நித்யானந்தா ஜாதகம்

நித்யானந்தா ஜாதகம்

பெங்களூர் பிடதி ஆசிரமம் சீல்...நித்யானந்தா சாமியார் தலைமறைவு ..கோர்ட்டில் சரண்..சிறையில் அடைப்பு..என பரபரப்பான சேஸிங்க் காட்சிகள் ஓடிக்கொண்டிருக்கும்போது...வெகுவேகமாக வளர்ச்சியடைந்து,ஒரு கார்ப்பரேட் சாமியாராக பல லட்சம் பக்தர்களை கொண்டாட வைத்து,திடீரென மதுரை ஆதீனமாக பரபரப்பு காட்டிக்கொண்டே இருக்கும் நித்தி ஜாதகம் எப்படியிருக்கும் என பார்ப்போம்..

நித்யானந்தா பிறந்ததேதி;1.1.1978

பிறந்தநேரம்;12.32 இரவு

ராசி;சிம்மம்

நட்சத்திரம்;பூரம்

ஜாதகத்தில் 3 கிரகங்கள் வக்ரம்...3 கிரகங்கள் வாக்கு ஸ்தானமாகிய ,தன ஸ்தானத்தை பார்வை செய்கின்றன....அந்த இடமே கண்ணையும் குறிக்கும்...இவர் மிகச்சிறந்த பேச்சாளர்...செவ்வாய் பார்வை செய்வதால் அதிகாரமுள்ள பேச்சு...குரு பார்ப்பதால் ஆன்மீக உபதேசம்...சனி பார்ப்பதால் பலமான ஏமாற்றும் பேச்சு...குரு பார்வை வாக்கு பலமும் தரும்..3 கிரகங்கள் பார்ப்பதால் வாக்கு வாதத்தில் யாரும் இவரை வெல்ல இயலாது...சட்டத்தை வளைப்பதில்,உடைப்பதில் கில்லாடி...

6 ஆம் அதிபதி 6ஆம் இடத்தை பார்வை செய்வதால் எதிரிகளும் அதிகளும் அதிகம்..அந்த எதிரிகளை சமாளிப்பதிலும் இவர் வல்லவர்..இவருக்கு அரசியல் சட்டம் நண்பன்...அரசியல்வாதிகள் எதிரிகள் எதிரிகள்..அதனால்தான் போலீஸிடம் சிக்காமல் கோர்ட்டில் சரண் அடைந்தார்....

சுகாதிபதி குரு தன் ஸ்தானத்தை பார்வை செய்வதால் அதிக சுகமும்,வசதி வாய்ப்புகளும் உண்டானது....4ல் சுக்கிரன் வேறு..வருவது எல்லாம் பெண்கள் பிரச்சினைதான்....

லக்னத்தில் ராகு இருப்பதால் செவ்வாய் இரண்டாம் இடத்தை பார்ப்பதால் அதிக தன்னம்பிக்கையும் தன்னால் எதுவும் முடியும் என்ற கர்வத்தாலும் வேகமான முன்னேற்றமும்,வேகமாக பிரச்சினைகளில் சிக்கிக்கொள்வதும் நடக்கிறது.....

6.4.2013 வரை கேது புத்தி என்பதால் கோர்ட் வழக்கு என அலைய நேர்கிறது..முடக்கம் ,கெட்ட பெயர்,அவமானம் உண்டாகிறது...தலைமறைவாகவோ அல்லது அமைதியாகவோ இக்காலத்தில் இருக்கவேண்டும் அதை விடுத்து மதுரை ஆதீனம் பதவியை பிடித்து தலைப்பு செய்தியானார்..கேது பகவான் மறுபடி முடக்கி வைத்துவிட்டார்....

