குரு வாழ்க .! குருவே துணை..!! குருப்பெயர்ச்சி பலன் 13.6.2014

குரு வாழ்க .! குருவே துணை..!!

குருபகவான் கடக ராசிக்கு பெயர்ச்சியாகி கொண்டிருக்கும் இந்த வேளையில் அவரைப்பற்றி சிந்திப்பது புண்ணியம் என்பதால் இந்த பதிவு...
 
குருப்பெயர்ச்சி பலன்கள் 13.6.2014  பாகம் 1 படிக்க இங்கு செல்லவும் 

பாகம் இரண்டு படிக்க இங்கு செல்லவும்

குரு என்றால் இருளை போக்குபவர் என்று பொருள்.குரு அதிர்ஷ்டத்தை குறிப்பவர்..ஊரில் செல்வாக்கு உங்களுக்கு அளவு இருக்கிறது என்பதை குருவை வைத்து சொல்லலாம்.மனித உணர்ச்சிகளையும்,எண்ணங்களையும் ஒழுங்குபடுத்தி சீராக இயங்கச் செய்யும் திறன் பெற்றவர்.அதனால்தான் இவரது பெயர்ச்சிக்கு முக்கியத்துவம் கொடுக்கப்படுகிறது.குரு நீதி,நேர்மை,குழந்தை பாக்யம்,ஒழுக்கம்,சட்ட,ஹோமம்,தியானம்,யோகா,விவேகம் போன்றவற்றிற்கான அதிபதியும் ஆவார்...

நல்ல குழந்தைகளை பெற்றெடுத்து அவனை சான்றோன் என கேட்டு மகிழும் பாக்யத்தை கொடுப்பவர் குரு பகவானே.செல்வம் கொடுப்பார். சேமிக்கவும் வைப்பார்..குரு 5 வது பாகையில் இருக்கும்போது பிறந்தவர் புன்ணியாத்மா.குரு உச்சம் பெற்று இருந்தால் அவர் உலகில் எல்லா இன்பங்களையும் பெற முடியும்.மனித மூளைக்கு அதிபதி.குரு கெட்டால் புத்தி கெட்டுப்போச்சு என அர்த்தம்.குரு எனில் மஞ்சள்,தங்கம், மங்களம்..முழுமையான சுபர்.அவர் பார்த்தால் கோடி நன்மை..பெண்கள் ஜாதகத்தில் குரு மறைந்தால் மங்களம் இல்லை.குருவே ஆன்மீகத்தை தழைக்க செய்கிறார். குருவருள் இந்தியாவிற்கு அதிகம் இருப்பதால்தான், ஆன்மீக பூமியாக திகழ்கிறது. பெரும்பாலான மகான்கள் அவதரிக்க காரணமாக இருந்தது..குரு வாழ்க, குருவே துணை!

குருப்பெயர்ச்சி பலன்கள் 2014 -2015

குருப்பெயர்ச்சி பலன்கள் 2014

மேசம் முதல் கன்னி வரையிலான ராசிபலன்களை படிக்க இங்கு கிளிக் செய்யவும்..

குரு, திருக்கணித பஞ்சாங்கப்படி,வரும் 19.6.2014 முதல் மிதுனம் ராசியில் இருந்து கடகம் ராசிக்கு பெயர்ச்சி ஆகிறார்..அது சமயம் துலாம் முதல் மீனம் வரையிலான ராசியினருக்கு என்னென்ன பலன்கள் உண்டாகும் என பார்ப்போம்.

துலாம்;உங்கள் ராசிக்கு குரு 19.6.2014 முதல் ராசிக்கு10 ல் வருகிறார்...பத்தாமிடத்து குரு பதவியை கெடுப்பான் தொழிலை கெடுப்பான் என்ற நம்பிக்கை காலம் காலமாக இருக்கிறது..அதன் பர்வையையும் பொறுத்தே பலன் காண வெண்டும் திசாபுத்தி 1,4,5,9 க்குடையவனாக இருந்தால் குரு பெயர்ச்சி சரியில்லைன்னாலும் கெடுதல் செய்யாது என்றுதான் ஜோதிடம் சொல்கிறது ..குரு 10 ல் இருந்தால் படுத்தி எடுத்துவிடும் என சிலர் பயமுறுத்துகிறார்கள்.துலாம் ராசிக்கு 10ல் குரு வந்தாலும் இரண்டாம் இடத்தை குரு பார்ப்பதால் வருமானத்துக்கு தடங்கல் இல்லை..குடும்பம் அமையாதவர்களுக்கு அதாவது திருமணம் ஆகாதவருக்கு திருமணம் கூடி வரும்..4ஆம் இடத்தை குரு பார்ப்பதா உடல் ஆரோக்கியம் மேம்படும்..

