சனி பகவான் பவர் ;மிரண்டுபோன நாசா

சனி பெயர்ச்சி சீசனில் பலருக்கும் ஈமெயில் மூலமாக வந்த,புகழ் பெற்ற அதிகம் பேரை கவர்ந்த பரபரப்பு கட்டுரைஇது.இதை நம் நல்ல நேரம் தளத்திலும் வெளியிடுகிறேன்...

நாசாவுக்கே தண்ணிகாட்டிய திருநள்ளாறு!

இன்று பல நாடுகள் செயற்கைகோள்களை விண்வெளிக்கு அனுப்பி வருகின்றன. அவற்றில் செல்போன் பயன்பாடு, ராணுவ பயன்பாடு,

உளவு என பல்வேறு காரங்களுக்காக பயன்படுத்தப்படுகிறது. சில வருடங்களுக்கு முன்பு அமெரிக்க செயற்கைகோள் ஒன்று பூமியின் குறிப்பிட்ட பகுதியை கடக்கும் பொது மட்டும் 3 வினாடிகள் ஸ்தம்பித்துவிடுகிறது. 3 வினாடிகளுக்கு பிறகு வழக்கம்போல் வானில் பறக்க ஆரம்பித்து விடுகிறது. எந்தவித பழுதும் அதன் செயற்கைகோளில், அதன் கருவிகளில்ஏற்படுவதில்லை. இந்த சம்பவம் நாசாவிற்கு அதிர்ச்சி கலந்த ஆச்சரியதயை அளித்தது.

இது எப்படி சாத்தியம்??? - என்பதை ஆராய்ந்து, கிடைத்த முடிவு நாசாவை மட்டுமல்ல, உலகையே மிரள வைத்தது.

ஆம்! எந்த ஒரு செயற்கைகோளும் பூமியில் இந்தியாவின்-தமிழ்நாடு அருகில் உள்ள புதுச்சேரி- திருநள்ளாறு ஸ்ரீ தர்ப்பநேஷவரர் கோவிலுக்கு மேல் நேர் உள்ள வான்பகுதியை கடக்கும் 3 வினாடிகள் மட்டும் ஸ்தம்பித்துவிடுகின்றன. 

அப்படி நிகழ்வதற்கு என்ன காரணம் ???

ஒவ்வொரு நாளும் ஒவ்வொரு வினாடியும் கண்ணுக்கு தெரியாத கருநீலகதிர்கள் அந்த கோவிலின் மீது விழுந்துகொண்டே இருக்கிறது.

இரண்டரை வருடங்களுக்கு ஒரு முறை நடக்கும் சனி பெயர்ச்சியின் பொது இந்த கருநீலகதிர்களின் அடர்த்தி மிகவும் அதிகமாக இருக்கும். விண்வெளியில் சுற்றி கொண்டிருக்கும் செயற்கைகோள்கள் இந்த கருநீலகதிர்கள் பாயும் பகுதிக்குள் நுழையும்போது ஸ்தம்பித்து விடுகின்றன. அதே நேரத்தில் செயற்கைகோள்களுக்கு எந்த விதபாதிப்பும் ஏற்படுவதில்லை.

இதில்குறிபிடத்தக்க அம்சம் என்னவென்றால் இந்த கோவில்தான் இந்துக்களால் 'சனிபகவான்' தலம் என்று போற்றபடுகிறது. இந்த சம்பவத்திற்கு பிறகு நாசாவிலிருந்து பல முறை திருநள்ளாறு வந்து ஆராய்ச்சி செய்து விட்டனர். மனிதனை மீறிய சக்தி உண்டு என்பதை உணர்ந்தனர். அவர்களும் சனிபகவானை கையெடுத்து கும்பிட்டு உணர்ந்தனர். இன்று வரை விண்ணில் செயற்கைகோள்கள்

திருநள்ளாறு பகுதியை கடக்கும் பொது ஸ்தம்பித்து கொண்டே இருக்கிறது."

இந்த செய்தியை கேட்டு பிரமிக்காதவர்கள் நம்முடைய முன்னோர்களை நினைத்து கட்டயம் பிரமிக்கவேண்டும். நாம் பல செயற்கைகோள்கள் கொண்டு கண்டறியும் சனிகோளின் கதிர்வீச்சு விழும் பகுதியை கண்டு பிடித்து அதற்கென ஒரு கோயிலையும் கட்டி , கதிர்வீசுகள் அதிகள் விழும் நாட்களையும் கணக்கிட்டு அதற்க்கான நாளை சனிபெயர்ச்சி என்று அறிவிக்கும் திறமையை,நம்மால் நினைத்துக்கூட பார்க்க முடியாத ஒரு தொலைநோக்கு பார்வை கொண்ட நம் முன்னோர்களை நினைத்து என்னால் பிரமிக்காமல் இருக்க முடியவில்லை.

இதை விஞ்சும் வகையில் ஒரு உண்மையை பாருங்கள்;.

நீங்கள் எதாவது சிவன் கோவிலுக்கு சென்றால் அங்கே

நவகிரகங்களை நன்றாக கவனியுங்கள். அந்த சிலைகளின்மேல் கட்டப்பட்டுள்ள துணிகளையும் நன்றாய் உற்று பாருங்கள்!!

உங்கள் அறிவியல் அறிவையும் கொஞ்சம் தட்டிவிடுங்கள்!!