சனி வக்ரம் ஆனி 11 வரை உள்ளது...அதுவரை இவருக்கு கேது புத்தியில் மோசமான காலகட்டம் சனி வக்ரம் முடிந்தால் சிம்மராசியினருக்கு நல்லது...இவர் பலமுறை பிரச்சினைகளில் சிக்கினாலும் மீண்டும் மீண்டும் வெளியே வருவார்...இவர் பரபரப்பு உண்டாக்கியபடியே இருப்பார்..முழுதாக இவரை முடக்க இயலாது...விரைவில் அரசியல் சக்தியாக உருவெடுக்கவும் வாய்ப்புள்ளது....(சனி,குரு,செவ்வாய் ராசியிலும் வக்ரம்..அம்சத்திலும் வக்ரம்...)

நித்யானந்தா தனது புத்தகத்தில் எழுதியிருந்த குறிப்பை வைத்து எழுதப்பட்ட ஜாதகம் இது...ஜோதிடம்,ராசிபலன் ரீதியாக இல்லாமல் திசாபுத்தி அடிப்படையில் பார்த்தால் இவருக்கு ஏற்பட்டிருக்கும் சிக்கல்கள் விளங்கும்...ராசிபலன் அடிப்படையில் ஆனி 11 சனி வக்ரம் நிவர்த்தி ஆகும்வரை கடும் சிக்கலே உள்ளது

ஜோதிடம்;சுக்கிரன்,செவ்வாய் லீலைகள்

ஜோதிடம்;சுக்கிரன்,செவ்வாய் லீலைகள்

ராசிபலன்;ஜாதகத்தில் சுக்கிரன்,செவ்வாய் பங்கு மிக முக்கியமானதுஎனலாம்..செவ்வாய் நம் உடலில் ஓடும் ரத்தத்துக்கு அதிபதி ஆகிறார்..போர் தளபதி செவ்வாய்...கோபம்,வீரம் போன்றவற்றுக்கு முக்கிய காரண கர்த்தா செவ்வாய்....இவருக்கு உரிய தெய்வம் முருகன்....

ஜாதகத்தில் செவ்வாய் கெட்டுப்போனால் பயம் அதிகரிக்கும்...தனக்கு எப்போது பிரச்சினை வருமோ என பயம் கொள்ள வைக்கும் கீழான ஆட்களால் தொந்தரவுகளை சந்திக்க நேரும்....ஆனாலும் பலரால் விரும்பபடுவார்கள்..இவங்ககிட்ட எதிர்ப்புணர்வு அதிகம் இல்லையே அதனால்...ஆனால் கோபம் சட்டென வரும்..அதைவிட பயம் அதிகம் இருக்கும்...பெண்கள் ஜாதகத்தில் செவ்வாய் கெட்டுப்போனால் ஆண்களால் பல பிரச்சினைகளை சந்திக்க நேருகிறது..கணவனுக்கு பாதிப்பு தருகிறது...பலமுள்ள செவ்வாய் கணவனை அடக்கி ஆளவும் ,கணவருக்கு யோகத்தையும் தந்து விடுகிறது..செவ்வாய் அதிக வீரியமுள்ள கிரகம் என்பதால் காம உணர்வை தூண்டுவதில் அதாவது எண்ணத்தை செயல்படுத்துவதில் வல்லவனாக திகழ்கிறது

களத்திரகாரகன் சுக்கிரன்..இவர் ஆணின் விந்தணுக்களுக்கும்,பெண்களின் கருமுட்டைகளுக்கும் காரகத்துவம் ஆகிறார்..சுக்கிரன் கெட்டால் இவை கெட்டுப்போகும்...விந்தணு குறைபாடு,கருமுட்டை வளர்ச்சியின்மை போன்ற குறைபாடுகள் உண்டாகும்...

சுக்கிரன் பலம் அழகிய தோற்றத்தை உண்டாக்குவார்..சுக்கிரன் பலம் பெற்றால் சினிமா நடிகை குஷ்பூ,ஹன்சிகா போல,,கார்த்தி ,மாதவன் போல அழகிய தோற்றம் பெறுவார்கள்....