6ஆம் இடத்தை குரு பார்ப்பதால் எதிரிகள்,கடன் தொல்லை நீங்கும்.உங்கள் பேச்சே உங்களுக்கு பிரச்சினைகளை கொண்டு வந்து சேர்க்கும் காலமாக இருப்பதால் பேச்சில் நிதானம் தேவை ..உடன் பணிபுரிபவர்களிடம் கவனம் தேவை வீண் பழி போட வாய்ப்பிருக்கிறது.

விருச்சிகம்;19.6.2014 முதல் உங்கள் ராசிக்கு குரு 9அம் இடத்தில் மாறுகிறார் 9ஆம் இடம் பாக்கியஸ்தானம்...தெய்வீக அருள் நிறைந்த 9ஆம் இடத்தில் குரு வந்தால் தெய்வ அனுகூலத்திற்கு சொல்லவே வேண்டியதில்லை வேண்டிய வரத்தை உங்கள் இஷ்ட தெய்வம் அள்ளிக்கொடுக்கும் காலம் இது.9ல் குரு வந்தால் நினைதது எல்லாம் நடக்கும் முயற்சி செய்தது எல்லாம் நல்லவிதமாக முடியும்..

கேட்ட்தெல்லாம் கிடைக்கும்.தொட்டது துலங்கும்...வருமானம் பல வழிகளிலும் வந்து கொட்டும்..செல்வாக்கு பல மடங்கு அதிகரிக்கும் பணி செய்யுமிடத்தில் நல்ல பெயர் மதிப்பு மரியாதை கிடைக்கும்...சொந்த தொழிலில் பல மடங்கு லாபம் தரும்..குரு 9ஆம் இடத்தில் இருந்து 1,3,5 ஆம் இடத்தை பார்வை செய்கிறார் 1ஆம் இடத்தை பார்த்து தன்னம்பிக்கையை அதிகரிக்க செய்கிறார் 5ஆம் இடத்தை பார்த்து அதிர்ஷ்டத்தை வாரி வழங்குகிறார்...3ஆம் இடத்தை பார்த்து நிறைய புது முயற்சிகளை ஊக்கப்படுத்துகிறார்.வெற்றி உங்களுக்கே...

தனுசு;உங்கள் ராசிப்படி 19.6.2014 முதல் குரு எட்டாம் ராசிக்கு மாறுகிறார் ..எட்டாம் இடத்து குரு எதையும் எட்டாமல் போக செய்யும்..என கிராமத்தில் சொல்வார்கள்.. 8ஆம் இடம் என்பதே நஷ்டம்,தோல்விதான்..குரு செல்வாக்கு,சொல்வாக்கு,தனாதிபதி அவர் எட்டில் மறைவது சுமார்தான்..இருப்பினும் உங்கள் ராசிக்கு 12,2,4ஆம் இடங்களை பார்க்கிறார் ..முக்கியமாக தனஸ்தானத்தை பார்க்கிறார் வருமானத்துக்கு குறைவில்லாமல் பார்த்துக்கொள்கிறார்..

 ராசிநாதன் 8ல் மறைந்தாலும் 4ஆம் இடமாகிய சுகஸ்தானத்தை பார்வை செய்வதால் எதிலும் அகப்படமாட்டீர்கள்...மருத்துவ செலவு வரும் வாய்ப்புகள் அதிகம் என்பதால் வாகனங்களில் செல்கையில் கவனம் தேவை.நாம் சும்மா இருந்தாலும் நம் வாய் சும்மா இருக்காது நம் வாய் சும்மா இருந்தாலும் அடுத்தவன் சும்மா இருக்க மாட்டான் என்பதற்கு ஏற்ப வீண் வம்பு நண்பர்கள் வடிவத்தில் கூட வரும்.அதிக செலவு குறைந்த வருமானம் இதுதான் இன்றைய நிலை.அதற்கேற்றோர்போல் எதிர்காலம் கருதி செயல்படுங்கள்..

