ரிசபம் ராசி லக்னத்தில் பிறந்தவர்களுக்கு என்ன தொழில் அமையும்..? ஜோதிடம்

                      ரிஷப  லக்கினம்

    ரிஷப லக்கினத்தில் பிறந்தவர்களுக்கு லக்னாதிபதி சுக்கிரன் ஆகிறார். சுக்கிரன் லக்கினத்திற்கு 1,5,9 ஆகிய ஸ்தானங்களில் இருக்கும் போதும், லாப ஸ்தானத்தில் உச்சம் பெறும் போது, சுபகிரகங்கள் சேர்க்கை பெறும் போது விதத்திலும் ஏற்றம் பெறுவார்கள். சுக்கிரன் சுபகிரகம் என்பதால் கேந்திர ஸ்தானங்களில் அமையப் பெறும் போது அதிக அளவில் நற்பலனை    

   

   

    ஏற்படுத்துவது இல்லை. சுக்கிரன் கலைகுரிய காரகன் என்பதால் இந்த லக்கினக்காரர்கள் கலைதுறையில் அதிகம் ஈடுபாடு கொண்டவராக இருக்கிறார்கள். இவர்களுக்கு வாழ்வில் பெண்கள் மூலம் லாபம் அடையும் அமைப்பு ஏற்படுகிறது.

        ரிஷப லக்கினத்தில் பிறந்தவர்களுக்கு சனி 10, 9, வீட்டிற்கும் அதிபதி ஆகிறார். 9, 10 க்கு அதிபதி என்பதால் இவர்களுக்கு இயற்கையாகவே தர்ம கர்மாதிபதி யோகம் உண்டாகிறது. இது அவர்களுக்குத் தொழிலில் பல சாதனைகளைச் செய்யும் அமைப்பை ஏற்படுத்துகிறது.

    ரிஷப லக்கினத்திற்கு தொழில் ஸ்தானாதிபதி சனி என்பதால் இவர்களுக்கு இரும்பு, இயந்திரத் தொழில், பழைய பொருள்கள் விற்பனை செய்தல், வேலையாட்களை வைத்து தொழில் செய்வது, பலரை நிர்வாகம் செய்யும் அமைப்பு போன்றவை பொதுவாக ஏற்படுகிறது.  சனி பகவான் ரிஷப லக்கினத்தில் பிறந்தவர்களுக்குத் திரிகோண ஸ்தானங்களில் அமையும் போது வாழ்வில் எல்லா வகையிலும் ஏற்படுத்துகிறார்.

     ரிஷப லக்கினத்தில் பிறந்தவர்களுக்கு சனி ஜென்ம ராசியில் அமையப் பெற்றால், சுக்கிர வீடு என்பதாலும், திரிகோண ஸ்தானம் என்பதாலும், எல்லா விதத்திலும் ஏற்றம் தருகிறார். சொந்த தொழில், ஆடை, ஆபரணம் சம்பந்தப்பட்ட தொழில், பெண்கள் சம்பந்தப்பட்ட தொழில், ஜவுளி வியாபாரம் போன்றவை ஏற்படுத்துகிறது.

     கலைத்துறையில் , படப்பிடிப்பு துறையில், வேலை செய்யும் அமைப்பு ரிஷபத்தில் உள்ள சனியால் ஏற்படுகிறது. சுக்கிரன் வலுப் பெற்றால், கலைத்துறையில் ஈடுபாடு அதிகரிக்கும்.

       சனி பகவான் 2 ம் இடத்தில் அமையும் போது புதன் வீடு என்பதால் கல்வித் துறையில் சாதனை செய்யும் அமைப்பை ஏற்படுத்துகிறார்.  ஜோதிடர் ஆகும் அமைப்பு. ஆடிட்டர், ஷேர், கமிஷன் போன்றவற்றில்    

    ஈடுபடுவார்கள். புதன் வலுப் பெற்றால் பேராசிரியர் ஆகும் அமைப்பு ஏற்படுகிறது. அரசு பள்ளியில்  வேலை  செய்யும் அமைப்பை சூரியன் ஏற்படுத்துகிறார். கணினி துறையில் சாதனை செய்யும் அமைப்பு ஆகியவற்றை சனி 2 ல் இருந்தால் ஏற்படுத்துகிறார். புதன் கல்விக்காரகன் என்பதாலும், 2 ம் வீடு வாக்கு ஸ்தனாம் என்பதாலும் பேச்சாற்றல் வாழ்வில் முன்னேற்ற நிலையை  2 ல் உள்ள சனி ஏற்படுத்துகிறார். சிலருக்குத் தீராத பணப்பிரச்சினையும் இருக்கும்.