பெண்கள் சம்பந்தமான பாலியல் நோய்களையும்,சிறுநீரக கோளாறுகளையும் சுக்கிரனே கொடுக்கிறார்...

சுக்கிரன்,செவ்வாய் இணைந்தால் அதிக உணர்வுகளை தூண்டிவிடுகிறார்..இதனால் எதிர்பாலினரால் பல பிரச்சினைகளை சந்திக்க வைக்கிறார்..செவ்வாய் 7ல் இருந்தால் இது இன்னும் அதிகரிக்கும்..பார்க்கும் கிரகங்களை பொறுத்து பலன் மாறும்...

குரு பெயர்ச்சி பலன்கள் எந்த ராசிக்கு அதிக லாபம்?

குரு பெயர்ச்சி பலன்கள் எந்த ராசிக்கு அதிக லாபம்?

நல்ல நேரம் பார்ப்பது;

ராசிபலன் பார்ப்பதில் இருக்கும் சூட்சுமம் என்னன்னா,நாம ஒரு முக்கிய காரியம் நினைச்சிக்கிட்டு இருப்போம்..அதை எப்போ எப்படி செய்றது என்பதில்தன் முதல் குழப்பம் வரும்..அரம்பிக்கிற காரியம் நல்லபடியா முடிக்க ஸ்வீட் சாப்பிட்டா மட்டும் பத்தாது...நல்ல நாளிலும் ஆரம்பிக்கணும்..சந்திராஷ்டமம் இல்லாத நாளாகவும் ராசிக்கு சந்திரன் மறையாத நாளாகவும்..அதாவது கெடாத நாளாகவும் இருக்கணும்..சந்திரன் 2,3,6,10,11, இவைகளில் இருந்தால் மிக நல்லது...இவற்றை லாபமான நாளாக ராசிபலனில் குறிப்பிடுவோம்....அதை அனுசரித்தும் குருபலம் அமைப்பு இருக்கிறதா என்பதை பொறுத்தும் நல்ல காரியத்தை செய்யலாம்..குருபலம் இல்லாவிட்டாலும் ராசிபலன் முறையில் உங்கள் ராசிக்கு ஜென்மத்தில் சந்திரன்,8ல் சந்திரன்,12ல் சந்திரன் இருக்கும் காலங்களில் நமக்கு தடை,தோல்வி,விரயம்,அலைச்சலே உண்டாகின்றன....

சரி,குருபெயர்ச்சி ஆகிவிட்டது..குருபெயர்ச்சியால் அதிக நன்மை பெறும் ராசிகள் எதுவென பார்ப்போம்....மேசம் ராசிக்கு இரண்டில் குரு வந்துவிட்டார்..இது குருபலம்..தனஸ்தானத்தில் நிற்கும் குரு தனத்தை அள்ளித்தருவார்..சுபகாரியத்தை நடத்தி வைப்பார்...பேச்சில் இனிமை கூட்டுவார்...குடும்பத்தில் மகிழ்சியை புரள வைப்பார்....அது மட்டுமில்லாமல் குரு பெயர்ச்சியாகி செல்லும் முதல் நட்சத்திர சாரமே கிருத்திகை..இவர்களுக்கு யோகாதிபதி நட்சத்திரம்..மேலும்..தொடர்ச்சியாக 10 மாதங்கள் சுகாதிபதி சந்திரனின் சாரமான ரோகிணியில் வேறு தங்குகிறார்..எனவே மேசம் ராசியினருக்கு குரு அதிக பலனை அள்ளி வழங்குவார் என எதிர்பார்க்கலாம்...கன்னி,விருச்சிகம் ராசியினருக்கும் இந்த குருபெயர்ச்சி சிறப்பான பலன்களை அள்ளிதரப்போகிறது...பபுண்ணிய நதி நீராடல்களும்,வெண்டுதலை நிறைவேற்றும் பாக்யமும் வாழ்வில் பல முக்கிய மகிழ்ச்சியான சம்பவங்களும் இந்த ஆண்டில் இவர்களுக்கு நடக்கும்!