எந்த கோள் எந்த நிறத்தில் இருக்கும் என்பதை நம் முன்னோர்கள் கட்டிவைத்திருக்கும் அந்த துணிகளில் கண்டறியுங்கள், பிரமித்து போவீர்கள் பெரியோர்களின் அறிவாற்றலை நினைத்து, இந்தஅறிவியலின் அதிசயத்தை அனைத்து தலைமுறையும் அறியவேண்டும், அதற்காக அவர்கள் நம்மை பின்பற்ற வைத்ததுதான் கடவுள் மார்க்கம் என்றே நான் எண்ணுகிறேன்...

எது எப்படியோ??? நமது முன்னோர்கள் நம்மை விடகில்லாடிகள் !!!!

எப்படியோ ,அவர்கள் போட்ட புதிருக்கு இன்னும் விடை தெரியாமல்

அலைந்து கொண்டிருகிருகிறோம்.. அறிவியல் வளர்ச்சியோடு.

நமக்கு மேலே ஒருவன்..

சனி பரிகார கோயில்-திருக்கொள்ளிக்காடு

சனி பரிகார கோயில்-திருக்கொள்ளிக்காடு

தென் தமிழ்கத்தில் திருவாரூர் மாவட்டத்தில் திருத்துறைப்பூண்டி வட்டத்தில் திருக்கொள்ளிக்காடு தலம் அமைந்துள்ளது.இறைவன் பெயர் ஸ்ரீஅக்னீஸ்வரர்.

அரிச்சந்திர மகாராஜா சனியின் பிடியில் சிக்கி தவித்த போது அளவு கடந்த சோதனைகளையும்,வேதனைகளையும் அடைந்து இறுதியில் இத்தலத்திற்கு வந்து வழிபட்டு துன்பங்கள் நீங்கிப் பேறு பெற்றதாக கூறப்படுகிறது..

ரயிலில் செல்ல வேண்டுமென்றால் திருவாரூர் -திருத்துறைப்பூண்டி ரயில் மார்க்கத்தில் இடையில் உள்ள திருநெல்லிக்காவல் ரயில் நிலையத்தில் இறங்கிக் கொண்டு அங்கிருந்து மேற்கே 6 கிலோ மீட்டர் தூரம் ஆட்டோ அல்லது திருக்கொள்ளிக்காடு செல்லும் பேருந்து மூலம் இத்தலத்திற்கு போகலாம்.

இத்தலத்து இறைவனருளால் சனிதோஷம் நீங்கப் பெற்ற திரிபுவனசக்கரவர்த்தி, தானமாகத் தந்த 120 ஏக்கர் நன்செய் (கோயிலை சுற்றி) இன்று கோயில் நிர்வாகத்தில் உள்ளது.

சனி பெயர்ச்சி 2011-2014 வித்தியாசமான பரிகாரங்கள்

சனி பெயர்ச்சி 2011-2014 வித்தியாசமான பரிகாரங்கள்;sani peyarchi 2011

ஜோதிடம் சனிப்ரீதிகாக பல பரிகாரங்களை சொல்கிறது.அவற்றில் நடைமுறைக்கு சிறப்பாக ஒத்துவரக்கூடிய பிரபல ஜோதிடர்கள் சொல்லும் வித்தியாசமான சனி பெயர்ச்சி பரிகாரங்களை காண்போம்.

1.கறுப்பு நிறமுடைய காராம்பசுவுக்கு சனிக்கிழமை தோறும் அகத்திகீரை கொடுத்து உண்ண செய்வது பின் அப்பசுவை வலம் வந்து வழிபாடு செய்வது

2.சனீஸ்வர எந்திரத்தை கரும்பலகையில் வரைந்து அதை ஒன்பது நாள் பூஜை செய்து ஒன்பதாவது நாள் திருஷ்டி கழிய தன்னை சுற்றிவிட்டு அந்த கரும்பலகையை குளத்தில் அல்லது கடலில் வீசி எறிந்துவிடுவது.(சென்னை மெரீனா பீச்சில் குறி சொல்பவர்கள் நிறைய இருப்பர்.அவர்கள் இந்த உடனடி பரிகாரம் செய்து தான் பிழைக்கின்றனர்)

3.வடித்த சாதத்தில் எள் போட்டு நல்லெண்ணை விட்டு பிசைந்து தலையை சுற்றி திருஷ்டி கழிந்து அச்சாதத்தை காகத்திற்கு போட வேண்டும்.இப்பரிகாரம் நடைமுறைக்கு ஒத்து வருவதில்லை.காரணம் காகம் நம் மூதாதையர் என சொல்லிதான் பித்ருக்களாக வழிபடுகிறோம்..பித்ரு பூஜையின்போது காகத்திற்கு சாதம் வைத்தபின் உண்ணுகிறோம்...நம் தோசத்தை காகத்திடம் விடுவது சரியல்ல.

4.சனீஸ்வரனுக்குறிய நீலக்கல்லை (blue daimond)வெள்ளி மோதிரத்தில் பதித்து அணிந்து கொள்ளுதல்

5.மாதத்தில் நான்கு கோயில்கள் சென்று அந்த கோயில்களில் குடியிருக்கும் நவகிரகங்களை எட்டுமுறை சுற்றி வந்து ஒன்பது வினாயகரை கண்டு கற்பூரம் ஏற்றி வணங்குதல் வேண்டும்.

6.வளர்பிறை சதுர்த்தி திதியன்று விடியற்காலையில்,சூரிய உதயத்துக்கு முன்பு வீட்டில் கணபதி ஹோமமும் நவகிரக சாந்தி ஹோமமும்,செய்தல் வேண்டும்

7.ஆஞ்சநேயருக்கு சனிக்கிழமை தோறும் துளசி மாலை சார்த்தி நெய்விளக்கேற்றி 27 முறைகள் ஆஞ்சநேயரை வலம் வரவும்

8.சனிக்கிழமை தோறும் சனீஸ்வரருக்கு எள் எண்ணை விளக்கு ஏற்றவும்.நீலோத்பவபூவால் மாலை தொடத்து சனீஸ்வரருக்கு சூட்டி வரவும்.

