கல்வி மேம்பட,கடன் தீர,நோய் தீர எளிமையான பரிகாரங்கள் ,வழிபாடுகள்

1.      கல்வி மேம்பாடு; 

ஸ்ரீ ஹயக்ரீவர்   படம்  வைத்து,  நெய்  தீபம் எற்றி  பால்   நைவேத்தியம்  செய்து,  வழிபாடு  ஸ்ரீ ஹயக்கீரிவ  ஸ்தோத்திரம்  11 முறை  கூறவும்.

ஒவ்வொரு  புனர்பூச  நட்சத்திரத்தன்று  ஸ்ரீ  ஹயக்கிரிவருக்கு   சாமந்தி  பூமாலை  சாற்றி   வழிபட்டி  வந்தால்,  கல்வி  நன்றாக்  வரும்.

 2. தீராத  நோய்   தீர;

தினமும்  காலை  மாலை  சிறிது   தண்ணீர்  அல்லது  பால்  எடுத்து  தன்வந்தரி  படம்  வைத்து,  நெய்  தீபம்  ஏற்றி  தன்வந்திரி  ஸ்லோகம்  ஜெபித்து   உணவுக்கு முன்  அருந்த   நோய்  குணமாகும்.

3.கடன்கள்  தீர;                                       

ஸ்ரீ லட்சுமி  நரசிம்மனைத் தினமும்  பூஜிப்பது,  ஸ்ரீ  மகா லட்சுமி,  ஸ்ரீ  துர்க்கையைத்  தினமும்  நெய்  தீபம்  ஏற்றி  வலம்  வந்து வணங்குவது.

கடன்  தொல்லையில்  இருந்து  விடுபட   எளிய  வழி  இருக்கிறது.  எந்த   தெய்வத்திற்கு  அபிசேகம்  செய்தால்  அத்தொல்லையில்  இருந்து   விடுபட  இயலும்.  குறிப்பாக  தெட்சிணா மூர்த்திக்கு  மாப்பொடியால்   அபிஷேகம்  செய்தால்   செல்வ  வளம்  பெருகும்.  கடன்  தொல்லை  அகலும்.

4.  வீட்டில்  குபேரன்,  லட்சுமி,  வெங்கடசலபதி   படங்களை உள் நோக்கியபடியே  வைக்க  வேண்டும்.  வெளியே  பார்க்குமாறு  வைத்தால்   வீட்டில்   பணம்  தங்காது.  மேலும்,  யாருக்கு   பணம்  கொடுத்தாலும்  வெள்ளிக்கிழமைகளில்  மாலை  6  மணிக்கு   மேல்   கொடுக்ககூடாது.

5.சந்திராஷ்டமம்;                                                                                      

சந்திரன்  அவரவர்  ராசிக்கு  8- ம்  இடம்  வரும் காலம்  2  1\4  நாட்கள்.  இந்நாட்களில்  முக்கிய   முடிவு,  பேச்சுவார்த்தை,  செயல்கள்,  வண்டி  வாகனங்களில்  எச்சரிக்கை  மிகவும்  அவசியம்.

6.  யாத்திரையில்  அசுப  சகுணம்;

பிராயண  காலத்தில்  கால்  வழுக்கல்,  இடித்துக் கொள்ளல்,  பூனை  குறுக்கீடு,  கர்ப்ப ஸ்திரீ,  விதவை,   நோயாளி,  தலை விரித்து  வரும்  பெண்,  தும்மல்,  உப்பு  கரி,  வைக்கோல்  அசுப சகுனம்.  அப்படி  ஏற்பட்டால்  திரும்பி  வந்து    நீர்  பருகி  5 நிமிடம்  கழித்திப்  புறப்படலாம்.  இரண்டாம்  முறை  ஏற்பட்டால்  பிராயணத்தைத்  தள்ளிப்  போட  வேண்டும்.

அப சகுனம்  ஏற்படும் போது; 

விஷ்ணு  பகவானை  மனதில்  தியானித்து  கிளம்பலாம்.