    கடக ராசியில் சனி சஞ்சாரம் செய்தால் ஜலத்துடன் தொடர்புள்ள தொழில், வெளிநாடு செல்லும் அமைப்பு, இரயில்வே, விமானம்,போன்ற இடத்தில் வேலை செய்யும் நிலை, அடிக்கடி பயணம் செய்யும் அமைப்பு போன்றவறை 3 ல் உள்ள சனி ஏற்படுத்துவார். சந்திரன் வலுப் பெற்றால் ஜாதகர் வெளிநாட்டில் தொழில் செய்து அதிகம் லாபம் அடையும் நிலை உண்டாகும்.

    சனி, சூரியன் வீடான 4 ல் அமையப் பெற்றால் அடிமைத் தொழில்,  சிறு வியாபாரம், சிறிய உத்யோகத்தில் இருக்கும் நிலையை ஏற்படுத்துவார். சூரியன் ஜாதகத்தில் வலுப் பெற்றால் உயர்ந்த அரசு உத்யோகம், மின்சாரத் துறையில் பணிபுரியும் நிலை அரசியல் நிலையாவும் ஏற்படும்.

      கன்னியில் சனி சஞ்சாரம் செய்தால் ஜாதகர் பத்திரிக்கைகளுக்கு கதை, கட்டுரை எழுதும் நிலை, அரசுப் பள்ளியில் வேலை செய்யும் நிலை. பலருக்கு நல்வாக்கு கூறும் நிலை.  புதன் வலுப்பெற்றால் பேராசிரியர் ஆகும் நிலை ஏற்படும்.

      6 ல் சனி உச்சம் பெற்று இருந்தால் பலரை வைத்து வேலை வாங்கும் நிலை, கலை துறை மூலம் லாபம் அடையும் நிலை, கூட்டுத் தொழில் செய்யும் நிலை, போன்றவை உண்டாகும், இவர்களுக்கு பல எதிரிகள் இருக்கும் நிலை ஏற்படும். வண்டி வாகனம் மூலம் லாபம் அடையும் நிலை,    

     

     இவர்கள் பலரை வழி நடத்துபவராக இருப்பார்கள், பல வழக்குகளை சந்திக்கும் நிலையும் உண்டாகும்.

     விருச்சிக ராசியில் சனி சஞ்சாரம் செய்து செவ்வாயும் வீடு என்றால் ராணுவம், போலீஸ், ரயில்வே துறையில் வேலை செய்யும் நிலை, வீடு கட்டி விற்கும் நிலை, காண்ட்ராக்ட், பூமி  தொடர்புள்ள தொழில் செய்யும் நிலை, ரியல் எஸ்டேட், மின்சாரத் துறை, என்ஜினியர் ஆகும் நிலை, சூரியன் வலுப்பெற்றால் மின்சாரத் துறையில் உயர் அதிகாரியாக பணி புரியும் நிலை ஆகியவை ஏற்படும்.

 

     தனுசு ராசியில் சனி சஞ்சாரம் செய்தால் அஷ்டம ஸ்தானம் என்பதால் சொந்த தொழிலில் அமைவது கடினம், அமைந்தாலும், நிம்மதி இல்லாத நிலை நீடிக்கும். குரு வீடு என்பதாலும் குரு வலுப்பெற்றால் நீதி மன்றத்தில் பணிபுரியும் நிலை, வழக்கறிஞர் ஆகும் நிலை, ஏஜென்ஜி, கமிஷன் துறையில் வேலை செய்யும் நிலை.  இரும்பு சமபந்தப்பட்ட பொருட்களை வாங்கி விற்கும் நிலை ஏற்படும்.