9.சனிப்ப்ரீதிக்காக ஹனுமான்,சாஸ்தா,அர்த்தநாரி,இடும்பன்,கடம்கன்,துர்வாசர் வணங்குதல் நல்லது என சோதிட அறிஞர் பி.எஸ்.ஐயர் கூறுகிறார்.

10.சிவாலயத்தில் உள்ள தட்சிணாமூர்த்தி சந்நதி முன் அமர்ந்து கோளறு பதிகம்,சிவாஷ்டகம்,குருதோத்திரம்,விலாடகம் போன்ற செபங்களை செய்யலாம்.

11.கிராமப்புற ஜோதிடர்களின் ஏழரை சனி பரிகாரம்;கறுப்பு எள்ளினை நீலநிறதுணியில் கட்டி,எட்டு வெற்றிலை,எட்டு ஒரு ரூபாய் காசுகளுடன் முடமான ஒருவருக்கு சனி ஓரையில் தானம் செய்யலாம்..சிலர் செருப்பு தானம் செய்ய சொல்வர்.குடை தானம் செய்வதும் உண்டு.வசதியானவர்கள் ஊனமுற்றோர்களுக்கான வண்டி,தாங்குகோல் கொடுத்து உதவலாம்..கருணாநிதி ஊனமுற்றோர்க்கு பல சலுகைகளை அறிவித்தாரே அதுவும் ஜோதிடர் ஒருவர் சொன்ன அறிவுறையின்படிதான்.

12.காயத்ரி செபம் மூன்று காலங்களில் செய்யக்கூடியோர் முறையாக செய்து கொண்டிருந்தாலே சனிபகவான் எவ்வித கெடுதலும் செய்ய மாட்டார்

மேற்க்கண்ட பரிகாரங்களில் எதுவெல்லாம் முடியுமோ அதுவெல்லாம் ஐப்பசி 15 ஆம் தேதி சனி பெயர்ச்சியால் பாதிக்கும் ராசிகளான விருச்சிகம்,மீனம்,கன்னி,துலாம்,மகரம் ராசியினர் செய்யலாம்..சனிபகவான் அருள் உண்டாகட்டும்!!

வாழ்க வளமுடன்!!

புலிப்பாணி ஜோதிடம் 300;சனி பெயர்ச்சி ராசிபலன்

புலிப்பாணி ஜோதிடம் 300;சனிபெயர்ச்சி ராசிபலன்;shani peyarchi 2012

பாரபட்சமில்லாத நீதிதேவன் சனிபகவான் .தனது தசா காலத்தில் புண்ணியம் செய்தவர்களுக்கு நற்பலனை அள்ளி வழங்கியும்,பாவம் செய்தவர்களுக்கு தண்டனை அள்ளி வழங்ககூடியவரும் ஆவார்.துலாம் வீட்டில் சனி பகவான் உச்சம் அடையும் காலம் இது என்பதால்தான் நீதி,நேர்மை,ஊழலற்ற அரசு என மக்கள் கொதித்தெழுகின்றனர்.நீதிமன்றம் தவறு செய்தவர்களுக்கு கிடுக்கி பிடி போடுகிறது.சர்வாதிகாரமாக நடந்த கடாபி புரட்சியாளர்களால் கொல்லப்பட்டான்.அதே போல இலங்கை தமிழர்களை கொன்று குவித்த,ராஜபக்சேவுக்கும் நீதிமன்றம் சம்மன் அனுப்பி இருக்கிறது.அநீதி தோற்று நீதி வென்று மக்கள் நிலங்களை களவாடிய முன்னாள் மந்திரிகள் எல்லாம் சிறைக்கு சென்று கொண்டிருக்கிறார்கள்.

சனிபகவான் யோகிகளின் தியானத்துக்கு உரிய அவதூத தத்துவத்தின் அடையாளமாக விளங்ககூடியவர்,எவ்வளவு வலிமை உடையவர்களாக இருப்பினும் அடக்கி ஒடுக்கிவிடும் வலிமை பெற்ற்வர்.

புலிப்பாணி ஜோதிடத்தில் சனி பெயர்ச்சி பற்றி ஒரு விளக்கம் இருக்கிறது.ஏழரை சனியில் என்னென்ன பலன் உண்டாகும் என்பதை சொல்கிறார்.ஒரே பாடலில் சுருக்கமாக.

’’பாரப்பா பனிரெண்டு ஜென்மம் ரெண்டில்

பாங்கான முடவன் சஞ்சாரம் நாளில்

சீரப்பா சிரநோயும் அம்மைபேதி

சிவசிவ சலபயமும் பொருளும்சேதம்

கூரப்பா குடியோடிப் போக செய்வன்

கொற்றவனே குடும்பத்தில் களவு போகும்

வீரப்பா வெகுபேர்க்கு கொடியோனாகி

விளங்குவான் புவிதனிலே விளம்பகேளே’’

விளக்கம்;

கோட்சாரப்படி ஜென்மராசிக்கு12,1,2 ஆகிய இடங்களில் சஞ்சாரம் செய்யும் காலத்தை ஏழரை நாட்டு சனி என்பர்.இவ்வேளையில் சாதகனுக்கு தலைவலி,அம்மை,பேதி எனக்கூறும் கொள்ளை நோயும்,ஜலபயமும்,பெரும்பொருள்சேதமும் உண்டாகும்.குடும்பத்தில் களவு போகுதலும்,இக்காலகட்டத்தில் இவன் பல பேர்க்கு கொடியவனாக விளங்குவான்..என புலிப்பாணி கூறுகிறார்.