பொதுவான சில குறிப்புகள்;

பங்கு சந்தை இந்திய ரூபாய் மதிப்பு வேகமாக சரிந்ததும் கவனித்திருப்பீர்கள்..முன்பு குரு மகரத்தில் நீசமானபோது உலக பொருளாதார வீழ்ச்சி உண்டானது..இப்போது குரு தன் பகைவீடான ரிசபத்துக்கு சென்றதும் ரூபாய் (தனம்) மதிப்பு சரிந்தது..!

ரோஹிணி சாரத்தில் குரு இருப்பது எந்த ராசியினருக்கு எல்லாம் அவயோகமோ அவர்களுக்கு சுமாரான பலன்களே தரும்...தனக்கு எதிர்கிரகமான சுக்கிரனின் வீட்டில் குரு அமர்வதால் ரியல் எஸ்டேட்,கட்டிடத்துறை,பாதிக்கப்படும்..புகழ்பெற்ற மூத்த கலைஞர்கள்,வயதான பெரும் தலைவர்களுக்கும்,மருத்துவ சிகிச்சை எடுத்துக்கொள்ளும் புகழ்பெற்ற கலைத்துறையை சார்ந்தவர்களுக்கும் பாதிப்பு உண்டாக்கும்....குரு செவ்வாயை பார்ப்பதால் கொடிய நோய்களான புற்றுநோய்,எயட்ஸ் போன்றவற்றுக்கு மருந்துகள் கண்டுபிடிக்கப்படலாம்...

ஏழைகளுக்கு மருத்துவ செலவுகள் குறையும் விதத்தில் அரசால் புதிய திட்டங்கள் வழங்கப்படலாம்..அவை பெரும் வரவேற்பை பெறும்..சந்திரன் சாரத்தில் குரு செல்வதால் தண்ணீர்ல கண்டம் இருப்பவர்கள் கவனம்....தொற்று நோய்கள் அதிகரிக்கும்...பழைய புகழ்பெற்ற தொற்று நோய்கள் திரும்ப வரலாம்......மத்தியில் இருக்கும் முக்கிய பெண் தலைவருக்கு பாதிப்பான வருடமாகவும் இருக்கும்!!

ஜோதிடம்;மாணவர்களுக்கு ராசிபலன் பார்க்கலாமா?

ஜோதிடம்;மாணவர்களுக்கு ராசிபலன் பார்க்கலாமா?

என் மகன் ராசிக்கு குருபெயர்ச்சி எப்படி இருக்கு..அவனுக்கு சரியில்லாம போனா ரிசல்ட் சொதப்பிடுமே என பிளஸ் டூ ரிசல்டுக்கு காத்திருக்கும் பெற்றோர்களுக்கு பதட்டம் தொற்றிக்கொள்வது இயற்கை...

நல்லா படிச்சு நல்ல மார்க் வாங்குற பையனுக்கு குரு பெயர்ச்சி சாதகம இல்லைன்னா என்னாகும்..? ஒண்ணும் ஆகாது...அவன் மார்க் குறையுமா...குறையாது..என்ன சார் இப்படி சொல்றீங்கன்னு கேட்கிறிங்களா..?ஆமாங்க அதான் உண்மை..காரணம் என்னன்னா..வெறும் ராசிபலன் மட்டும் பார்த்து அவன் த்லைவிதியை நிர்ணயிக்க முடியாதுன்னு சொல்றேன்...