   சனி பகவான் ரிஷப லக்கினத்தில் பிறந்தவர்களுக்குப் பாதக ஸ்தானமான 9 ல் பாதாகாதிபதியாக ஆட்சி பெற்று அமையப் பெற்ற ஜாதகருக்கு ஒன்பது திரிகோண ஸ்தானம் என்பதால் நீதி மன்றங்களில் பணிபுரியும் நிலை, சூரியன் குரு வலுப்பெற்றால் நீதிபதி ஆகும் நிலை. பெரிய அதிகாரியாக வேலை செய்யும் அமைப்பு ஆகியவை உண்டாகும்.

    கும்ப ராசி ஆட்சி பெற்று சனி சஞ்சாரம் செய்தால் நிலக்கரி, எலக்ட்ரிக்கல், இரும்பு சம்பந்தப்பட்ட தொழில் செய்யும் நிலை ஏற்படுகிறது.  பலரை வேலையில் அமர்த்தும் அமைப்பு இவர்களுக்கு இருக்கும்.       

    

   

      மீனராசியில் சனி சஞ்சாரம் செய்தால் நீதித்துறையில் பணி புரியும் நிலை, ஜோதிடம் , துறைமுகம், பைனான்ஸ், இரும்பு சம்பந்தப்பட்ட வியாபாரம் ஆகியவை செய்யும் வாய்ப்புண்டு.

    சூரியன் வலுப்பெற்றால் அரசியல் ஈடுபாடு, புகழ், பெருமை ஏற்படும் நிலை உண்டாகும்.

     சனி பகவான் மேஷ ராசியில் நீசம் பெற்று அமையப்பெற்ற ஜாதகருக்கு அடிமைத் தொழில் செய்யும் நிலை ஏற்படும். மேஷத்தில் உடன் சூரியன்       உச்சம் பெற்று நீசபங்க ராஜ யோகம் ஏற்பட்டால் அரசுத் துறையில் வேலை செய்யும் நிலை, அரசியலில் புகழ் பெறும் நிலை ஏற்படும்.  மேஷ ராசியில் சனி அமையப் பெற்று  செவ்வாய் ஆட்சி பெற்றால் , இராணுவம், போலீஸ், போன்ற துறையில் வேலை செய்யும் நிலை ஏற்படும்.

   சனி ரிஷப லக்னத்திற்கு 9 ம் அதிபதி என்பதால் 12 ல் அமையப் பெற்று செவ்வாய் ஆட்சி அல்லது லக்ன கேந்திரம் பெற்று சந்திரன் சனி உடனிருந்தாலும் சந்திரன் வலுப்பெற்றாலும் வெளி நாட்டில் அதிகம் லாபம் அடையும் நிலை, கடல் கடந்து செல்லும் நிலை உண்டாகும்.

மேசம் ராசி லக்னத்தாருக்கு என்ன தொழில் அமையும்..? ஜோதிடம்

மேஷ லக்கினம் முதல் லக்னமும் முக்கிய லக்கினமாகும். இந்த லக்கினத்தில் பிறந்தவர்கள் தொழில்ரீதியாக சாதனை செய்கிறார்கள். இஅந்த லக்கினக்காரகளுக்கு லக்னாதிபதி செவ்வாய் அட்டாமதிபதியாகிறார். 

இவர் 3,6,10,11 ல் இருக்கும் போது அபரிதமான ராஜ யோகத்தை உண்டாக்குகிறார். தொழிலில் வெற்றி, அரசு வழியில் யோகம், நிலையான உத்தியோகம் போன்ற நற்பலன்கள் உண்டாகின்றன.

          லக்னாதிபதி செவ்வாயும், பத்தாமதிபதியும் சனியும் இணைந்து காணப்பட்டால் கலைத்துறையில் புகழ் தொழிலில் வெற்றி யாவும்.அழகு  நிலையம் நடத்தும் தொழில், பசுமாடு தொடர்புள்ள தொழில், இனிப்பு தொடர்புள்ள தொழில்கள் யாவும் உண்டாகும்.