மகரம்;உங்கள் ராசிக்கு இதுவரை ஆறில் அமர்ந்து படாதபாடு படுத்திய குரு இப்போது 19.6.2014 முதல் 7ஆம் இடத்துக்கு மாறுகிறார் 7ஆம் இடம் குருபலம் குரு பலம் வந்தால் பணபலம் வரும்..பணபலம் வந்தால் மனபலம் வந்துவிடும்.அப்படித்தான் இதுவரை சோர்ந்து கிடந்த உங்களுக்கு புதிய புத்துணர்ச்சியை குருபகவான் கொடுக்கப்போகிறார்...

7ல் குரு வந்தால் கல்யாணம் தடையில்லாமல் நடக்கும்..கடன் மளமளவென்று அடையும்..தொழில் வளம் அடையும் பணி செய்யுமிடத்தில் மதிப்பும் மரியாதையும் உயரும்.பதவி உயர்வும் கிடைக்கும்.லாப ஸ்தானத்தை குரு பார்த்தால் கல்லாபெட்டி நிறையும்..2014 ,2015 ஆம் ஆண்டு உங்களுக்கு நல்ல லாபம் கிடைக்கும் ஆண்டாக இருக்கிறது புதிய சொத்துக்கள் வாங்குவீர்கள் சிலர் வீடு கட்டுவீர்கள்...மனைவியோடு ஒற்றுமை உண்டாகும்...கூட்டு தொழிலில் இருப்பவர்கள் மட்டும் தங்கள் பார்ட்னர் விசயத்தில் கவனம் தேவை.குரு அள்ளி அள்ளி கொடுக்கும் அட்சய பாத்திரமாக இந்த வருடம் திகழப்போகிறார்...

கும்பம்;அன்பரே 19.6.2014 முதல் குரு உங்கள் ராசிக்கு 6ஆம் இடத்துக்கு குரு வருகிறார் ராசிக்கு 6ல் குரு வந்தால் நோய் உண்டாகும் கடன் உண்டாகும் என சொல்லப்பட்டாலும்..ராசிக்கு தன ஸ்தானத்தை உச்ச குரு பார்ப்பதால் வருமானத்துக்கு எந்த குறைவும் வந்துவிடாது..அதே சமயம் தான தர்மம் செய்தால் பல தோசங்கள் அடிபடும் என்றே குரு 12ஆம் இடத்து பார்வை சொல்கிறது..குரு 6ல் வரும் காலம் வாகங்களில் செல்கையில் மிக கவனமாகவும் இருக்கவேண்டும்.

 பங்காளிகள் வகையில் பஞ்சாயத்து வரலாம்..குடும்பத்தில் இருப்போருக்கு அடிக்கடி மருத்துவ சிகிச்சை செய்ய நேரலாம் அதனால் பண நெருக்கடி உண்டாகலாம்..நண்பர்களாக இருந்தாலும் உறவக இருந்தாலும் இந்த காலத்தில் ஜாமீன் போட்டால் பகை வளரும்.பேச்சில் நிதானம் தேவை..கொஞ்சம் அசந்தாலும் காணாமல் போதல்,மறந்து போதல்,கடன் கொடுத்து திரும்பாமை போன்ற சங்கடங்கள் உண்டாக நேரும்.பெரிய பாதிப்பு இல்லை...கவனமாக செயல்பட்டால் போதும்.

மீனம்;உங்கள் ராசிக்கு இதுவரை 4ல் அமர்ந்து நிம்மதியை குலைத்து வந்த குரு இனி 19.6.2014 முதல் 5ஆம் இடத்துக்கு மாறுகிறார்..இனி எல்லாம் சுகமே.பணபலம் வந்துவிட்டால் மனபலம் வந்து விடுமே.இனி தடைபட்டு கிடந்து அனைத்து பணவரவுகளும் வந்து சேரும்...முடங்கி கிடந்த தொழில் இனி மெல்ல சீராகும்.பணி செய்யுமிடத்தில் இருந்து வந்த டார்ச்சர் விலகும்..குடும்பத்தில் இருந்த இறுக்கமான சூழ்நிலை விலகி நிம்மதி உண்டாகும்..