இன்னொரு பாடலில்..எந்தெந்த ராசியினருக்கு அதிக தீமையும்,நன்மையும் ஏழரை சனி செய்யும் என விளக்குகிறார்;

‘’கேளப்பா கடகம் தேள் சிம்மம் ஜென்மம்

கெடுதி மெத்த செய்வனடா வேதைதானும்

நாளப்பா நலமாகும் மற்றை ராசி

நற்சுகமும் கிட்டுமடா வேட்டலுண்டு

கூளப்பா கோதையினால் பொருளுஞ்சேதம்

கொற்றவனோ கடனும் வந்து தீரும் என்றே

ஆளப்பா திசை பாரு வலுவை நோக்கி

அப்பனே முடவன்சேய் வலுவைக்கூறே’’

விளக்கம்;

கடகம்,விருச்சிகம்,சிம்மம்,ஆகிய ராசிகளை கொண்டவர்களுக்கு மிக கெடுதியையே சனி விளைவிக்கிறார்.மற்றைய ராசிகளுக்கு அதிக தீமை இல்லை.மாறாக நன்மைகள் அதிகம் விளையும்.கடன் ஏற்பட்டு தீரும்.தீரும் நோயாக வந்து போகும்..சனி,செவ்வாய் வலு இருப்பவருக்கு ஏழரை சனி பெரிய அளவில் பாதிப்பதில்லை எனவும் சொல்கிறார்...

சனி பெயர்ச்சி பலன்கள் 2011-2012

சனி பெயர்ச்சி -ரஜினி,ஜெயலலிதா,கருணாநிதிக்கு பாதிப்பா?-ஜோதிடம்   

சனி பெயர்ச்சி /கைரேகை/ஜோதிடம்/ஜாதகம்,குருபெயர்ச்சி/ராசிபலன்


சனி பெயர்ச்சிஇரண்டரை வருடங்களுக்கு ஒரு முறை நடக்கிறது.சனி கடகத்திற்கு வரும்போது கடகம் சந்திரன் வீட்டிற்கு வரும்போது கடகம் சந்திரன் வீடு ,நீர் கிரகம் என்பதால் சுனாமி உண்டானது.கடல் கொந்தளித்தது.பேரழிவு ஏற்படுத்தும் 26 ஆம் நாளில் இது நடந்தது.

சனி சிம்ம வீடான சூரியன் வீட்டிற்கு வரும்போது சூரியன் அரசு கிரகம்,நெருப்பு கிரகம் என்பதால் முக்கிய மந்திரிகள் மரணம்,ரயில் விபத்து,விமான விபத்து,அரசியல் மாற்றம் போன்றவை உண்டானது.

சனி பெயர்ச்சி 2011-2014 - 12 ராசியினருக்கும்சுருக்கமான பலன்கள்

சனி பெயர்ச்சி பலன்கள் 2011 12 ராசியினருக்கும் பலன்கள்;

21.12.2011 ல் சனி துலாம் ராசிக்கு பெயர்ச்சியானார்.

15.2.2012 முதல் 2.8.2012 வரை சனி வக்ரம் ஆகிறார்.

27.3.2012 முதல் 11.9.2012 வரை மீண்டும் கன்னியில் சஞ்சாரம் செய்கிறார்.

26.3.2013 ல் மீண்டும் வக்ரம்

15.8.2013 ல் வக்ர நிவர்த்தி

10.4.2014 முதல் 28.8.2014 வரை மீண்டும் வக்ரம்

இம்முறை மூன்று முறை சனிபகவான் வக்ரம் பெறுகிறார்.

சனி சஞ்சரிக்கும் நட்சத்திர சாரம்;

21.12.2011-17.11.2012 சித்திரை நட்சத்திரம்-செவ்வாய் சாரம்

17.11.2012-11.12-2013 சுவாதி நட்சத்திரம்-ராகு சாரம்

11.12.2013-2.11.2014 விசாக நட்சத்திரம்-குரு சாரம்

துலாத்தில் இருக்கும் சனியை கோட்சார ரீதியாக 2.1.2013 முதல் 21.8.2014 வரை ராகு பகவான் சேர்ந்து ராகு+ சனி சேர்க்கையாக பலனைத் தருவார்கள்.இந்த ராகு சனி சேர்க்கை கெடுதலானதாகும்.இந்திய நாட்டுக்கு மட்டுமல்ல உலகிற்கே சவால் விடும் வகையில் தீவிரவாதம் தலைதூக்கும் காலமாக இருக்கும்.இயற்கையால் பெரும் பாதிப்பும் உண்டாகலாம்.மூன்று முறை வக்ரம் பெறுவதும் ஒரு கெடுதலுக்கு அறிகுறியாகவே தென்படுகிறது.

மேசம்;

சனி பெயர்ச்சி உங்கள் ராசிக்கு கண்டச்சனியாக உள்ளது.கண்டம் என்றால் கழுத்து.கழுத்தில் தொங்குவது மாங்கல்யம்.எனவே இதை மாங்கல்ய சனி என சொல்வர்.எனவே கணவன் மனைவி உறவில் பிரச்சினைகள் உண்டாகலாம்.கவனம் தேவை.3 ஆம் பார்வையாக 9 ஆம் இடத்தையும்,7 ஆம் பார்வையாக சனி ராசியை பார்க்கிறார்.10 ஆம் பார்வையாக 4 ஆமிடத்தை பார்க்கிறார்.இதனால் தாய்,தந்தையர்,வீடு,வாகனம் சம்பந்தமானவை எல்லாம் கண்டமாக பாதிப்பாக உள்ளன.கவனம் தேவை.சுய ஜாதகம் வலுத்திருப்பின் பிரச்சினை இல்லை.

