்டி எண்ணெய் எடுத்து அதில் விளக்கேற்றி காற்றில் பரவும் விஷக்கிருமிகளை அழித்தனர்..

ஒரு மரத்துல வருஷத்துக்கு 50 கிலோவுக்கு மேல பருப்பு கிடைக்கும். ஒரு கிலோ பருப்பை செக்குல கொடுத்து ஆட்டுனா... 300 மில்லி எண்ணெய் கிடைக்கும். இலுப்பைப் புண்ணாக்கு, இலை ரெண்டுமே நிலத்துக்கு உரமாவும் பயன்படும். சுமார் 30 வருஷத்துக்கு முன்பு வரை, இதையெல்லாம் பயன்படுத்திதான் மண்ணை வளமாக்கி, செழிப்பா விவசாயம் செய்தனர்...இது பூச்சிக்கொல்லி மருந்தாகவும் பயிர் வளர்க்கும் உரமாகவும் பயன்பட்டிருக்கிறது!!

இலுப்பை ஒரு மூலிகை மரம். அதுல நிறைய நோய்களுக்கான மருந்து இருக்கு. முன்ன இலுப்பை எண்ணெயைத்தான் சமையலுக்குப் பயன்படுத்துவாங்க. அதுல செய்யுற பலகாரங்களும்., சாப்பாடும் அவ்வளவு ருசியா இருக்கும். சர்க்கரை வியாதி, மலச்சிக்கல், இடுப்புவலி, மூட்டுவலியை குணமாக்கும் சக்தி உண்டு.

ஆடு, மாடுகளுக்குக்கூட புண் வந்தா, இதைத்தான் தடவுவாங்க.இலுப்பை இலை, பட்டையை வெந்நீரில் போட்டு குளிச்சாலும், தோல் நோய்கள் ஓடிடும். இலுப்பைப் பிண்ணாக்கைத் தலையில தேய்ச்சுக் குளிச்சா பேன், பொடுகெல்லாம் காணாம போயிடும்...இலுப்பை மரங்களை அதிகளவில் வளரசெய்வது முக்கியம்!!

வித்தியாசமான ஆலயங்கள்;சக்திவாய்ந்த வழிபாடு

நமது ஆலயங்கள் அனைத்துமே தனிச் சிறப்பு வாய்ந்தவை. அவற்றில் சில வித்தியாச மான ஆலயங்கள் பற்றி இங்கு காண்போம்.

●  கோவில் கோபுரங்களில் பல்வேறு கடவுள் சிற்பங்கள் இருப்பதைப் பார்த்திருப் போம். ஆனால் மதுரை மேலமாசி வீதி- வடக்கு மாசி வீதி சந்திப்பில் உள்ள நவநீத கிருஷ்ணன் ஆலய கோபுரத்தில் மகாத்மா காந்தி, அவர் மனைவி கஸ்தூரிபாய், ஜவஹர் லால் நேரு, நேதாஜி ஆகியோரின் சிலைகள் இடம் பெற்றுள்ளன.

●  ஐயன்பாளையம் முத்தாலம்மன் கோவில் கோபுரத்திலும் காந்தி, நேரு ஆகியோரின் சிலைகளைக் காணலாம்.

●  புதுச்சேரி உப்பளத்திலுள்ள நேதாஜிநகர் தேசமுத்து மாரியம்மன் கோவில் முகப்பில் பாரதியாருக்கு சிலை வைத்துள்ளனர். பாரதி யார் புதுச்சேரியில் தங்கியிருந்தபோது அடிக்கடி இக்கோவிலுக்கு வந்து செல்வாராம். இக்கோவில் அம்மனைப் போற்றி பல பாடல்களையும் பாரதியார் பாடியுள்ளார்

.●  மயிலாப்பூர் ஆலயத்தில் வள்ளுவன்- வாசுகி சிலைகள் உள்ளன.

●  ஒவ்வோர் ஆண்டும் இந்திய சுதந்திர தினமான ஆகஸ்டு 15-ஆம் தேதி காலையில், சிதம்பரம் நடராசர் கோவிலில் நம் தேசியக் கொடியை ஒரு வெள்ளித் தட்டில் வைத்து,அதை நடராசர்முன் வைத்து பூஜை செய்வார் கள். பின் அக்கொடியை அர்ச்சகர் எடுத்து வர மேளதாளத்துடன் சென்று கோவில் கிழக்கு கோபுரத்தில் ஆலய தீட்சிதர் அக்கொடியை ஏற்றுவார். அப்போது கோவிலுக்கு வருவோர் அனைவரும் தேசியக் கொடிக்கு மரியாதை செய்வார்கள். வேறு எந்தக் கோவிலிலும் இல்லாத சிறப்பான நிகழ்ச்சி இது.

