Astrology ஒரே நிமிடத்தில் திருமண பொருத்தம்

நட்சத்திரங்கள் மொத்தம் 27.இதில் உங்கள் நட்சத்திரத்திலிருந்து எத்தனையாவது நட்சத்திரமாக துணைவரின் நட்சத்திரம் வருகிறது என பாருங்கள்..

உதாரணமாக 27 நட்சத்திரங்களின் பட்டியல் கொடுத்துள்ளேன்.

இவற்றில் உங்கள் நட்சத்திரத்தில் இருந்து 3,5,7,12,21,25 வது நட்சத்திரமாக துணைவரின் நட்சத்திரம் வந்தால் பிரிவு,மனவருத்தம்,விவாகரத்து ,குறை ஆயுள்,குழந்தை இன்மை,அசுபம் போன்ற பலன்கள் ஏற்படலாம்.

இவை தவிர்த்த நட்சத்திரங்களில் முக்கியமான பொருத்தங்களான...,

தினபொருத்தம்,கணபொருத்தம்,யோனிபொருத்தம்,ராசி பொருத்தம்,ரஜ்ஜு பொருத்தம்வர வேண்டும்..இவை இல்லாதவை பொருத்தம் இல்லை..பத்து பொருத்தங்களில் இந்த ஐந்து பொருத்தங்கள் மிக அவசியம்.

தினப்பொருத்தம்;

பெண் நட்சத்திரம் தொடங்கி ஆண் நட்சத்திரம் வரை எண்ணி வர,2,4,6,8,9,11,13,15,18,20,24,26 வது நட்சத்திரமாக வந்தால் தினப்பொருத்தம் உண்டு..இதன் பலன் செல்வாக்குடன் வாழ்தல்,தம்பதிகள் ஒற்றுமை.

கணப்பொருத்தம்;

செல்வ வளத்துடன் வாழ்தல் குறிக்கும் பொருத்தம்,இருவர் நட்சத்திரமும் ராட்ஷ கணமாக இருத்தல் கூடாது..தேவகணம்,மனுஷ கணம்,ராட்ஷகணம் என பிரிக்கப்பட்டிருக்கும்..தேவ கணம்-தேவ கணம்,மனுஷ கணம்-மனுஷ கணம் பொருத்தம் உண்டு.

மகேந்திரபொருத்தம்;

பெண் நட்சத்திரம் தொடங்கி,எண்ணும்போது ஆன் நட்சத்திரம் 1,4,7,10,13,16,19,22,25 வது நட்சத்திரமாக வரக்கூடாது..இதன் பலன் குழந்தை பாக்யம்.ஆயுள் விருத்தி.இந்த பொருத்தம் வந்தாலும் ஆணின் ஜாதகத்தில் சுக்கிரன்,குரு நிலையை ஆராய வேண்டும்..லக்னத்துக்கு 5ஆம் இடத்தையும் ராசிக்கு 5ஆம் இடத்தையும் பார்க்கனும்.அதில் ராகு ,கேது உட்பட ஏதேனும் பாவ கிரகங்கள் இருக்கிரதா என கவனிக்கவும்.ஆணின் ஜாதகத்தில் சுக்கிரனும்,பெண் ஜாதகத்தில் குருவும் நன்றக இருந்தால் குழந்தை பாக்யத்தில் பிரச்சினை இருக்காது.5ஆம் இடத்து அதிபதி பாவ கிரக தொடர்பில் இருக்கிறாரா என்பதையும் தகுந்த ஜோதிடரின் துணையுடன் ஆராய வேண்டும்..இது சரியில்லாவிட்டால் மகேந்திர பொருத்தம் இருந்தாலும் குழந்தை பாக்யத்தில் பிரச்சினை இருக்கும்.

யோனி பொருத்தம்;

எட்டலை,பத்தலை பிரச்சினை வரக்கூடாது என்றால் இந்த பொருத்தம் அவசியம்.தாம்பத்தியம் செக்ஸ் திருப்தியை பற்றி சொல்லக்கூடிய முக்கியமான பொருத்தம்...

.ஒவ்வொரு நட்சத்திரத்திற்கும் ஆடு,குதிரை,சிங்கம் என யோனி பிரிக்கப்பட்டிருக்கும்...அதற்கு பகையான யோனியும் சொல்லப்பட்டிருக்கும்..பகை யோனி நட்சத்திரங்களை சேர்க்க கூடாது......