ஜாதகத்தில் கல்வி கிரகங்கள்..அதாவது நினைவாற்றல் கிரகம் புதன்...ஞானத்தை தரக்கூடிய குரு,மனபலத்தை ,மனத்தெளிவை தரக்கூடிய சந்திரன் கெடாமல் இருந்தால் லக்னத்துக்கு 2,3,4 ஆம் இடங்கள் கெடாமல் இருந்தால் நல்ல கல்வி அமையும்...அது ஜெயிக்கிற குதிரை..எந்த கோட்சாரத்துக்கும் கட்டுப்படாது..புதன் திசை அல்லது குரு திசை..அல்லது லக்னத்துக்கு சுபர்,யோகாதிபதி திசை நடந்தா படிப்பு ஜம்முன்னு இருக்கும்..புதனுடன் கேது இருந்தால் அவன் படிப்புக்காக பெற்றோர் படாதபாடு படணும்..எவ்வளவு படிச்சாலும் தலையில ஏறாது ...ன்னு நாடி ஜோதிடம் சொல்லுது....ராகு இருந்தாலும் இந்த சிக்கல் உண்டு...

நல்லா படிக்கிற பசங்களை உனக்கு டைம் சரியில்லை..பார்த்து படின்னு நீங்களும் பதட்டம் ஆகி,அவனையும் பதட்டம் அடைய வெச்சிடாதீங்க..குருப்பெயர்ச்சி,சனிப்பெயர்ச்சி எதுவானாலும்..உங்கள் குழந்தைகளிடம் சொல்லி சோர்வடைய வைத்துவிடாதீர்கள்...உன் ராசிக்கு அஷ்டம சனி வேற ...குருபலமும் இல்லையாம்...பிளஸ்டூ ரிசல்ட் எனக்கு என்னமோ சந்தேகமா இருக்கு...மார்க் குறையுமோ இல்ல..ஏதாவது பாடத்துல கோட்டை விட்ருவியோ தெரியலை என தன் மகனிடம் புலம்பிய ஒரு அப்பாவை பார்த்து கேட்டேன்..,

இன்னும் பாதி பரீட்சையை அவன் எழுதலை..அதுக்குள்ள அவனுக்கு சோர்வை உண்டாக்குற மாதிரி பேசுறீங்களே..இது அவனுக்கு மனரீதியா தெம்பு கொடுக்காது...படிப்புல சலிப்பை உண்டாக்கும் தெரியுமா என்றேன்...அவர் அப்போதும் ராசிபலன் கவலையிலேயே இருந்தார்....ஜாதக கட்டம் நல்லாருந்தா எந்த பாதிப்பும் கோட்சாரம் தரமுடியாது..அப்படி தந்தாலும் நல்லா படிக்கிற பையனுக்கு உடல்நலக்குறைவு அடிக்கடி வரலாம்...அவன் படிப்பை தலைகீழாக மாற்றிவிடும் என எண்ணாதீர்கள்..

திருமணம் தாமதம் ஆகிறதா..? இதோ ஜோதிட பரிகாரம்

திருமணம் தாமதம் ஆகிறதா..? இதோ ஜோதிட பரிகாரம்;

சினிமா ஹீரோ விஜய்,சூர்யா மாதிரி இல்லைன்னாலும் நமக்குன்னு ஒரு ஹீரோ கிடைச்சா பரவாயில்லையே என தகுதி இருந்தும் பல வித சூழல்களால் திருமணம் தாமதமகிக்கொண்டே வரும் கன்னிப்பெண்கள் அதிகம்....ஆரம்பத்துல சினேகா,நயன்தாரா மாதிரி பொண்ணைத்தான் கட்டுவேன்னு அடம் பிடிச்சிட்டு அப்புறம் ஏதோ சுமாரா இருந்தாக்கூட போதும் கல்யாணம் ஆனா சரி என்ற சலிப்புக்கே வந்துவிட்ட ஆண்களும் இன்று அனேகம்....