எப்படி அடைக்கப்போகிறோம் என வாங்கிப்போட்ட கடன்கள் அடைபட நிறைய வழிகள் பிறக்கும், தொட்டதெல்லாம் துலங்கும், நினைதத்து நிறைவேறும் கேட்டது கிடைக்கும்..அப்புறம் என்ன அடிச்சு தூள் கிளப்புங்க...பெரிய மனிதர்கள் ஆதரவுடன் சில நல்ல விசயங்களை உங்களுக்கு சாதகமாக செய்து கொள்வீர்கள்...திருமணம் ஆகாதவர்களுக்கு ஆவணி,ஐப்பசியில் யில் திருமணம் நடக்கும்.சொத்துக்கள் சேர்க்கை சிலருக்கு உண்டாகும் சிலர் வீடு கட்டும் முயற்சிகள் செய்வீர்கள்..அஷ்டம சனியும் விலகும் காலம் நெருங்கி விட்டதால், இனி நிம்மதியாய் இருங்கள்.

ஆங்கிலப் புத்தாண்டு ராசிபலன் 2014 மேசம்,ரிசபம்,மிதுனம்

புத்தாண்டு ராசிபலன் 2014 ;மேசம்;

இந்த ஆண்டு உங்களுக்கு அஷ்டலக்‌ஷ்மி யோகம் உண்டாகிறது ஆம்...இதுவரை ராசியில் இருந்து சிரமம் கொடுத்த கேது ஜூன் மாதம் முதல் பெயர்ச்சியாகிறார் ராசிக்கு 12ல் மறைவதால் அது கெட்டவன் கெட்டிட கிட்டிடும் ராஜயோகம்தான்..மேலும் 3ல் மறைந்து செல்வாக்கை குறைத்த குருவும் ஜூன் மாதம் முதல் 4ஆம் இடத்துக்கு மாறுகிறார் இதனால் புதிய சொத்துக்களை வாங்க..பழைய சொத்துக்களை விற்க வழிபிறக்கும்..வருமானம் அதிகரிக்கும்...வருட முடிவில் அஷ்டம சனி ஆரம்பிக்குதே என கலங்க வேண்டாம்..வீட்டில் சுப காரியங்கள் நடந்தால் தோசம் அதில் அடிபடும்...ராகு 6க்கு வந்துவிடுவதால் பெரிய பாதிப்பு வராது...வருட தொடக்கத்தில் உங்கள் ராசி அதிபதி செவ்வாய் 6ல் இருப்பதால் அதிக பண விரயம் இருக்கும்...இருப்பினும் குரு வக்ரம் இருப்பதால் செலவுக்கு ஏற்ப பணமும் வந்து சேரும்..1.3.2014 முதல் ஜூலை மாதம் வரை சனி வக்ரத்தில் இருப்பதால் சனியாலும் அப்போது பாதிப்பில்லை..தொழில் கெடாது...நல்லதே நடக்கும்!!

செவ்வாய் தோறும் முருகனை வழிபடவும்

 புத்தாண்டு ராசிபலன் 2014 ;ரிசபம்;

ரிசப ராசிக்கு 6ல் சனி..6ல் ராகு ஜம்னு இருக்கு...ராஜயோகமான காலம் அதிக பண வருவாய் கிடைக்கும் நேரமும் இதுதான்..ஆனாலும் சிலர் நொந்து போய் இருந்தா அதுக்கு காரணம் திசா புத்தி மொசம இருக்கலாம்..அவ்வளவுதான் இவங்க ராசியின் சிறப்பே பேச்சு திறமையும் முக ராசியும்தான்...அதில் முக்கால்வாசி அதிர்ஷ்டம் கிடைத்துவிடும்..வ வக்ரம் ஆகியிருக்கிறார் ..எதிர்பாலினரிடம் கவனம் தேவை.குரு சனி பெயர்ச்சி எப்படி இருக்குன்னு பார்த்தா,குரு ராசிக்கு 3ல் மறைகிறார் ஆனா அவர் பார்வை 7,9,11 என அருமையாக இருப்பதால் கல்யாணம் ஆகாதவர்களுக்கு கல்யாணம் ஆகும் நிறைய தனலாபம் உண்டாகும்...சனி இந்த வருட கடைசியில் கண்டக சனியாக மாறுகிறார் ரிசப் ராசிக்கு அஷ்டம சனி ஏழரை சனியே அதிக பாதிப்பை தருவதில்லை..அதனால் கண்டக சனியை ஏண்ணி கவலை வேண்டாம்..துணைவருக்கு கொஞ்சம் உடல் பாதிப்பு உண்டாகலாம்..மருத்துவ செலவு இருக்கும்...மற்றபடி தொழில் இந்த வருடம் டாப் தான்.. வருமானத்துக்கும் தடை இருக்காது!!