பாம்பு என ரொகிணிக்கு கொடுக்கப்பட்டிருக்கும்..எலி என பூரத்துக்கு கொடுக்கப்பட்டிருக்கும்..பாம்பு, எலியை கண்டால் விடுமா விழுங்கிவிடும்..ரோகிணிக்கு பூரம் .அடங்கித்தான் போக முடியும்...நாய் ,பூனை என சொல்லப்பட்டிருக்கும் நட்சத்திரங்களை சேர்த்தால் குடும்பத்தில் நிம்மதி இருக்குமா.இதெல்லாம் கவனிக்க வெண்டும் அதுதான் யோனி பொருத்தம்.

ராசிபொருத்தம்;

பெண் ராசிக்கு புருஷன் ராசி 2 வது ராசியானால் மரணம்,3 வது ராசி துக்கம்,4 வது ஏழ்மை,5 வது ராசி வைதவ்யம்.6 வது ராசி புத்திர நாசம்,7 வது உத்தமம்.மாங்கல்யம்,ஆயுள் விருத்தி,8 வது அதிக புத்திர லாபம்,9 வது செளமங்கல்யம்,10 வது ஐஸ்வர்யம்,11 வது சுகம்,12 வது ஆயுள் விருத்தி,இருவருக்கும் ஒருவருக்கொருவர் ராசியோ லக்னமோ மறையக்கூடாது அதாவது 6,8,12ல் இருக்க கூடாது..அப்படி இருந்தால் ஒத்துப்போகாது.

ரஜ்ஜு பொருத்தம்;

ரோகிணி சந்திரன் நட்சத்திரம்..அஸ்தம் சந்திரன் நட்சத்திரம்.இப்படி ஒரே கிரகத்தின் நட்சத்திரங்களை இனைக்க வேண்டாம்..மாங்கல்ய பொருத்தம் என்னும் இருவரது ஆயுளை பற்றி சொல்லும் முக்கியமானபொருத்தம்.27 நட்சத்திரங்களையும் சிரசு ரஜ்ஜு,பாத ரஜ்ஜு,தொடை ரஜ்ஜு,உதர ரஜ்ஜு,என பிரித்திருப்பார்கள்..கணவன்,மனைவி நட்சத்திரங்கள் ஒரே ரஜ்ஜுவில் இருந்தால் கண்டம்,நஷ்டம்,விபத்து என சொல்கிறது..இரண்டு நட்சத்திரங்களும் வேறு வேறு ரஜ்ஜுவில் இருந்தால் பொருத்தம் உண்டு.

பொருத்தம் சுலபமாக பார்க்க உதவும் அட்டவணை..

பெண்களுக்கு பார்க்க ,பொருத்தம்;

 ஆண்களுக்கு திருமண பொருத்தம் நட்சத்திர அட்டவணை;

நட்சத்திர பொருத்தம் பார்த்தாலும் அவசியம் ஜாதகத்தை ஆராய்ந்து திருமணம் செய்வது நல்லது....இருவருக்கும் லக்னத்துக்கு 7ஆம் இடம் சந்திரனுக்கு 7ஆம் இடம் ,பார்க்கனும்..4ஆம் இடமாகிய ஒழுக்க ஸ்தானத்தை பார்க்கனும்.10 ஆம் இடமாகிய்ட தொழில் ஸ்தானம்,2 ஆம் இடமாகிய குடும்ப ஸ்தானம்...மாமனார் ,மாமியார் ஸ்தானம்,குடும்ப ஒற்றுமை,குணநலன் எப்படி என்ற விபரமெல்லாம் ஜாதகத்தில் தெளிவாக தெரியும்.இருவருக்கும் என்ன திசை நடக்கிறது..? அந்த திசை யோகமான திசையா நஷ்டம் தரும் திசையா என்பதை ஆராய்ந்து செய்தால்தான் திருமணம் இனிக்கும்..!!