         சனி பகவான் விருச்சிக ராசியாகிய 8 ம் இடத்தில் அமையப் பெற்றால் அரசு உத்யோகம் அமையும். சனியும், செவ்வாயும் பகை என்பதால் போரட்டம் நடக்கும். ரியல் எஸ்டேட், பூமி சிமெண்ட் விற்கும் தொழில், கட்டிடம் கட்டும் இன்ஜியர்கள், விவாசாயப் பொருட்கள் விற்பனை செய்பவர்கள். சுரங்கங்களில்  வேலை செய்பவர்கள். சிற்ப கலைஞர்கள் போன்ற அமைப்பு பெற்றவராக இருப்பார்கள்.

        சனி பகவான் 9 ம் இடமாகிய தனுசுவில் இருந்தால் உயர்ந்த உத்தியோகம் அமையும். இராணுவத்தில் உயர்ந்த பதவிகள், போலீஸ் உத்தியோகம், பூர்வீக சொத்து கிடைக்கும். கமிஷன், ஏஜென்ஸி தொழில் செய்வார்கள். தொழிலில் உயர்வுகள் உண்டாக்கியபடி இருக்கும்.

        சனி பகவான் மகரத்தில் ஆட்சி பெற்று 10 ல் காணப்பட்டால் சொந்ததொழில் செய்வார்கள். அடிமைத் தொழிலை விரும்ப மாட்டார்கள். இரும்பு சம்பந்தப்பட்ட தொழில், மீன் வியாபாரம், பெட்ரோல் பங்க், எண்ணெய் வியாபாரம், தயிர் வியாபாரம், மெக்கானிக் தொழி, டிங்கர் தொழில், அச்சுத் தொழில், கலப்படம், கள்ளச் சாராயத் தொழில் எனப் பல தொழில்களைச் செய்யும் வாய்ப்புண்டு.டாஸ்மாக் பார் தொழில் என்றும் குட சொல்லலாம் 

        சனி பகவான் 11 ம் இடமாகிய லாபஸ்தானத்தில் இருந்தால் ரயில் வே, பஸ் நிர்வாகம், பஞ்சாயத்து, போன்ற இடங்களிம் வேலை கிடைக்கும். இரும்பு, செங்கல், கரும்பு பயிரிடுதல், அடுப்பு கரி, வியாபாரம், மிஷின் தொழில் யாவும் உண்டாகும்.

   சனி பகவான் 12 ம் இடமாகிய மீனத்தில் அமையப் பெற்றிருந்தால் அரசு உத்தியோகம் அமையும். தொழிலில் கூர்மையாக இருப்பார்கள். அடிக்கடி பயணம் செய்து சம்பாதிப்பார்கள். தர்ம ஸ்தாபனம், நீதிமன்றம் , மீன் தொடர்பானவை கப்பலில் ஏற்றுமதி இறக்குமதி போன்ற தொழில்கள் அமையும்

            

ஜாதகத்தில் பத்தாம் வீட்டில் இருக்கும் கிரகமும் அது தரும் தொழிலும் ஜோதிட விளக்கம்

10  ம் பாவகத்தில்  நிற்கும் கிரகங்கள் விபரம்

     

ஜாதகத்தில் பத்தாம் வீட்டு அதிபதி கீழ்க்கண்ட கிரகங்களாக இருந்தாலும் பத்தாம் வீட்டில் இந்த கிரகங்கள் இருந்தாலும் சொல்லப்பட்டுள்ள காரகத்துவ தொழில் அமையும் யார் வலிமையாக இருக்கிறார்களோ அது சம்பந்தமான தொழில் என யூகிக்கலாம் ..பத்தாம் அதிபதி 6,8,12ல் மறைந்திருந்தாலும் பாவ கிரகங்களுடன் சேர்ந்திருந்தாலும் தொழில் அடிக்கடி சரிவையும் சிக்கலையும் சந்திக்கும்...பத்தில் இருக்கும் கிரகம் பலமாக அமைந்து பத்தாம் அதிபதி வலிமை குறைந்திருந்தால் வலிமையாக இருக்கும் கிரகத்தின் தொழில் அமையும்.

சூரியன்  - அரசியல்வாதிகள்  , மந்திரிகள் , நீதிபதிகள் , அரசு ஊழியர் .