ரிசபம்;

சுக்கிரன் ராசிக்காரர்,கவலையே இல்லை.6 ஆமிடத்து சனி ஆனந்த வாழ்வை தரும்.எதிரிகள் ஒழிவர்.இதுவரை இருந்த பிரச்சினைகள் அனைத்தும் தீரும்.3,7,10 ஆம் பார்வையாக 8,12,3 ஆம் இடத்தை பார்ப்பதால் சுப விரயம் ஏற்படும்.வீடு,மனை,வண்டி,வாகனம் வாங்குதல் போன்ற பலன்கள் உண்டாகும்.

மிதுனம்;

சனி உங்க ராசிக்கு 5 ஆமிடத்தில் வருகிறார்.அறிவுஸ்தானம் அல்லவா.அதனால் மன தடுமாற்றம் அடிக்கடி உண்டாகும்.மனம் சொல்றபடி நடப்பீர்கள்.இதனால் சில சில சங்கடங்கள் உண்டாகும்.கவனம் தேவை.பிள்ளைகளால் கவலை,விரயம் உண்டாகும்,பூர்வீகம் சம்பந்தமான பிரச்சினைகள் உண்டாகும்.2,7,11 ஆம் இடங்களை சனி பார்ப்பதால் சனி வழிபாடு செய்து கொள்ளவும்.

கடகம்;

உங்க ராசிக்கு 4 ஆமிடத்துக்கு சனி வருகிறார்.இது அர்த்தாஷ்டம சனி.இது வீட்டை கட்டுறியா வைத்தியம் பார்க்குறியா எனற அமைப்பில் இருப்பதால் வீடு,மனை சம்பந்தமான முடிவுகள் எடுத்து செயல்படலாம்.அல்லது வீட்டையோ ஊரையோ மாற்றலாம்.இடப்பெயர்ச்சி நல்லது.

சிம்மம்;

அடேயப்பா.இத்தனை நாள் நீங்க எதிர்பார்த்த ஏழரை சனி முடிஞ்சிருச்சுங்க.சந்தோசம்தானே.இனி சனியால் தொல்லை இல்லை.தொழில் சிறப்பாக இருக்கும்.கடன் அடைபடும்.மருத்துவ செலவு,கோர்ட் பிரச்சினை தீரும்.குடும்பத்தில் நிம்மதி உண்டாகும்.

கன்னி;

சனி உங்க ராசியில் இதுவரை ஜென்ம சனியாக இருந்தார்.இப்ப ஜென்ம சனி விலகிவிட்டது.இன்னும் இரண்டரை வருடம் ஏழரி சனி பாக்கி இருக்கு.இருப்பினும் தலைக்கு வந்தது தலைப்பாகையோட போன மாதிரி ஜென்ம சனி முடிஞ்சிருச்சே கவலை விடுங்க.

துலாம்;

ஜென்ம சனி ஆரம்பிக்குதுங்க.இது பொங்கு சனி என்பதால் உங்க திறமைகள் அனைத்தும் வெளிப்படும்.கடுமையான அலைச்சல்,கடும் வேலைப்பளு உண்டாகலாம்.நீங்களும் கடுமையா உழைங்க.நீங்க முன்னேற்றம் காணப்போவது இந்த ஏழரை சனியில் தான்.இதுவரை விளையாட்டுத்தனமா ஜாலியா இருந்த நீங்க..உங்க திறமையை உணரப்போவது இப்போதுதான்.குடும்பத்தில் கொஞ்சம் அக்கறை காட்டுங்க.மனைவியிடம் அன்பா பேசுங்க.பண விரயம் இருக்கும்

விருச்சிகம்;

உங்க ராசிக்கு எழரை சனி ஆரம்பிக்குதுங்க.பகீர்ன்னு ஆயிடுச்சா.கவலைப்படாதீங்க.எப்பவும் சுர்ர்னு உங்களுக்கு கோபம் இந்த டைம்ல இது இன்னும் அதிகரிக்கும்.உங்க வாழ்க்கை துணையோடு எப்போதும் சச்சர்வௌ இருக்கும்.அது இப்போ இன்னும் அதிகரிக்குது.எல்லாம் தெரிஞ்ச ஏகாம்பரம் மாதிரி பேசறதை எப்போ நிறுத்துவீங்களோ அப்பவே பாதி பிரச்சினை முடிந்துவிடும்.பன விரயம் அதிகம் இருப்பதால் வீடு கட்டுதல் வாங்குதல்,கல்யாணம்னு சுப விரயம் செய்வீங்க.அப்படி செஞ்சா நல்லது.இல்லைனா கெட்ட செலவா வரும்.தொழில் சற்று மந்தமாகும்.கடுமையா உழைச்சா ஜெயிக்கலாம்.நண்பர்களால் ஏமாற்றம் உண்டு.கவனம்.

தனுசு;

தனுசு என்றால் வில்லில் இருந்து புறப்பட்ட அம்பைப்போல் எதிலும் வேகமானவர்கள்னு அர்த்தம்.தன ஸ்தானாதிபதி சனி லாபஸ்தானத்தில் உச்சம் பெறுகிறார்.எனவே தன லாபங்களுக்கு குறைவிருக்காது.11 ஆம் இடத்தில் சனி இருக்கும் வரை நீங்க யோககாரர்தான்.