7.  கெட்ட  கனவுகள்;

இரவில்  படுக்கப் போகும்  முன்பு    சிறிது  நேரம்  ஸ்ரீ  ராக வேந்திரை  நினைத்து  ஸ்ரீ  ராகவேந்திரர்  துதியை  கூறி படுத்தால்  கெட்ட  கனவுகள்  வராது.

8.  மன  அமைதி;

காலை  மாலை  108  முறை  ‘ஓம்  நமசிவாய’  மந்திரத்தை   வலது  கையில்   நீர்   உள்ள   பாத்திரம்  வைத்து   ஜெபித்து  ‘ஓளஷதம் நமசிவாய,  என்று கூறி  நீரை அருந்த  உடல்  நலக்கோளாறு  நீங்கி  மனம்  அமைதி   பெறும்.

 ஒவ்வொரு  நாளும்  இரவு  படுக்கும் முன்   சிவனை  நினைத்து  ‘ஓம் நமசிவாய நம’என்றோ ஓம் நமோநாராயணா என்றோ ராம்ராம் என்றோ உச்சரித்துவர நல்ல தூக்கம் வரும்...கெட்ட சிந்தனைகள்,பயம் நீங்கும்..

  

பில்லி, சூனியம், சத்ரு பயம், பகைவர் தொல்லை, செய்வினை, இழந்த பதவியைப் பெற

பில்லி,  சூனியம், சத்ரு பயம், பகைவர்  தொல்லை, செய்வினை, இழந்த பதவியைப் பெற

அய்யவாடி [ஐவர் பாடி];

இங்குள்ள  பிரத்தியங்கிரா  தேவி  ஆலயம்  18 சித்தர்கள்  பூஜித்தும்,  அகஸ்திய முனிவருக்குக்  காட்சி  தந்த ஸ்தலம்,  பஞ்ச பாண்டவர்  பூஜித்த  ஸ்தலமுமாகும்.  இத்தேவியைத் தரிசனம்  செய்தால் எல்லா  கஷ்டங்களும் நீங்கி  வேண்டும்  வரங்களப்  பெறலாம்.  அமாவசை அன்று  காலை 10 மணி முதல்  1 மணி வரை  நிகும் பல யாக பூஜை.  அருள் தரும்  மகா  பிரத்தியாங்கிரா  தேவி  ஆலயம் தமிழ் நாட்டில்  இங்கு  மட்டுமே  உள்ளது. செவ்வாய்க்கிழமை  நெய்  தீபம்  ஏற்றி  வழிபட  இழந்ததைப் பெறலாம்.  இவள்  மட்டுமே  16  பேறுகளை [செல்வங்கள்]  தரக் கூடியவள்.

வழித் தடம்;

கும்பகோணத்திலிருந்து 7.கி.மீ. தூரத்திலுள்ளது. [நாச்சியார்கோவில் செல்லும்  பாதையில்]

நாமக்கல்;  ஒன்பது  சித்தர்களால்  ஆராதிக்கப்பட்டு  உருவேற்றப்பட்ட  நரசிம்ம  மூர்த்தங்கள்  ஒன்பதில்  குறிப்பிடதக்க  சிறப்பினைப்  பெற்றது,  நாமக்கல் ஸ்ரீ  நரசிம்ம மூர்த்தி  இக்கோவிலுக்கு  18 அடி  உயர  கூப்பிய கரத்துடன்  நிற்கும் மிகப் பழமை  வாய்ந்த ஸ்ரீ ஆஞ்ச நேயரை  பூஜிப்பதால்  செய்வினைப்  பாதிப்புகள்  விலகுகின்றன.

வழித் தடம்;

சேலத்திலிருந்து 28 கி.மீ. தூரத்தில் உள்ளது.

மதுரை- ஒத்தகடை;   ஒத்தகடை மெயின் ரோட்டில்  யானை  மலையின் பின்புறம்  யானை மலையின்  கீழ்  அமைந்துள்ளது. ஸ்ரீ யோக நரசிம்மர்  கோவில்.  இங்கு  நரசிம்மர்  யோக நிலையில்  காட்சி தரும் இவரை வழிபட பேய்,  பில்லி, சூன்யம்  விலகும்.  செவ்வாய் தோஷமுள்ளவர்  செவ்வாய்கிழமை  தோறும்  சிவப்பு வஸ்திரம்,  எலுமிச்சை  பானகம்  போட்டு  வணங்க  செவ்வாய்  தோசம்  நீங்கும்.