●  மயிலம் முருகன் கோவிலில், முருகன் மணக் கோலத்தில் கிழக்கு நோக்கி காட்சி தருகிறார். கிழக்கு ராஜகோபுரம் எப்போதும் மூடிய நிலையில் இருக்கும். ஆண்டுக்கு இருமுறை ஆனித் திருமஞ்சனம், மார்கழி திருவாதிரையின்போது மட்டும் இந்த வாயில் திறக்கப்படும். மற்ற நாட்களில் பக்தர்கள் தெற்கு வாயில் வழியாகத்தான் செல்வார்கள்.

●  அனைவருக்கும் மேலான ஈஸ்வரனே கோவில் எழுப்பி சிவலிங்கப் பிரதிஷ்டை செய்து, தன்னைத் தானே வழிபட்ட தலம் மதுரையிலுள்ள இம்மையில் நன்மை தருவார் கோவிலாகும். சிவனும் பார்வதியும் ஒன்றாக அமர்ந்து சிவபூஜை செய்யும் காட்சி இங்கு மூல விக்ரகமாக இருக்கிறது. இக்கோவில் மீனாட்சி அம்மன் கோவிலுக்கு முற்பட்ட கோவிலாகும்.

●  நேபாளத் தலைநகர் காட்மண்டில், பாக்மதி நதிக்கரையில் அமைந்திருக்கும் சிவாலயம் இரண்டு அடுக்குகள் கொண்டது. இந்தக் கோவிலின் கூரை தங்கத்தால் வேயப் பட்டது. கதவுகள் வெள்ளியால் ஆனது. சந்நிதிக்கு நேராகக் காட்சி தரும் நந்தி பஞ்சலோகத்தில் ஆனது. இங்கு அருள்பாலிக்கும் சிவனுக்கு ஆறுமுகங்கள் உண்டு. இவர் பெயர் பசுபதிநாதர்.

●  ஸ்ரீவில்லிபுத்தூருக்கு மேற்கே சுமார் பத்து கிலோமீட்டர் தூரத்தில், மேற்கு தொடர்ச்சி மலைப் பகுதியில் அமைந்துள்ளது கட்டழகப் பெருமாள் கோவில். இங்கு சுந்தரவல்லி, சவுந்தரவல்லி சமேத சுந்தரராசப் பெருமாளைத் தரிசிக்கலாம். மலைமீதுள்ள இக்கோவிலுக்கு 247 படிகளில் ஏறிச் செல்ல வேண்டும். தமிழ் எழுத்துகள் 247-ஐ தத்துவார்த்தமாக உணர்த் தும் விதமாக அமைந்துள்ளன இப்படிகள். இம்மலையிலுள்ள சிலம்பு ஊற்று என்ற தீர்த்தம் நாவல் மரப் பொந்திலிருந்து  வருகிறது. கோவிலின் பின்புறமுள்ள மலையைப் பார்த்தால் பெருமாளே பள்ளி கொண்டதுபோல் காட்சி தருகிறது.

●  சோட்டானிக்கரை பகவதி அம்மன் ஒரு நாளுக்கு மூன்று விதமான ஆடைகள் அணிந்து மூன்று வடிவங்களில் காட்சி தருகிறாள். காலையில் வெண்ணிற ஆடையுடன் சரஸ்வதி தேவியாகவும்; உச்சி வேளையில் செந்நிற ஆடையுடன் லட்சுமி தேவியாகவும்; மாலையில் நீல நிற ஆடையில் துர்க்கா தேவியாகவும் காட்சி தருகிறாள். இந்த மூவகை தரிசனத் தைக் காண்பவர்கள் நினைத்தது நிறைவேறும்.

