தமிழ் புத்தாண்டு துன்முகி ராசிபலன் 2016 மேசம்

தமிழ் புத்தாண்டு துன்முகி ராசிபலன்  2016

நல்ல நேரம் வாசக நண்பர்கள் அனைவருக்கும் தமிழ் புத்தாண்டு வாழ்த்துக்கள்...!

துன்முகி வருட பாடல்;

மிக்கான துன்முகியில் வேளாண்மை யேறுமே

தொக்க மழைபின்னே சொரியுமே -மிக்கான 

குச்சர தேசத்திற் குறைதீர வேவிளையும்

அச்சமில்லை வெள்ளையரி தாம்.

விவசாயம் செழிக்கும் ..நல்ல மழை பெய்யும்...பயமில்லை என பாடல் விளக்குகிறது.

பங்குனி 31 ஆம் நாள் அதாவது 13.4.2016 அன்று மாலை 4.29 க்கு திருக்கணித பஞ்சாங்கப்படி சூரியன் மேசம் ராசிக்குள் செல்கிறார்..அதன்படி கன்னி லக்னத்தில்,மிதுனம் ராசியில்  புத்தாண்டு பிறக்கிறது.... ராசி நிலைகளை பார்த்தால் வானியல் ,விஞ்ஞானம்,மருத்துவம் போன்ற துறைகளில் பெண்கள் புதிய சாதனைகளை படைப்பார்கள்..அண்டை நாட்டினருடன் போர் அபாயம் உண்டாகும்..செவ்வாய் சனி இணைவு இருப்பதால் தீவிரவாத அபாயம் அதிகரிக்கும்,விமான,ரயில் விபத்துகள் அதிகம் காணப்படுகின்றன...காரணம் செவ்வாய்,சனி ஆதிபத்தியம் அதிகம் சுபகிரகங்களை விட அதிகம்.குரு ராகு லக்னத்துக்கு மறைந்திருப்பதால் நீதி துறை,ஆன்மீக மடாதிபதிகளின்  மீது மக்கள் நம்பிக்கை குறையும்..கல்வி துறைக்கு  சார்ந்த  போராட்டம் அதிகரிக்கும்..

மேசம்;

மேசம் ராசிக்காரர்கள் திறமையானவர்கள்..எங்கும்,எதிலும் கம்பீரம் குறைய மாட்டார்கள் வெட்டிட்டு வா என்றால் கட்டிட்டு வரக்கூடிய சாமர்த்திய சாலிகள்....எப்போதும் உத்தரவு போடும் இடத்தில் இருக்க விரும்ப கூடியவர்கள் கிழ் படிந்து போகும் குணம் இயல்பிலேயே இல்லை இதனால் உறவுகள்,நட்புகள் வட்டாரத்தில் சிலர் விலகி இருப்பதும் உண்டு.....முன்கோபம்,பிடிவாதம் இயல்பான குனம்..அதுவே உங்களுக்கு பலமும்,பலவீனமும் ஆகிவிடுகிறது...

உங்கள் ராசிக்கு அஷ்டம சனி நடப்பதால் மன சோர்வு,விரக்தி,மன உளைச்சல் ஏற்படும்படியான சம்பவங்கள் கடந்த ஓராண்டாக சந்தித்து வந்திருப்பீர்கள் தொழில் நிலை கவலைப்படும்படி இருக்கிறது பணி புரியும் இடத்தில் அதிக சலிப்பு உண்டாகிறது என மனக்குழப்பத்தில் இருப்பீர்கள் சிலருக்கு அதிக விரய செலவும் அலைச்சலும் உண்டாகி கடனும் நெருக்கடியை கொடுத்து கொண்டிருக்கும் தன்னம்பிக்கை இழக்க செய்யும் வகையில் ராசிநாதன் செவ்வாய் ராசிக்கு எட்டில் சனியுடன் மறைந்திருப்பதுதான் காரணம்...ஆவணி 30 வரை ராசிநாதன் சனியுடன் தான் இருக்கிறார் அவர் மாறினால் தன்னம்பிக்கை,தைரியம் இன்னும் அதிகரிக்கும் குழப்பங்கள் எல்லாம் முடிவுக்கு வரும்...