சிறுவாச்சூர்;  பில்லி- சூன்யம்  போன்றவற்றையே  தொழிலாக  கொண்டிருந்த  மந்தரவாதியை  அழித்து,  கோவில் கொண்டுள்ள  அம்மனான மதுரகாளியை  வழிபட்டால்  பில்லி- சூன்யங்கள் விலகி விடும்.  ஆதி சங்கரர்  வழிபட்ட ஸ்தலம்.  திங்கள், வெள்ளிக்கிழமை  மட்டும்  திறந்திருக்கும்.

வழித் தடம்;  திருச்சி- சென்னை நெடுஞ்சாலையில்  பெரம்பலூருக்குத் தெற்கே 8 கி.மீ. தூரத்தில் உள்ளது.

ஐயர் மலை;

இம்மலையில்  பதினெட்டாம்  படி மிகுந்த சிறப்பு வாய்ந்தது.  மனச்சாட்சிப்படி  நடக்காதவராலும்  வாக்கு தவறியவராலும் பாதிக்கப்பட்டவர்கள்   இறைவனை  வழிப்பட்டு  பதினெட்டாம்  படியில்  சத்தியம்  செய்தால்  அதற்குண்டான பலன்  கிடைக்கும் என்று  நம்பப்படுகிறது.  இறைவன்;  இரத்தினகிரீசர் அம்மன்;  அரும்பார் குழலி.

இம்மலையடிவாரத்தில்  உள்ள கம்பத்தடியில் கட்டுக்கட்டினால்  பில்லி, சூனியம், ஏவல், செய்வினை முதலியவை  நீங்கி  நலம் கிட்டி  வருகிறது என்பது  தொன்று தொட்டு நடைபெற்று வருகிற நிகழ்ச்சியாகும்.

வழித் தடம்;  மணப்பாறை-குளித்தலை  சாலையில் உள்ளது.

கொல்லிமலை;    செய்வினை  ஒருவருக்கு  இருந்தால்  அதனை  சுலபமாக  அறியலாம்,  கை, கால் மூட்டுகளில்  வலி,  கண்களுக்குக்  கீழ்  கருப்பு  வளையம்  இருந்தால்,  தோல்  வியாதி, மனதில் சதா சலிப்பு போன்றவை  இருக்கலாம்.

எந்தக்  காரணமும்  இன்றி  கணவன்  மனைவிக்குள் சண்டை, சச்சரவு  ஏற்பட்டு நன்றாக்  நடந்து  கொண்டிருந்த  வியாபாரம்  மந்தமாகி  விடுதல்,  குழந்தை  பாக்கியமின்மை இவை  யாவும்  செய்வினை, ஏவல்  தோஷம்  ஆகும்.

இவை யாவும்  நீங்கிட  கொல்லிமலையில்  உள்ள எட்டுக்கை அம்மன்  எனப்படும். கொல்லிப்பாவை  ஆலயம் சென்று  வழிபடவும்.  செவ்வாய், வெள்ளி, அமாவசை,  பெளணமி  போன்றவை  கொல்லிப்பாவைக்கு  உகந்த நாட்கள்.

வழித் தடம்;  நாமக்கல்லில்   இருந்தும்  சேலத்திலிருந்தும் செல்லலாம். 

நீண்ட ஆயுள் பெற அருள் தரும் கோயில்கள்

நீண்ட  ஆயுள் பெற அருள் தரும் கோயில்கள்  temple in tamilnadu

திருக்கடையூர்;

ஈசன்  தனது  பக்தன்  மார்க்கண்டேயனுக்கு  அபயமளிக்க  காலனை  சம்ஹாரம்  செய்து,  கால சம்ஹார  மூர்த்தியாக  எழுந்தருளியுள்ள  ஸ்தலம்.  இங்கே வந்து  இறைவனைத்  தொழுதால்   நீண்ட  ஆயுள்  கிடைக்கும்.  வயது  முதிர்ந்தவர்,  உடல்  நலம்  குன்றியவர்,  அகால  மரணம்  ஏற்படும்  நிலை,  ஆயுள்  பாதிப்பு  உள்ளவர்  நீண்ட  ஆயுள  பெற இங்கு   ம்ருத்யுஞ்சய  ஹோம்ம்,  ஆயுள்  ஹோம்ம்   செய்து  கொள்ளலாம்.