●  மதுரை மீனாட்சியம்மன் கோவிலின் கீழ் கோபுரத்தின் நடுவிலிருந்து மேல் கோபுரத்தை நோக்கி ஒரு கோடு போட்டால், அது சிவலிங்கப் பெருமான் வழியாகச் செல்லும். அது போல் வடக்கு- தெற்கு கோபுரங்களுக்கிடையே  கோடிட்டுப் பார்த்தால், அது சுந்தரேசர் சந்நிதியை இரண் டாகப் பகிர்ந்து செல்லும். இந்த அமைப்பு அக்கால சிற்பிகளின் அபரிமிதமான திறனை வெளிப்படுத்துகிறது.

●  திருவண்ணாமலையிலிருந்து 16 கிலோமீட்டர் தூரத் தில் உள்ளது தேவிகாபுரம். இங்குள்ள பொன்மலைநாதர் கோவிலில் அருள்பாலிக்கும் கனககிரீஸ்வரருக்கு தினமும் வெந்நீரில் அபிஷேகம் செய்கிறார்கள். காலையில் இரண்டு மணி நேரம் மட்டுமே பூஜை செய்வார்கள். சிவராத்திரியன்று விசேஷ பூஜைகள் உண்டு.

●  108 திவ்யதேசங்களில் முதன்மை ஆலயமான ஸ்ரீரங்கத்தில் பள்ளி கொண்டுள்ள ஸ்ரீரங்கநாதப் பெருமாளுக்கு அமாவாசை, ஏகாதசி, மாதப்பிறப்பு ஆகிய நாட்களில் வெந்நீரால் அபிஷேகம் செய்வார்கள். வேறு எந்த திவ்ய தேசத்திலும் இதுபோல் செய்வதில்லை.

●  கும்பகோணம் நல்லம் தலத்திலுள்ள ஆலயத்தில் நடராசர் சுயம்பு வடிவில் காட்சி தருகிறார். இவர் கையில் ரேகையும், காலில் பச்சை நரம்பும் நன்கு தெரிகின்றன. இவரை சற்று தொலைவிலிருந்து பார்த்தால் 50 வயது முதியவர்போலவும், அருகிலிருந்து பார்த்தால் 30 வயது இளைஞர்போலவும் காட்சி தருகிறார்.

●  விழுப்புரத்தையடுத்த ரிஷிவந்தியத்திலுள்ள முத்தாம்பிகை சமேத அர்த்தநாரீஸ்வரர் ஆலயத்தின் மூலவரான லிங்கத்திற்கு தேனா பிஷேகம் நடைபெறும்போது லிங்க பாணத்தை நன்கு கவனித்துப் பார்த்தால், அம்மன் தன் கையில் கிளி வைத்துக் கொண்டு நிற்பது போன்ற தோற்றத்தைக் காணலாம். மற்ற நேரங்களில் லிங்கம் சாதாரணமாகத்தான் தெரியும்.

●  ராமேஸ்வரம் ராமநாத சுவாமி கோவிலிலுள்ள உற்சவ நந்திகேஸ்வரர் அனுமன் போன்ற தோற்றத்துடன் உள்ளார். இரு கரங்களைக் கூப்பி மான், மழுவுடன் உள்ளார். மான், மழுவினை மறைத்து விட்டுப் பார்த்தால் இந்த நந்தி அனுமன் போன்றே காட்சியளிப்பார்.

●  அருப்புக்கோட்டை அருகிலுள்ளது திருச்சுழி என்ற ஊர். இங்குள்ள சிவன் கோவிலில் காணப்படும் நடராசர் பச்சிலை மூலிகை யால் ஆனவர்.●  உலகிலேயே மிகவும் உயரமான முருகன் சிலை மலேசிய நாட்டின் தலைநகரான கோலாலம்பூரில் இருந்து 12 கிலோமீட்டர் தொலைவில் உள்ளது. 140 அடி உயரம் கொண்ட சிலை இது. தமிழக சிற்பிகள் 15 பேர் சேர்ந்துதான் இச்சிலையை உருவாக்கினார்கள்.

●  திருக்கண்ணமங்கை தலத்தில் உள்ள தாயார் சந்நிதியில் இரு ஜன்னல்கள் உள்ளன. இதில் தேனீக்கள் கூடு கட்டுகின்றன.  தை மாதம் முதல் ஆனி மாதம் வரை சூரியன் வலப் பக்கம் சஞ்சாரம் செய்யும்போது தேனீக்கள் வலப்புற ஜன்னலில் கூடு கட்டுகின்றன. ஆடி மாதம் முதல் மார்கழி வரை சூரியன் இடப்பக்கம் சஞ்சாரம் செய்யும்போது இடப்புற ஜன்னலில் கூடு கட்டுகின்றன. இந்த அதிசயத்தை இன்றும் காணலாம்.