மகரம்;

உங்க ராசிக்கு சனி 10 ஆம் இடத்தில் உச்சம் பெறுகிறார்.எனவே தொழில் வழியில் நல்ல மாற்றங்களும் உயர்வுகளும் உண்டாகும்.சனி உங்க ராசியில் இருந்து 4,7,12 ஆம் இடங்களை பார்ப்பதால் வீடு,வாசல்,வாகனம் சுகம் சம்பந்தமான செலவுகள் இருக்கத்தான்செய்யும்.இக்காலகட்டத்தில் வீடு கட்டுவது சிறப்பு.

கும்பம்;

உங்க ராசிக்கு அஷ்டம சனி முடிஞ்சிருச்சு.சந்தோசம்தானே.இனி எல்லாம் ஜெயம்தான்.எவ்லோ கஷ்டம் அனுபவிக்க முடியுமோ அவ்ளவும் அனுபவிச்சாச்சு.சனி விலகியாச்சு.இனி தொழில்,வருமானம்,உறவுகள் சிறப்பாக இருக்கும்.இப்னி எந்த தடங்கலும் இல்லாம உங்க முயற்சிகள் கைகூடும்.

மீனம்;

உங்க ராசிக்கு அஷ்டம சனி ஆரம்பிக்குதுங்க.விரய செலவு அதாவது தேவையில்லாத கெட்ட செலவுகள் நிறைய வரும்.வீட்ல வீண் சச்சர்வுகள் அடிக்கடி தோன்றும்.அலைச்சல் அதிகரிக்கும்.நம்பியவர்களால் ஏமாற்றம் உண்டாகும்.குடியிருக்கும் வீட்டையோ தொழில் ஸ்தானத்தையோ மாற்றும் சுழல் உண்டாகும்.பண நஷ்டம் இருப்பதால் ஒவ்வொரு அடியும் கவனமாக வைக்கவும்.திசாபுத்தி நல்லாருந்தா பூர்வ புண்ணியம் வலுத்திருந்தா பிரச்சினை இல்லை.அட்டம சனி பாதிக்காது!

சனி பெயர்ச்சி பலன்கள் 2011;துலாம்,கன்னி,விருச்சிகம்

சனி பெயர்ச்சி பலன்கள் 2011;ஜோதிடம்

சனிப்பெயர்ச்சி பலன்கள் 2011 /sanipeyarchi palankal 2011/ஜோதிடம்/

எண்கணிதம்/வாஸ்து

/tamil astrology

திருக்கணிதம் பஞ்சாங்கப்படி,கர வருடம் ஐப்பசி மாதம் 15 ஆம் தேதி,

(15.11.2011) காலை 10.12 மணிக்கு சனிபகவான் கன்னி 

ராசியிலிருந்து துலாம் ராசிக்கு செல்கிறார்.

             மங்கள சனீஸ்வரர்-திருநாரையூர்-நாச்சியார் கோயில்

பொதுவாக கோள்களில் மிகப்பெரியதும்,வான மண்டலத்தில் மிக தொலைவில் 

உள்ளதுமாகிய கிரகங்கள் சனியும்,குருவும்தான்.பூமியில் உள்ள உயிர்கள் 

மீதான 

இதன் தாக்கங்கள் அதிகம்.எனவே குருபெயர்ச்சியும்,சனிபெயர்ச்சியும் 

முக்கியமாக 

கவனிக்கப்படுகின்றன...குரு சுபர் என்றால் சனி அசுபர்.குரு நீ செய்றது 

சரியில்லைப்பா..பார்த்து நடந்துக்கப்பா என் அறிவுரை சொல்வதோடு 

சரி.சனி அப்படியில்லை.நீதிமான்.ஒருவன் தவறு செய்திருந்தால் அவனுக்கு 

நிச்சயம்தண்டனைதான்.ஒரு மனிதனின் வாழ்நாளில் 3 முறை சனி வந்து செல்கிறார்.

குழந்தையாக இருக்கும்போது ஒருமுறை..நடுவயதில் ஒருமுறை...வாழ்வின்

 இறுதிபகுதியில் ஒருமுறை.இதற்கிடையில் க்ராஸ் செக் போல அஸ்டம சனியும் 

உண்டு.ஏழரை சனியில் வரும் அத்தனை துன்பங்களும் இந்த இரண்டரை வருட 

அஸ்டம சனி சிலருக்கு கொடுத்துவிடும்.உங்கள் வாழ்வில் நேர்மை,ஒழுக்கம்,

பிறருக்கு உதவுதல்,தான தர்மம் இவையே சனியின் தண்டனையில் இருந்து காப்பாற்ற

 உதவும் ஒரே கருணை மனு ஆகும்.

வர இருக்கும் சனி பெயர்ச்சியால் ஒவ்வொரு ராசியினருக்கும் ஏற்படும் நன்மை 

தீமை பற்றி எழுதி வருகிறேன்.அதன் வரிசையில் இன்று கன்னி,துலாம்,விருச்சிகம் 

ராசியினருக்கு சனி பகவான் என்ன செய்வார் என பார்ப்போம்.

கன்னி;

கன்னி ராசிக்கு ராசிக்கு இரண்டில் சனி பெயர்ச்சியாகிறார்.இதுவரை 

ஜென்மராசியில் இருந்த சனி பாத சனிக்கு மாற இருப்பதால்,ஜென்மசனி விலகுகிறது.

சனியும்,சந்திரனும் ஒன்று கூடினாலே முடக்கம்,ஆரோக்கிய பாதிப்பு,காரிய தடை 

என ஏற்படும்.கடந்த இரண்டரை வருடங்களாக ஜென்மசனியால் சிரமப்பட்ட நீங்கள்,

இனி அப்பிரச்சினைகளில் இருந்து விடுதலை ஆகலாம்

.ஜென்மசனி விலகினாலும் ஏழரை சனி விலகவில்லை..எனினும் பாத சனி 

பாதிப்பில்லை.சுபகாரியங்கள் நடக்கும்.கடன்கள் அடைபடும்.அலைச்சல் குறையும்.