திருமண தாமதம் என்றால் திரும்ணஞ்சேரி,காளகஸ்தி என ஒரு ரவுண்ட் அடிச்சி பரிகாரம் செஞ்சிட்டு வருகிறோம்...இங்க வந்துட்டு போனா லேட் ஆகுறதே இல்லை என்பதுதான் காலம் காலமாக இருக்கும் முக்கிய நம்பிக்கை..ஆனா அங்கு போய் வந்து சில ஆண்டுகளாகியும் கல்யாணம் ஆகாமல் தடைபடுவது ஒரு சோகம்...பவானி,கொடுமுடியை பொறுத்தவரை நல்ல ராசியான பிராமணரை வைத்து பரிகாரம் செய்தால் உடனே திருமணம் ஆகிவிடும்...

களகஸ்தி,திருமணஞ்சேரி மட்டும் போய்விட்டு வந்து பரிகாரம் எல்லாம் முடிச்சாச்சு என சொல்பவர்கள்தான் அநேகம்..குருபலம் வந்தாலும்,ஜாதகத்தில் கோட்சாரத்தில் உங்கள் ஜாதகத்தில் செவ்வாய்,அல்லது சுக்கிரனை எப்போது பார்க்கிறதோ அந்த வருடம் திருமணம் தடையில்லாமல் நடந்துவிடும்..வெறும் குருபலனை மட்டும் வைத்து திருமணம் நடந்துவிடும் என சொல்லிவிட முடியாது...7க்குடையவன் ,சுக்கிரன்,குரு,பாக்யாதிபதி புத்தியும் திசாபுத்தியில் நடக்கவேண்டும்...இவை இருந்தால் திருமண தாமதம் இருப்பதில்லை...எப்போது இவை வருகிறதோ அப்போது திருமணம் கூடி வரும்...

பெண்கள்,ஆண்கள் ஜாதகத்தில் சில கிரகங்கள் ஏடகூடமாக அமரும்போது ,திருமண பொருத்தத்துக்கு நம் ஜாதகம் போகும்போது இதை ஜோசியர் தவிர்த்துவிடுகிறார்..இதனால் பல தாமதம் உண்டாகிறது...இது பற்றி ஏற்கனவே எழுதியிருக்கிறேன்...

சிலருக்கு குடியிருக்கும் வீடு அல்லது பூர்வீகம் சரியில்லாமல் சுபகாரியம் நடத்த முடியாமல் தடை ஏற்படுத்தலாம்..அதையும் கவனித்து இடம் மாறும்போது பலருக்கு திருமணம் ஆகியிருக்கிறது..

கரூர் அருகில் உள்ள தான்தோன்றி மலை கல்யாண வெங்கட்டரமர் கோயில் வழிபாடு செய்தால் திருமணம் தாமதமில்லாமல் நடக்கும் என ஏற்கனவே எழுதியிருந்தேன்......சினேகா,பிரசன்னா வெண்டுதல் நிறைவேறுதலுக்காக,இங்கு வந்தபோதுதான் பலர் ஓடிச்சென்று தாங்களும் வழிபட்டு வந்தனர்...இந்த கோயில் திருமணம் தடை,குழந்தை பாக்ய தடை போன்ற வேண்டுதல்களுக்கு உடனே நிவர்த்தி செய்து தரும் தலம் என்பதல் மிக பிரபலம்...நெரூர் சதாசிவ சித்தர் வரைந்து வைத்த அபூர்வ ஜனவசிய யந்திரமும் இங்கு இருக்கிறது...நின்ற கோல பெருமாளான இவர் நம் துன்பங்களை உடனே நிவர்த்தி செய்து தரும் அற்புத மூர்த்தியாவார்..இங்கு வெள்ளிக்கிழமையில் சென்று நெய்தீபம் ஏற்றி,துளசிமாலை சார்த்தி வணங்கி வாருங்கள்..இங்கு நடக்கும் திருக்கல்யாண உற்சவத்தில் கலந்து கொள்ளுங்கள்..நிச்சயம் உங்கள் வேண்டுதல் பலிக்கும்!!