 புத்தாண்டு ராசிபலன் மிதுனம் 2014;

ஜென்ம குருவால் சங்கடப்பட்டு தவிக்கும் மிதுன ராசியினரே..இந்த வருசம் குரு உங்க ராசிக்கு இரண்டில் 12 வருடங்களுக்கு பின் உச்சம் பெற்று உங்களை குதூகலப்படுத்தப்போகிறார்..2014 அம் வருடம் உங்கள் வாழ்வில் மறக்க முடியாத வருடமாக மாறப்போகிறது!!குடும்பம் அமையாதவர்களுக்கு குடும்பம் அமையும்...ஆம் திருமணம் அமையும்...தனலாபம் அதிகரிக்கும் வருடம் 2014 தான்...ராசிக்கு இரண்டில் தன ஸ்தானத்தில் உச்சம் பெறும் குரு யோகம் உங்களுக்குதான் அமைகிறது செல்வாக்கு கூடும் வருடமாக இருக்கும்..அலுவலகத்தில் பதவி உய்ர்வு கிடைக்கும்..பணம் பல வழிகளிலும் வந்து குவியும்.சனியும் அள்ளித்தரும் விதத்தில் 5ஆம் இடத்தில் இருந்து 6ஆம் இடத்துக்கு மாறுகிறார் பகையெல்லாம் ஓடிப்போகும்..சோதனையெல்லாம் சாதனையாய் மாறும்...இதுவரை 5ல் சனி நின்று என்ன செய்வது என குழப்பத்தை கொடுத்தது..இனி தெளிவான திட்டமிடலுடன் காரியம் சாதிக்க வைப்பார்.

குருப்பெயர்ச்சி 2014ல் எப்போது வரும்..?

குருப்பெயர்ச்சி வருடம் ஒரு முறை நிகழ்கிறது..இப்போது குரு மிதுனத்தில் இருக்கிறது...மிதுனம் ராசியினருக்கு ஜென்ம குருவாகவும்,கடகம் ராசியினருக்கு விரய குருவாகவும்,சிம்மம் ராசியினருக்கு லாப குருவாகவும் ,கன்னி ராசிக்கு 10 ஆமிட குருவாகவும் ,துலாம் ராசிக்கு பாக்ய குருவாகவும்,விருச்சிக ராசிக்கு அஷ்டம குருவாகவும்,தனுசு ராசிக்கு களத்திர லாப குருவாகவும்,மகரம் ராசிக்கு ருண ரோக குருவாகவும்,கும்பம் ராசிக்கு ஜெய குருவாகவும்,மீனம் ராசிக்கு சுகஸ்தான குருவாகவும்,மேசம் ராசிக்கு வீரிய குருவாகவும்,ரிசபம் ராசிக்கு தன குருவாகவும் இருக்கிறார்...

இந்த குருவால் அதிகம் பாதிக்கப்பட்ட ராசிகள் ;கடகம்,கன்னி,விருச்சிகம்,மகரம்,மீனம்,மேசம் ஆகும்

மிதுன க்ருவால் அதிகம் நன்மை பெற்ற பெறும் ராசிகள்;ரிசபம்,சிம்மம்,துலாம்,தனுசு,கும்பம் ஆகும்..

அடுத்து மிதுனம் ராசியில் இருந்து குரு எப்போது கடகம் ராசிக்கு செல்கிறார் என பார்த்தால் 19.6.2014 அன்று பெயர்ச்சியகிறார்..

அப்போது கடகத்தில் குரு உச்சமாகி இருப்பார்..உலகில் அதிகம் கோயில் கொண்டுள்ள பகுதி தமிழகம் ஆகும்..கோயில்களை குறிக்கும் கிரகம் குருவாகும்...குரு அதிர்ஷ்டத்தை குறிப்பவர் ..செல்வாக்கை குறிப்பவர்...குரு கடகத்தில் உச்சமாகும்போது தமிழகத்துக்கு உலக அளவிலும் இந்திய அளவிலும் அதிக செல்வாக்கும் உண்டாகும் ஆன்மீக புரட்சியும் உண்டாகும்...