தாமதமான காரியங்கள் சுறுசுறுப்பாக நடைபெறும்.கன்னி ராசிக்கு சனி எதுவும் 

செய்யாது என்பார்கள்.காரணம் கன்னிக்கு சனிபூர்வபுண்ணியாதிபதியாகிறார்.

வெற்றியை தரக்கூடியவர் என்பதால் பலருக்கு ஏழரை சனியில்தான் நல்லவை 

நடந்திருக்கின்றன...

கன்னி ராசிக்காரர்களிடம் ரகசியம் தங்காது என்பார்கள்.எனவே மற்றவர்களிடம் 

பேச்சை குறைப்பது நல்லது.இதனால் பல பிரச்சனைகளில் இருந்து தப்ப முடியும்.

ஜென்மராசிக்கு இரண்டில் சனி வரும்போது ஐந்து வருடங்கள் அனுபவித்த 

சோதனைகள் குறைகிறது என்றாலும்,குடும்பத்தில் நிம்மதி குறைவு,எதிர்பாராத 

புதிய செலவுகள்,குடும்பத்தில் பாக பிரிவினை போன்றவை உண்டாகியபடிதான் 

இருக்கும்.எனவே பொறுமையுடன் கவனமாக செயல்படுங்கள்.பேச்சில் நிதானம் 

தேவை.குருவும் அஸ்டமத்தில் இருப்பதால் வரவு செலவுகளில் சிக்கல் காணப்படும்.

மிதமிஞ்சிய செலவுகள் காணப்படும்.செலவுகளை முடிந்தளவு கட்டுப்படுத்தினால் 

எதிர்காலத்துக்கு நல்லது.

மதுரை மீனாட்சியையும்,கள்ளழகரையும் தரிசனம் செய்துவிட்டு 

வாருங்கள்.

நல்லது நடக்கும்.

துலாம்;

துலாம் ராசிக்கு ஏழரை சனி நடந்துவருகிறது.வரும் நவம்பர் முதல் சனி உங்கள்

 ராசிக்கு ஜென்மத்திற்கு வருகிறது.இது அனுகூலமற்ற நிலை ஆகும்.ஏழரை சனி 

ஒருவரை புடம் போட்ட தங்கம் போல மாற்றுகிறது.ஒருவன் ஏழரை சனி 

காலத்தில் எவ்வளவு சோதனைகளை சந்திக்க முடியுமோ அவ்வளவு 

சோதனைகளை சந்திக்கிறான்.சாதரணமாக உறையாடும்போது,

சந்தையில் 

நெருப்பு வீசினாலும் அது சனி பிடித்தவன் தலையில் விழும்’’என்று 

கூறுவார்கள்.

ஒருவருக்கு ஏழரை சனி தொடங்குகின்றபோதே எல்லையில்லாத 

துன்பங்கள் 

உண்டாகின்றன..தொழிலில் வீழ்ச்சி,எடுக்கும் காரியங்களில் தடை,இல்வாழ்வில் 

நிம்மதி குறைவு,பிரயாணத்தில் விபத்து,வருவாய்க்கு மிஞ்சிய செலவு அதனல் 

கடன்கள் போன்ற பலன்கள் உண்டாகும்.கலங்க வேண்டாம்.துலாம் ராசியினர்

 புத்திசாலிக்காரர்கள்.எப்படியும் சமாளிப்பீர்கள்.வரும் முன் காப்போம்

 என்பதுபொல எப்போதும் எச்சரிக்கையுடன் இருக்கும் நீங்கள் பிரச்சனைகளை 

சமாளிப்பீர்கள்.இன்னும் இரண்டரை வருடம் ஜென்மசனியை சமாளித்தாக வேண்டும்

.ஜாதகத்தில் சனி 3,6,12 ல் மறைந்திருந்தாலும் ஆட்சி உச்சம் பெற்றிருந்தாலும் கெடு பலன்கள் குறையும்.

திருப்பதி சென்று வாருங்கள்.

விருச்சிகம்;

விருச்சிகம் ராசியினருக்கு நவம்பர் முதல் ஏழரை சனி தொடங்குகிறது.

இருக்கிற சோதனை போதாதா..

இது வேறயா என அலறாதீர்கள்.ஊசி குத்தினாலே தாங்காத நீங்கள் 

கடப்பாரை குத்தையா தாங்கப்போகிறீர்கள்..?இறைவன் காலடியே 

சரண் என நினைப்பவர் நீங்கள்.உங்கள் ராசியில் சந்திரன் நீசம் ஆவதால்

 எப்போதும் டென்சன்,பயம்,குழப்பம் அதிகமிருக்கும்.பிறரிடம் பேசும்போது 

ஆணியடித்தாற்போல தெளிவாக பேசும் நீங்கள் சொந்த விசயங்களில்

 முடிவு எடுக்க முடியாமல் தடுமாறுவீர்கள்.உங்களை காப்பாற்றிக்கொள்ள 

எதையும் செய்வீர்கள்.அடிக்கடி ஆரோக்கிய பாதிப்பு ஏற்படும் உங்களுக்கு,

இந்த ஏழரை சனி காலம் உடல் ஆரோக்கியம்,கணவன்,மனைவி சம்பந்தமான

 பிரச்சனைகளை அதிகப்படுத்தும்படி வருகிறது.வருமானத்தில் தடை,

கொடுத்த பணம் திரும்பாமை என முடக்கம் காணப்படுவதால் கடும் முயற்சியும்,

கடும் உழைப்புமே உங்களை காப்பாற்றும்.