சந்திரன்  - நர்ஸ் ,  பணிப் பெண் , உணவு சார்ந்த துறை , மதியுகம்

செவ்வாய் – படை வீரர்கள் , மருத்துவர் , நிலக்கிழார்  , வியாபாரி , இன்ஜினியர் , ஆயில்  காப்பிட்டூத் துறை

புதன் – ஆசிரியர்  , கணக்காளார்கள் , தணிக்கைத் துறை , ஏஜெண்டுகள் , முதல்வர்கள் , ஜோதிட நிபுணர்   ,

குரு – பணம் புழங்கும் , நீதிபதி , ஜீவல்லரி , அறநிலையம் , மதம் , அறிவு  சார்ந்த  தொழில் , காப்பகம் ,

சுக்கிரன் – இசை , கலைஞர்கள் , நறுமணப் பொருள்கள்  , துணி , ரத்தினம் , பெண்கள் சம்பந்தம் , ஒட்டல் ,  பத்திரிக்கை , மீடியா , வீட்டு உபயோக பொருள்

சனீஸ்வரர்  - ஆலைகள் , லேபர் காற்றை  வைத்து  செய்தல்  , கமிஷன் , தரகர் , ஏற்றுமதி , இறக்குமதி ,   எந்திரம் , பூமி ,தொடர்பு .

  10  ம் வீட்டு  அதிபதி       12  பாவங்களில் நிற்கும்  பலன் ;

1 . லக்னாதிபதி  10  ல் இருந்தால் தொழிலை இவர் தேடி செல்வார் . 10  ம் அதிபதி லக்னத்தில் இருந்தால்  தேடி வரும்  .

2 . 2 ம் அதிபதி 10  ல் அமைந்தால்  வாக்கால்  ஜீவனம் அமையும் .

10  ம் அதிபதி  2  ல் அமைந்தால் குடும்பத் தொழில் அமையும் .

3 . 3  ம் அதிபதி  10  ல் இருந்தால்  கஷ்டபட்டு தொழில்  அமையும் .

10  ம் அதிபதி 3  ல் இருந்தால் தன் சொந்த முயற்சியால்  தொழில் அமையும் .

4 .  10  ம் அதிபதி 4  ல் இருந்தால்  பல தொழில்கள் அமையும் . 10  ம் அதிபதி  4  லிருந்தாலும்   வாகனத் தொழில் அமையும் .

5 . 5 ம் அதிபதி 10  ல் இருந்தால் ஆன்மீகத் தொழில் மற்றும் பெரிய  பதவிகளைப் பெறலாம் .

10   ம் அதிபதி 5 ல் அமைந்தால் அரசு உத்தியோகம் அமையும் .

6 . 6 ம் அதிபதி 10 ல் இருந்தால் அடிமை  உத்தியோகம் , செய்ய முடியும் .10  ம் அதிபதி  6 ல் இருந்தால்  அடிமை தொழில் அமையும் .

7  . 10  ம்  அதிபதி   8  ல் இருந்தால்  எந்த தொழிலும்  நிலையாக அமையாது .  10  ம் அதிபதி  9  ல் இருந்தால் தந்தை தொழில் அமையும் .

8 . 10  ம் அதிபதி 10  ல் இருந்தால் உன்னதமான தொழில்   அமையும் .

9 . 10  ம் அதிபதி  12  ல் இருந்தால்  பெரும்பாலும் இந்த  அமைப்பு  உள்ளவர்கள்  . வெளி நாட்டில்  வேலை  பார்ப்பவர்  ( அ ) வீட்டை விட்டு  வெகு தொலைவு  சென்று  வேலை  பார்ப்பவரகள்  .

கல்வி மேம்பட,கடன் தீர,நோய் தீர எளிமையான பரிகாரங்கள் ,வழிபாடுகள்

1.      கல்வி மேம்பாடு; 

ஸ்ரீ ஹயக்ரீவர்   படம்  வைத்து,  நெய்  தீபம் எற்றி  பால்   நைவேத்தியம்  செய்து,  வழிபாடு  ஸ்ரீ ஹயக்கீரிவ  ஸ்தோத்திரம்  11 முறை  கூறவும்.