●  புதுக்கோட்டை மாவட்டம், பரக்கலக் கோட்டை ஆவுடையார் கோவில் திங்கட் கிழமை மட்டுமே திறந்திருக்கும். நள்ளிரவு 12.00 மணிக்கு மட்டுமே வழிபாடு. பிற நாட்களில் கோவில் மூடியிருக்கும்.

●  தஞ்சை அருகே தென்குடித் திட்டையிலுள்ள வசிஸ்டேஸ்வரர் ஆலய கருவறை விமானம் சந்திர காந்தக்கல் வைத்துக் கட்டப் பட்டுள்ளது. இக்கல் சந்திரனி டமிருந்து கிரணங்களைப் பெற்று நீராக்கி, அதை 24 நிமிடங்களுக்கு ஒருமுறை மூல லிங்கத்தின்மீது விழச் செய்து அபிஷேகம் செய்கிறது. ●  நாம் சாதாரணமாக கோவில் உண்டியலில் பணம், ஆபரணங்களைத்தான் காணிக்கையாகப் போடுவோம். ஆனால் இலங்கை கதிர்காம முருகன் ஆலயத்தில் காணிக்கையாக காசோலை (செக்) எழுதிப் போடுகின்றனர்.

நீண்ட ஆயுள் பெற அருள் தரும் கோயில்கள்

நீண்ட  ஆயுள் பெற அருள் தரும் கோயில்கள்  temple in tamilnadu

திருக்கடையூர்;

ஈசன்  தனது  பக்தன்  மார்க்கண்டேயனுக்கு  அபயமளிக்க  காலனை  சம்ஹாரம்  செய்து,  கால சம்ஹார  மூர்த்தியாக  எழுந்தருளியுள்ள  ஸ்தலம்.  இங்கே வந்து  இறைவனைத்  தொழுதால்   நீண்ட  ஆயுள்  கிடைக்கும்.  வயது  முதிர்ந்தவர்,  உடல்  நலம்  குன்றியவர்,  அகால  மரணம்  ஏற்படும்  நிலை,  ஆயுள்  பாதிப்பு  உள்ளவர்  நீண்ட  ஆயுள  பெற இங்கு   ம்ருத்யுஞ்சய  ஹோம்ம்,  ஆயுள்  ஹோம்ம்   செய்து  கொள்ளலாம்.

தம்பதிகள்  59  வயது முடிந்து  60  வயது  ஆரம்பிக்கும் போது  ‘உக்ரரத’  சாந்தி  பூஜையும்,  60 வயது  முடிந்து  61  வயது  தொடங்கும்  பொழுது  சஷ்டி  அப்த  பூர்த்தியும், 69  வயது   முடிந்து  70  வயது   ஆரம்பிக்கும் போது  ‘பீமரத சாந்தி’  பூஜையும், 79 வயது  முடிந்து  80 வயது  ஆரம்பிக்கும் போது  ‘சதாபிஷேகமும்’  செய்து  கொண்டால்  பூரண  ஆயுள்  கிடைக்கும்.

வழித் தடம்;

மயிலாடு துறையிலிருந்து  23 கி .மீ.  தூரத்தில்  உள்ளது.

திருப்பைஞ்சீலி;

இறைவன் காலடியில் எமன் வீழ்ந்து கிடக்கிறான்.  இங்குள்ள  எமன்  கோயிலில்  சிறப்பு  நீராட்டுதல்கள்  வழிபாடுகள்  நடைபெறுகின்றன.

மாரகம்  அல்லது  அதற்கு  இணையான  கண்டம் ஏற்படும்.  காலக் கட்டத்தில்   திருச்சி  அருகே  உள்ள  இத்திருக்கோவிலுக்கு  சென்று  அங்குள்ள  எமதர்ம  ராஜாவுக்கு  மகம்  நட்சத்திரத்தன்று  அபிஷேகம்  செய்தால்  நீண்ட  ஆயுள்  ஏற்படுகிறது.

மரணப்படுகையில்  அவதிபடுபவர்களுக்கு இக்கோவிலில்  வழிபாடு  செய்து,  கோவிலின்  அருகே  காணப்படும்.  மணிகர்ணிகை   தீர்த்தத்தை  தந்தால்   வேதனை  இன்றி  உயிர்  பிரியும்.