 

சகுனம் சூட்சுமம்

ஜோதிடம்,எண்கணிதம்,வாஸ்து,ராசிக்கல் மோதிரம் என எத்தனை வகைகளில் பிரித்து ஜோதிடம் சொன்னாலும் நம் பெரியோர்களின் சகுன சாஸ்திரம் பார்த்து கணிக்கும் கணிப்பு இவைகளுக்கு ஈடாகுமா...? ஆனால் இன்று பெரியோர்கள் ஃபேஸ்புக்,டிவிட்டர் என பிஸியாகிவிட்டார்கள்...கிராமங்களில் இன்று சகுனத்தையே அதிகம் நம்புகிறார்கள்.நல்ல காரியத்தை பத்தி பேசும்போது தும்முனான் ஒருத்தன் அப்பவே நினைச்சேன் இப்படி நடக்கும்னு என பேசிக்கொள்வார்கள்.காலையில வெளியே போகும்போதே சகுனம் சரியில்லை..அதே மாதிரியே இன்னிக்கு நஷ்டகணக்குதான் ஆச்சு..என்றும்பேசிக்கொள்வார்கள்,

பொண்ணு பார்க்க போனோம்..போற வழியில பாம்பு பார்த்தோம்...அதனால் வழித்த்டம் சரியில்லை என பல கல்யாணங்கள் கிராமப்புறங்களில் நின்றும் போயிருக்கின்றன...இந்த தகவலை பெண் வீட்டாருக்கு சொல்ல,வழித்தடம் சரியில்லை..அதனால் இந்த சம்பந்தம் வேண்டாம் என நினைக்கிறோம்...என ஒரு கடிதம் எழுதிவிட்டு கேன்சல் செய்துவிடுவார்கள்..பெண் வீட்டாரும் இதை புரிந்து கொண்டு விடுவார்கள்.பல வேறு காரணங்களுக்கும் பொய்யாக இந்த காரணத்தை சொல்வதும் உண்டு...வழித்தடம் சரியில்லை என சொல்லிவிட்டால் ஒன்றும் கேள்வி கேட்க முடியாது இப்படியொரு எழுதப்படாத ஒப்பந்தம் இன்றும் கிராமங்களில் உண்டு.

எங்கள் கிராமத்தில் என் அத்தையை பெண் பார்க்க வந்த கதை பற்றி எங்கள் பாட்டி சொன்னது இன்றும் நினைவில் இருக்கிறது...கரூர் அருகில் காவிரி,அமராவதி என இரு ஆறுகளும் கூடும் இடத்தில்,ஆற்றின் ஓரம் இருக்கும் சிறு கிராமம் அது..அத்தையை பெண் பார்க்க வந்தார்கள்.மாப்பிள்ளை வீட்டார் வந்து போனதும்,வீட்டில் இருந்த வளர்ப்பு பூனை உத்திரத்தில் தூங்கியது,அப்படியே தூக்க கலக்கத்தில் தரையில் விழுந்து இறந்து போனது..அதை யாரும் சீரியசாக எடுத்துக்கொள்ளவில்லை.அதே மாதத்தில் அது 1970 ஆம் ஆண்டு என நினைக்கிறேன்..அமராவதி ஆற்றில் பெரு வெள்ளம் வந்து,இவர்களது வயல்வெளிகள் நாசமானது..அந்த நஷ்டத்திலிருந்து மீள ஒரு வருசம் ஆனது.அப்போதும் திருமணத்தை ஒரு வருடம் தள்ளிப்போட்டார்களே ஒழிய நிறுத்தவில்லை..நல்ல சம்பந்தம்.அரசாங்க வேலை.விட வேண்டாம் என திருமணத்தை முடித்தார்கள்.திருமணத்திற்கு பின் என் அத்தை பட்ட கஷ்டங்கள் ரொம்ப கொடுமை.அவருக்கு எல்லா கெட்ட பழக்கங்களும் இருந்தன.நகையை சூதாடி அழித்தார்.மாமியார் வீட்டில் திருடினார்.வீட்டுக்கு வராமல் 6 மாதம் தலைமறைவாக இருந்தார்.இதனால் என் அத்தை பிறந்த வீட்டிற்கே வர வேண்டியதாயிற்று.

பெண் பார்த்து விட்டு போனதும் வீட்டுப்பூனை இறந்தது,வெள்ளத்தால் பயிர் நாசம் இவையெல்லாம் சகுனங்களே..இயற்கை இவர்களுக்கு இந்த சம்பந்தம் வேண்டாம் என உணர்த்தியது.