ஒவ்வொரு  புனர்பூச  நட்சத்திரத்தன்று  ஸ்ரீ  ஹயக்கிரிவருக்கு   சாமந்தி  பூமாலை  சாற்றி   வழிபட்டி  வந்தால்,  கல்வி  நன்றாக்  வரும்.

 2. தீராத  நோய்   தீர;

தினமும்  காலை  மாலை  சிறிது   தண்ணீர்  அல்லது  பால்  எடுத்து  தன்வந்தரி  படம்  வைத்து,  நெய்  தீபம்  ஏற்றி  தன்வந்திரி  ஸ்லோகம்  ஜெபித்து   உணவுக்கு முன்  அருந்த   நோய்  குணமாகும்.

3.கடன்கள்  தீர;                                       

ஸ்ரீ லட்சுமி  நரசிம்மனைத் தினமும்  பூஜிப்பது,  ஸ்ரீ  மகா லட்சுமி,  ஸ்ரீ  துர்க்கையைத்  தினமும்  நெய்  தீபம்  ஏற்றி  வலம்  வந்து வணங்குவது.

கடன்  தொல்லையில்  இருந்து  விடுபட   எளிய  வழி  இருக்கிறது.  எந்த   தெய்வத்திற்கு  அபிசேகம்  செய்தால்  அத்தொல்லையில்  இருந்து   விடுபட  இயலும்.  குறிப்பாக  தெட்சிணா மூர்த்திக்கு  மாப்பொடியால்   அபிஷேகம்  செய்தால்   செல்வ  வளம்  பெருகும்.  கடன்  தொல்லை  அகலும்.

4.  வீட்டில்  குபேரன்,  லட்சுமி,  வெங்கடசலபதி   படங்களை உள் நோக்கியபடியே  வைக்க  வேண்டும்.  வெளியே  பார்க்குமாறு  வைத்தால்   வீட்டில்   பணம்  தங்காது.  மேலும்,  யாருக்கு   பணம்  கொடுத்தாலும்  வெள்ளிக்கிழமைகளில்  மாலை  6  மணிக்கு   மேல்   கொடுக்ககூடாது.

5.சந்திராஷ்டமம்;                                                                                      

சந்திரன்  அவரவர்  ராசிக்கு  8- ம்  இடம்  வரும் காலம்  2  1\4  நாட்கள்.  இந்நாட்களில்  முக்கிய   முடிவு,  பேச்சுவார்த்தை,  செயல்கள்,  வண்டி  வாகனங்களில்  எச்சரிக்கை  மிகவும்  அவசியம்.

6.  யாத்திரையில்  அசுப  சகுணம்;

பிராயண  காலத்தில்  கால்  வழுக்கல்,  இடித்துக் கொள்ளல்,  பூனை  குறுக்கீடு,  கர்ப்ப ஸ்திரீ,  விதவை,   நோயாளி,  தலை விரித்து  வரும்  பெண்,  தும்மல்,  உப்பு  கரி,  வைக்கோல்  அசுப சகுனம்.  அப்படி  ஏற்பட்டால்  திரும்பி  வந்து    நீர்  பருகி  5 நிமிடம்  கழித்திப்  புறப்படலாம்.  இரண்டாம்  முறை  ஏற்பட்டால்  பிராயணத்தைத்  தள்ளிப்  போட  வேண்டும்.

அப சகுனம்  ஏற்படும் போது; 

விஷ்ணு  பகவானை  மனதில்  தியானித்து  கிளம்பலாம்.

7.  கெட்ட  கனவுகள்;

இரவில்  படுக்கப் போகும்  முன்பு    சிறிது  நேரம்  ஸ்ரீ  ராக வேந்திரை  நினைத்து  ஸ்ரீ  ராகவேந்திரர்  துதியை  கூறி படுத்தால்  கெட்ட  கனவுகள்  வராது.

8.  மன  அமைதி;

காலை  மாலை  108  முறை  ‘ஓம்  நமசிவாய’  மந்திரத்தை   வலது  கையில்   நீர்   உள்ள   பாத்திரம்  வைத்து   ஜெபித்து  ‘ஓளஷதம் நமசிவாய,  என்று கூறி  நீரை அருந்த  உடல்  நலக்கோளாறு  நீங்கி  மனம்  அமைதி   பெறும்.