முருகனை வணங்குங்கள்.திருநள்ளாறு சென்று வழிபட்டு வாருங்கள்.

சனிக்கிழமை தோறும் மட்டுமில்லாமல் தினசரி காகத்திற்கு அன்னம் வையுங்கள்.

அனுமன் சலீஸா போன்ற,ஆஞ்சநேயர் ஸ்லோகங்களை படித்து வாருங்கள்.

2011 சனிப்பெயர்ச்சி பலன்கள்-ஓர் அதிசயம்

2011 சனிப்பெயர்ச்சி பலன்கள்-ஓர் அதிசயம்

சனிப்பெயர்ச்சி யில் என்ன அதிசயம் இருக்கிறது..?இது வழக்கமாக இரண்டரை வருடத்திற்கு ஒரு முறை நடப்பதுதானே என்கிறீர்களா.துலாம் வீடு சனியின் உச்ச வீடு.இந்த வீட்டை ஒரு முறை சனிபகவான் வந்தடைய 30 வருடம் ஆகும்.30 வருடத்திற்கு பின் சனி பகவான் இந்த வீட்டிற்கு வந்தடைகிறார்.சனி சக்தி வாய்ந்த கிரகம்.ஒருவர்ஜாதகத்தில் சனி நல்ல நிலையில் இருப்பின் ஆரம்ப வாழ்க்கை துன்பத்திலும்,பிற்கால வாழ்க்கை புகழ் பெற்றதாகவும் அமையலாம்.

சனிதான் கடும் உழைப்பிற்கு அதிபதி.சனி ஜாதகத்தில் நல்ல நிலையில் இல்லாவிடில் அவன் சோம்பேறி.வேலையாள் கூட மிரட்டுவான்.அதே சமயம் சனி ஓவராக வலுத்துவிட்டால் புதனும் பார்த்துவிட்டால் அவர் மாதிரி சிறந்த தந்திரக்கார திருடனை பார்க்க முடியாது...தாவூத் ஜாதகத்தில் சனி அப்படித்தான் அமர்ந்திருக்கிறாரோ..என்னவோ..சந்தன கடத்தல் வீரப்பன் ஜாதகத்தில் சனி ,புதன் பலம் மிக்கதாய் இருந்திருப்பார்கள்.

சனி தன் உச்ச வீடாகிய துலாம் வரும்போது,உலகில் சனி காரகத்துவம் எல்லாம் மதிப்பு வாய்ந்ததாகவும்,பேசப்படுவதாகவும் அமையலாம்...30 வருடத்திற்கு முன்பு சனி துலாம் வரும்போது நடந்த முக்கிய நிகழ்வுகள் பற்றி ஆராய்ச்சி செய்..என என் ஜோதிட நண்பர் ஒருவர் சொன்னார்.சனி இரும்பு தொழிலுக்கு அதிபதி.பெரிய பெரிய மாஃபியா கும்பல்களுக்கு அதிபதி...இரும்பு சார்ந்த ஷேர்கள் மார்க்கெட்டில் திடீர்னு தாறுமாறா எகிரலாம்.குறிச்சி வெச்சுக்குங்க.

குருப்பெயர்ச்சியின் போது குரு மகரத்தில் நீசமாச்சே...அப்போதான் குரு காரகத்துவமான பணம் (டாலர்) அதள பாதாளத்தில் விழுந்தது.இன்னொரு காரகத்துவம் தங்கம் கடுமையாக ஏறுக்குமாறாக உயர்ந்தது..ஏழைகளுக்கு எட்டாக்கணி ஆனது..குருவின் இன்னொரு காரகத்துவம் மஞ்சள் திடீர்னு தங்கத்துக்கு நிகரா உயர்ந்து நின்றது...இதற்கு காரணம் என்ன..?மஞ்சள் மற்றும் தங்கம் தட்டுப்பாடுதான் விலை உயர்வுக்குகாரணம்.குரு கெட்டதால் இது ஏற்பட்டது...குரு கடகம் வந்து உச்சம் ஆகும்போது தங்கம் பதுக்கி வைக்கப்பட்டது,மூழ்கிபோனது,புதையல் தங்கம் எல்லாம் வெளியே வரும் அதாவது,கடலுக்குள் மறைந்திருக்கும் தங்கம் வெளியே வரும்.

சனி துலாத்தில் உச்சம் ஆகும்போது சனி காரகத்துவ பொருட்களும் அதிக உற்பத்தி ஆகும்....அதிக புழக்கம் உண்டாகும். ...இரும்பு,நீசதொழில்,அழுகும்பொருள் வியாபரம்(முட்டை,காய்கறி,கசாப்புகடை)இவையெல்லாம் இந்த காலகட்டத்தில் செய்திகளில் அதிகமாக அடிபடும்....டாலர் வீழ்ச்சி பற்றி ஒரு வருடத்திற்கும் மேல் பேசினோமே அதுபோல..
துலாத்தில் சனி இருக்கும்போது பிறந்தவர்களுக்கு பாதிப்பு உண்டாகும்.அது எப்படி..?ஒரு கெட்ட கிரகம் ஒரு ஜாதகர் பிறக்கும்போது இருந்த கோட்சாரத்தில் மீண்டும் அதே இடத்திற்கு வரும்போது பாதிப்பை தருவார்.
பிரபலமானவர்களில் யார் துலாத்தில் சனி இருக்க பிறந்தவர்...?கலைஞர் கருணாநிதி..!.