நமக்கு வரும் துன்பங்களை இயற்கையே முன்கூட்டி உணர்த்தும்.அதை தெய்வமாகவும் நினைக்கலாம்..முன்னோர்கள் வழிகாட்டுவதாகவும் எண்ணலாம்...சகுனம் என்றும் சொல்லலாம்...

ரஜினி ஜாதகம் என்ன சொல்கிறது..?# rajini horoscope

ரஜினி ஜாதகம் என்ன சொல்கிறது..?# rajini horoscope

ரஜினி ஜாதகம்;

பிறந்த தேதி;12.12.1950

பிறந்த நேரம்;11.45 இரவு.

இடம்;பெங்களூர்

ராசி;மகரம்

நட்சத்திரம்;திருவோணம்

ரஜினி ஜாதகம்;

ரஜினி ஜாதகம் மிக சக்தி வாய்ந்தது..தெய்வ அருள் நிரம்பியது...ஐந்தாம் இடத்தில் சுக்கிரன்,புதன் இணைந்து ஸ்ரீவித்யா யோகம் அமைந்துள்ளது..இது லட்சுமி,சரஸ்வதி யோகம்...அருள் ஒருங்கே அமைவதாகும்..இதன் மூலம் செல்வம்,ஞானம் இரண்டுமே கிட்டும்....

4க்குடையவன் செவ்வாய் வலுத்ததால் நிறைய சொத்துக்கள் சேர்க்கையும் உண்டானது....7ல் குரு நின்றதால் புலிப்பாணி பாடலின் படி,சகல தோசங்களும் நிவர்த்தி.....

7க்குடையவன் ஞானக்காரகன் கேதுவுடன் கூடியதால்...ஞானக்குருவாக மனைவி அமைந்தார்.

சுக்கிரன்,புதன் இணைவு கலைத்துறையின் உச்சம் தொட்டார்...அதுவும் வெற்றி ஸ்தானமாகிய ஐந்தாம் இடத்தில் இணைவு.இருவரும் இணைந்து 11 ஆம் இடத்தில் பார்வை செய்ததால் உலகப்புகழ் .இரண்டுக்கு அதிபதிக்கு இரண்டில் செவ்வாய் உச்சம்..பணத்துக்கு மேல்..பணம்..புகழுக்கு மேல்..புகழ்....

7ல் குரு நின்றதால் மனைவி வந்தப்பிறகுதான் மனிதன் ஆனார்....அவ்வளவு கெட்டப்பழக்கங்களுக்கு காரணம் நாலில் சூரியன்..இரண்டில் சனி,கேது...ஆறில் செவ்வாய்....சந்திரன்.....

ஜாதகத்தின் இன்றைய நிலை;

எண்ணிய ஒண்ணின் கோள்

ஆறாமிடத்து கோளுடன் 

உன்னிய ராகு கேது

ஒரு தளத்தில் நிற்க,கண்டம்

தன்னுடல் சுகமில்லாமல்

சஞ்சல மனதனாகி

மின்னலாய் வியாதியஸ்தன்

என விளம்பலாமே..!

-துய்ய கேரள ஜோதிடம் என்னும் பழைய ஜோதிட நூலில் இருந்து....

இந்த பாடல் சொல்லும் விளக்கம் ரஜினி ஜாதகத்திற்கு பொருந்தி போகிறது.

ரஜினிக்கு இப்போது சனி திசையில் சந்திர புத்தி வரும் 2.7.2011 வரை நடக்கிறது.

இந்த பாடலின் படி ஆறாம் அதிபதியுடன் ராகுவோ,கேதுவோ சேர்ந்திருந்தால் ,6,8,12 க்குடையவன் திசையில் மின்னலாய் நோய் தாக்கி முடங்குவான் என்கிறது....

ரஜினி ஜாதகத்தில் ஆறாம் அதிபதி சனியுடன் கேது இணைந்து இரண்டாம் இடத்தில் உள்ளது....

நடப்பது ஆறுக்குடையவன் திசை..நடப்பது 12க்குடைய விரயாதிபதி சந்திரன்..புத்தி.

சனி-முடக்கும் கிரகம்

ஆறாம் இடம்-வயிறை குறிக்கிறது...நோயை குறிக்கிறது...