திரு கற்குடி;

உயிர்களை  வாழ  வைக்க  உறைந்திருக்கும்  இடம்தான்  திரு கற்குடி   என்று பெயர் கொண்ட  உய்யக்  கொண்டான்  திருமலை.  இத்தலம், மார்க்கண்டேயனுக்கு  சிரஞ்சீவத்  தன்மை  கிடைக்க  செய்த சிறப்புடையது. மார்க்கண்டேயருக்கு  ஜீவன்  அளித்ததால்  சுவாமி ‘உஜ்ஜீவ  நாதர்’  எனப்படுகிறார்.

இக்கோயிலில்  உள்ள ஜேஷ்டா  தேவியை  தரிசித்தால்  விபத்துகளிலிருந்து  நம்மை   காப்பாற்றுவாள்.

வழித் தடம்;

திருச்சியிலிருந்து  வயலூர்  சாலையில்  5 கி,மீ, தொலைவில்  உள்ளது.

கூத்தம் பூண்டி;

திண்டுக்கல்  மாவட்டம்,  ஒட்டன்சத்திரம்  அருகே உள்ள இவ்வூரில்  ஆனந்த வல்லியுடன் மார்க்கண்டேயப் பெருமாள் கோயில் உள்ளது. மார்க்கண்டேயன்  பூஜித்த ஸ்தலம்.  இங்கு  எமதர்மன் அரூபமாக  காட்சி  தருகிறார்.  60 வயது  நிரம்பியவர்களும்  ஜாதக  ரீதியாக  ஆயுள்  குறைபாடு  உள்ளவர்களும்  இப்பெருமானை  வழிபட்டால்  நீண்ட  ஆயுளும்,  ஆரோக்கியமும் பெற்று  நலமுடன்  வாழலாம்.

தமிழகத்தின் சக்தி வாய்ந்த கோயில்கள் -பரிகாரங்கள்

 பரபரப்பு விற்பனையில் ..முதலில் நான் தயாரித்த 5 கிலோ மூலிகை சாம்பிராணி தீர்ந்துவிட்டது ....இனி தயாரித்துதான் கொடுக்கனும் .என் மேல் வைத்த நம்பிக்கையால் வாங்கிய நண்பர்களுக்கு நன்றி. நீங்கள் கொடுத்த விலைக்கு 100 சதவீதம் நான் சொன்னபடி 23 மூலிகைகள்,வாசனை பொருள்கள் கொண்டு தரமாகவே தயாரித்து கொடுத்திருக்கிறேன் ...ஆதரவு அளித்த நல்ல உள்ளங்களுக்கு நன்றி ...இது கெட்ட சக்தியை வீட்டில்,தொழில் செய்யுமிடத்தில் இருந்து விரட்டும் செல்வவளம் உண்டாக்கும்..சாம்பிராணி புகை போல பயன்படுத்தலாம் தெளிவாக அறிய முந்தைய பதிவை படிக்கவும்./.தேவைபடுவோர் இன்பாக்சில் சொன்னால் போதும் ..இல்லையேல் மெயில் செய்யவும்.sathishastro77@gmail.com.அடுத்த முறை தயாரிக்கும்போது அனுப்புகிறேன் ...!!இதன் விலை 250 கிராம் 500 ரூபாய்...தேவைப்பட்டால் செல்லில் அழைக்கவும் 9443499003

மரகத பச்சையால் தெய்வ சிலைகள் இருக்கும் கோயில் மிக சக்தி வாய்ந்தது...அதனை நாம் கண்களால் பார்த்து வழிபடும்போது, அதன் சக்தி நமக்குள் ஊடுருவி நமக்குள் வசீகர சக்தியை உண்டாக்குகிறது..சென்னையில் மிக சக்தி வாய்ந்த கோயில்களில் முக்கியமானது சிறுவாபுரி முருகன்..உங்கள் வேண்டுதல்கள் எதுவானாலும் அது உடனே நிறைவேறுகிறது...காரணம் மிகப்பெரிய மரகத பச்சை லிங்கம் ..இதைப்போல வேறு உலகில் எங்கும் இல்லை எனலாம்..அதனை வழிபடுவதே பெரும்புண்ணியம் செய்திருக்க வேண்டும்.இங்கு பெரும்பாலான சிலைகள் பச்சைக்கல்லால் மட்டுமே செய்யப்பட்டுள்ளது. இக்கோயில் 12 விதமான சிறப்புகள் பெற்றது...!!