 ஒவ்வொரு  நாளும்  இரவு  படுக்கும் முன்   சிவனை  நினைத்து  ‘ஓம் நமசிவாய நம’என்றோ ஓம் நமோநாராயணா என்றோ ராம்ராம் என்றோ உச்சரித்துவர நல்ல தூக்கம் வரும்...கெட்ட சிந்தனைகள்,பயம் நீங்கும்..

  

ஜோதிடம்;கிரகங்களால் அமையும் தொழில் முறைகள்

ஜோதிடம்;கிரகங்களால் அமையும் தொழில் முறைகள்;


சுக்கிரன் 2 ஆம் பாவகத்தில் இருப்பது -கவிஞன்,எழுத்தாளர்..(அவங்க பேச்சு ரொம்ப இனிமையா இருக்கும்..சனி,செவ்வாய் பார்க்காம இருந்தா)

சுக்கிரன்,4 ஆம் பாவகத்தில் இருந்தால் அதாவது லக்கினத்திற்கு 4 ல் -இசைத்துறையில் ஈடுபடுவர்.
சனி,11 ஆம் பாவகத்தில் இருப்பது- சிற்பம்,சித்திரம் போன்ற தொழில் (ஆர்ட்ஸ் நு எடுத்துக்கலாம்..சினிமாவில் ஆர்ட் டைரக்டராக கூட இருப்பார்..எண்கணிதப்படி கூட்டு எண் 7 வந்தாலும் ஆர்ட்ஸ் தான்)


சனி,சுக்கிரன் 10 ஆம் பாவகத்தில் இருப்பது ம் கலத்துறைதான்..புதன்,சுக்கிரன் 10 ல் இருந்தாலும் இதே..சினிமா..மற்றும் அழகு சாதனம்,ஆடம்பர பொருள் விறபனை,வியாபாரம்...


சந்திரன்,குரு 7ஆம் பாவகத்தில் இருப்பது ஆன்மீகவாதி,பாட்டு எழுதுவது,கவிஞன்,மனைவி அழகாக இருப்பார்.
சந்திரனுக்கு 10 புதன் இருப்பது-தன் திறமையால் ஒரு தொழில் செய்து சம்பாதிப்பார்.


2 ஆம் அதிபதி பலம் பெற்று கேந்திர,கோணம் பெற்று குருவின் சம்பந்தம் பெற்றால் நல்ல பேச்சாற்றல்..அப்படியே மக்கள் மயங்கிடுவாங்க..
புதன் இருந்தா வக்கீல் மாதிரி பேசுவார்....குரு இருந்தா அருமையா புத்திமதி சொல்வார்...சனி இருந்தா கண்டபடி பேசுவார்..செவ்வாய் இருந்தா மத்தவங்களை அடக்கி ஆளும் பேச்சு...


சந்திரன் 10 ல் இருந்தா நல்ல மருத்துவர்....விவசாயம்...


சுக்கிரன்,குரு,செவ்வாய் இவர்களில் ஒருவர் 2 ஆம் பாவகத்தில் இருந்தாலும் சுக்கிரன் குருவின் ராசியான தனுசு,மீனம்,ரிசபம்,துலாத்தில் 2,11,10 ஆம் பாவகத்தில் இருந்தாலும் ஃபைனான்ஸ் செய்யலாம்...


ரியல் எஸ்டேட் செய்ய நிலக்காரகன் செவ்வாய் பலம் பெற வேண்டும்...2,11 ல் செவ்வாய் பலம் பெற்று,
நில ராசியில் இருக்க வேண்டும்..


வழக்கறிஞர்;குரு,புதன் இணைந்து 2,10,11 ஆம் பாவகத்தில் இருக்கணும்..


எழுத்தாளர் ஆக புதன் அல்லது குருவிற்கு 1,5,9 அதிபதிகள் சம்பந்தம் பெறுவது...


இஞ்சினியர் ஆக..செவ்வாய் 10 பாவ தொடர்பு உண்டாகணும்...`


சிறந்த மேனேஜர்;8,10 ஆம் அதிபதிகள் சம்பந்தம் பெறுவது...