இருப்பினும் சித்திரை தமிழ் புத்தாண்டில் ஐந்தாம் அதிபதி சூரியன் உங்கள் ராசியிலேயே உச்சம் அடைவது உங்களுக்கு வெற்றியை தேடித்தரப்போகிறது உங்கள் கடந்த கால துன்பங்கள் விலகப்போகிறது...பூர்வ புண்ணியாதிபதி வலுத்தால் ஏதோ ஒரு புண்ணியத்தில் உங்கள் நெருக்கடிகள் விலகித்தான் ஆக வேண்டும்..அந்த வகையில் சித்திரை உங்களுக்கு சுகமான நித்திரையை தரும்படி நல்ல செய்தி கொடுக்கும்..பதவி,உயர்வு,விரும்பிய இட மாறுதல் ,மேல் அதிகாரிகளால் பாராட்டு கிடைக்கும்..சிலருக்கு தொழிலில் வர வேண்டிய ,நீண்ட நாளாக காத்திருப்பில் இருந்த பணம் கிடைக்கும்...பெண்கள் புதிய நகைகள்,சொத்துக்கள் வாங்கும் யோகம் வாய்க்கப்பெறுவார்கள்..

ராசிக்கு பாக்யாதிபதி குருவின் பார்வை இருப்பதால் கிணற்றில் விழுந்து விட்வோமோ என்ர பயம் உண்டாகும்படி சூழ்நிலை இருந்தால் குரு கிணற்றில் தள்ளாமல் காப்பாற்றுகிறார் எனவே அச்சம் தேவையில்லை

11.8.2016 அன்று உண்டாகும் குரு பெயர்ச்சியால் 6ஆம் இடமான ருண,ரோக,சத்ரு ஸ்தானத்துக்கு வரும் குருபகவான் பல வழிகளிலும் உங்களுக்கு லாபத்தை அள்ளித்தரப்போகிறார் கடன் நெருக்கடிகளை குறைக்கப்போகிறார்...இரண்டு வருடங்களாக இருக்கும் சோதனைகளை தீர்க்கப்போகிறார்...உங்கள் ராசிக்கு இரண்டாம் இடத்தை அவர் பார்க்கப்போவதால் வருமானம் அதிகரிக்கும் தொழில் நல்ல முன்னேற்றம் அடையும் குடுபத்தில் ஒற்றுமையும் நிம்மதியும் உண்டாகும் மாணவர்கள் கல்வியில் நல்ல முன்னேற்றத்தை அடைவார்கள்....பெண்கலுக்கு உடல்ரீதியாக இருக்கும் பிரச்சினைகள் தீரும் மருத்துவ செலவுகள் குறையும்...

செவ்வாய் தோறும் காலை 6.30க்கு அருகில் இருக்கும் முருகன் சன்னதியில் நெய்தீபம் ஏற்றி வழிபட்டு வாருங்கள் மலை போல வரும் சோதனைகள் சூரியனை கண்ட பனி போல விலகும்...!!

சித்ரா பெளர்ணமி அன்னதானம்;

சித்திரை மாதத்தின் பெரும் சிறப்பு, சித்ரா பெள்ர்ணமி தினமாகும்..வரும் ஏப்ரல் 21 ஆம் தேதி வருகிறது.. அன்று உடல் ஊனமுற்றோர் ,ஆதரவற்ற முதியோர்கள்,குழந்தைகளுக்கு வழக்கம் போல அன்னதானம்,ஆடைதானம் செய்ய இருக்கிறோம்..உதவி செய்ய விரும்புவோர், நன்கொடை அனுப்ப விரும்புவோர் மெயிலுக்கு தொடர்பு கொள்ளவும் sathishastro77@gmail.com