எனக்கு என்ன வேணும்னு கடவுளுக்கு தெரியும். அதனால எதையும் கேட்டு வேண்ட மாட்டேன் என்பது அறியாமை..உண்மையில் தன் அம்மாவிடம் குழந்தை இது வேண்டும் என அடம்பிடித்து வாங்குவது போல, மனம் உருக கடவுளை வேண்டி,நமக்கு தேவையானதை கேட்டு வணங்க வேண்டும். நிச்சயம் அது கிடைக்கும் என மகான்கள் அருளுரை பலவற்றில் இருந்து நான் கற்ற பாடம்.

 தினம் மாலை 6 மணிக்கு மண் சட்டி விளக்கில் இலுப்பை எண்ணெயில் விளக்கு ஏற்ற அந்த வீட்டில் துர் சக்திகள் விலகி, நல்ல சக்திகள் வந்தடையும்..!!

 காலபைரவர்கள் மொத்தம் 64.இந்த 64 பைரவர்களில் முதன்மை வாய்ந்த பைரவர் உன்மந்திர பைரவர். உன்மந்திர பைரவர் ஆலயம் காசிக்கு அடுத்து தர்மபுரி அதியமான் கோட்டையில்தான் இருக்கிறது...சக்திவாய்ந்த முஸ்லீம் படையெடுப்பை சமாளிக்க முடியாதே என மன்னன் அதியமான் கவலையில் இருந்தபோது, ஆஸ்தான ஜோதிடர்கள் அறிவுரையின் பேரில் காசியில் இருக்கும் பைரவர் சிலையில் ஒன்றை எடுத்து வந்து தன் கோட்டையில் அதியமான் பிரதிஷ்டை செய்தார்..அந்த போரில் முஸ்லீம்களையும் வென்றார்..எனவே எதிரி தொல்லை இருப்பவர்கள்,கடன் தொல்லை,நோய் தொல்லை,வழக்கு பிரச்சினை இருப்பவர்கள் இவரை வணங்கினால் தேய்பிறை அஷ்டமி பூஜை செய்தால் விடுதலை அடையலாம்..!!

இக்கோவில் கட்டப்பட்டு 1200 வருடங்களாகின்றன. இவர் கோவிலில் 9 நவகிரக சக்கரத்தை புதுபித்து மேல் கூரையில் ஸ்தாபித்துள்ளார்.

அதன் வழியாக வந்தால் நவகிரக தோஷங்கள் விலகும். ஜாதக தோஷங்கள் விலகும்

இவரின் விஷேசம் 27 நட்சத்திரமும், 12 இராசியும், இவர் திருமேனியில் அடக்கம்.

மேஷராசிகாரர்கள் இவர் சிரசினை பார்த்து கும்பிட்டால் தோஷம் தீரும், ரிஷபம் கழுத்து, மிதுனம் தோல் புஜம், கடகம் மார்பு, சிம்மம் வயிறு, கன்னி குறி, துலாம் தொடை, விருச்சிகம் முட்டி, தனுசு மகரம் முட்டியின் கீழ்பகுதி, கும்பம் கனுக்கால், மீனம் பாதம் ஆகிய பகுதிகளை பார்த்து கும்பிட்டால் தோஷம் தீரும்.

 செங்கல்பட்டு அருகில் இருக்கும் திருக்கழுகுன்றம்...இங்குள்ள குளத்தில் 12 ஆண்டுகளுக்கு ஒரு முறை சங்கு உற்பத்தியாகிறது என்கிறார்கள் ..கன்னி ராசியில் குரு வரும்போது இங்கு பெரிய விழாவாகவாக கொண்டாடுவது ஐதீகம் கன்னி ராசி லக்னக்காரர்கள் இங்கு வழிபட்டால் பல பிரச்சினைகள் தீர்கிறது!! இரு முனிவர்கள் கழுகாக பிறந்து இங்குள்ள குளத்தில் நீராடி உச்சிக்கால பூஜை பிரசாதத்தை உண்டு சாப விமோசனம் பெற்றனர்..அந்த இரு கழுகுகள் தினசரி மதியம் வந்து பிரசாதம் உண்டு வந்ததை பலரும் கண்டுள்ளனர்.

 -தொடரும்-