தம்பதிகள்  59  வயது முடிந்து  60  வயது  ஆரம்பிக்கும் போது  ‘உக்ரரத’  சாந்தி  பூஜையும்,  60 வயது  முடிந்து  61  வயது  தொடங்கும்  பொழுது  சஷ்டி  அப்த  பூர்த்தியும், 69  வயது   முடிந்து  70  வயது   ஆரம்பிக்கும் போது  ‘பீமரத சாந்தி’  பூஜையும், 79 வயது  முடிந்து  80 வயது  ஆரம்பிக்கும் போது  ‘சதாபிஷேகமும்’  செய்து  கொண்டால்  பூரண  ஆயுள்  கிடைக்கும்.

வழித் தடம்;

மயிலாடு துறையிலிருந்து  23 கி .மீ.  தூரத்தில்  உள்ளது.

திருப்பைஞ்சீலி;

இறைவன் காலடியில் எமன் வீழ்ந்து கிடக்கிறான்.  இங்குள்ள  எமன்  கோயிலில்  சிறப்பு  நீராட்டுதல்கள்  வழிபாடுகள்  நடைபெறுகின்றன.

மாரகம்  அல்லது  அதற்கு  இணையான  கண்டம் ஏற்படும்.  காலக் கட்டத்தில்   திருச்சி  அருகே  உள்ள  இத்திருக்கோவிலுக்கு  சென்று  அங்குள்ள  எமதர்ம  ராஜாவுக்கு  மகம்  நட்சத்திரத்தன்று  அபிஷேகம்  செய்தால்  நீண்ட  ஆயுள்  ஏற்படுகிறது.

மரணப்படுகையில்  அவதிபடுபவர்களுக்கு இக்கோவிலில்  வழிபாடு  செய்து,  கோவிலின்  அருகே  காணப்படும்.  மணிகர்ணிகை   தீர்த்தத்தை  தந்தால்   வேதனை  இன்றி  உயிர்  பிரியும்.

திரு கற்குடி;

உயிர்களை  வாழ  வைக்க  உறைந்திருக்கும்  இடம்தான்  திரு கற்குடி   என்று பெயர் கொண்ட  உய்யக்  கொண்டான்  திருமலை.  இத்தலம், மார்க்கண்டேயனுக்கு  சிரஞ்சீவத்  தன்மை  கிடைக்க  செய்த சிறப்புடையது. மார்க்கண்டேயருக்கு  ஜீவன்  அளித்ததால்  சுவாமி ‘உஜ்ஜீவ  நாதர்’  எனப்படுகிறார்.

இக்கோயிலில்  உள்ள ஜேஷ்டா  தேவியை  தரிசித்தால்  விபத்துகளிலிருந்து  நம்மை   காப்பாற்றுவாள்.

வழித் தடம்;

திருச்சியிலிருந்து  வயலூர்  சாலையில்  5 கி,மீ, தொலைவில்  உள்ளது.

கூத்தம் பூண்டி;

திண்டுக்கல்  மாவட்டம்,  ஒட்டன்சத்திரம்  அருகே உள்ள இவ்வூரில்  ஆனந்த வல்லியுடன் மார்க்கண்டேயப் பெருமாள் கோயில் உள்ளது. மார்க்கண்டேயன்  பூஜித்த ஸ்தலம்.  இங்கு  எமதர்மன் அரூபமாக  காட்சி  தருகிறார்.  60 வயது  நிரம்பியவர்களும்  ஜாதக  ரீதியாக  ஆயுள்  குறைபாடு  உள்ளவர்களும்  இப்பெருமானை  வழிபட்டால்  நீண்ட  ஆயுளும்,  ஆரோக்கியமும் பெற்று  நலமுடன்  வாழலாம்.