இவர் ஜாதகத்தில் ஆறாம் இடத்தில் செவ்வாய் உள்ளது...இது ரத்தம் மற்றும் மர்ம உறுப்பை குறிக்கிறது...ஆறில் உள்ள செவ்வாய் மற்றும் சந்திரன் தனது புத்தியில் இந்த உறுப்புகளை முடக்குகிறது..சிறுநீரகம் பாதிப்பு கிட்னி பாதிப்பையும் குறிக்கும்....

சந்திரன் விரயாதிபதி மட்டுமல்ல..உடல்,மனக்காரகன்...ஆக உடலும் மனமும் முடங்கி இருக்கிறது.

பாதிப்பு;சிறுநீரகத்தில்....காரணம்..செவ்வாய் ஆறில்.

கோட்சாரப்படி சனி கன்னி வீட்டில் இருக்கிறது...ரஜினி பிறக்கும் போது சனி கன்னியில்தான் இருந்தது!...சனி ஒரு முறை சுற்றி தன் ஸ்தானத்திற்கு வர முப்பது வருடம் ஆகும்...இது இரண்டாம் சுற்று...

ஒரு தீய கிரகம் ஒரு ஜாதகன் பிறந்த ஸ்தானத்தில் எங்கு இருக்கிறதோ..அங்கு மீண்டும் வரும்போதெல்லாம் ஒரு கெடுதல் நடந்தே தீரும் என என் குரு சொல்லியிருக்கிறார்..அதன்படி இந்த ஜாதகத்திற்கு பிறந்தபோது இருந்த இடத்திற்கு வந்திருக்கிறார்...இது கெடுதலே தந்தது.

ரஜினி vs எம்.ஜி.ஆர்

ரஜினிக்கும் எம்.ஜி.ஆருக்கும் என்ன பிரச்சனை..?

எம்.ஜி.ஆர் மிக துணிச்சலும்,கோபமும் உடையவர்..அதிக அனுபவப்பட்டவர்...எம்.ஜி.ஆர் சினிமாக்கள் குறைந்து தமிழக அரசியலில் புரட்சி ஏற்படுத்திக்கொண்டிருந்த காலத்தில் தமிழ் சினிமாவில் ரஜினி புரட்சியை ஏற்படுத்திக்கொண்டிருந்தார்...தனி ஸ்டைல்,வேகம் சிறுவர்களையும் இளைஞர்களையும் கிறுக்கு பிடிக்க வைத்துக்கொண்டிருந்தது..எம்.ஜி.ஆர் அசைக்க முடியாத ஒரு இடத்தில் இருக்கும்போது...இளைஞர்களுக்கு பிடித்தவராக ரஜினி மாறிப்போனார்..தலைமுறை இடைவெளி போல அந்த மாற்றம் நடந்தது...

பெரியவர்கள்,பெண்கள் எம்.ஜி.ஆரையும்,இளைஞர்கள் ரஜினியையும் நேசித்தனர்..இளம்பெண்கள் அப்போது கமலை நேசித்தனர்...அவர்களது ஆதர்ஷ நாயகனாக கமலே இருந்தார்..காரணம் அவரது அழகு,சிவப்பு நிறம்,சிரிப்பு,நடனம்...ரஜினி கறுப்பு என்பதால் தனுஷை சொன்னது போல இவரெல்லாம் ஹீரோவா என்ற விமர்சனத்தில் தான் ரஜினி நடித்துக்கொண்டிருந்தார்...

பில்லா படத்திற்கு பிறகுதான் ரஜினியின் சினிமா தலையெழுத்தே மாறியது...பாலாஜியின் கணிப்பு தவறவே இல்லை..அப்போது ஆக்‌ஷனில் பிரபலமாக இருந்த ஜெய்ஷங்கர்,ஏற்றிருக்க வேண்டிய வேடம் அது..இது ஒரு ஆண்டி ஹீரோ அப்ஜெக்ட் என்பதால் புது முகமாக இருக்க வேண்டும் என நினைத்தார்களொ..அல்லது புது முகமாக இருந்தால் சம்பளம் குறைவாக கொடுக்கலாம் என நினைத்தாரோ..அல்லது ரஜினிதான் இதுக்கு பவர் என நினைத்தாரோ ...,பாலாஜி... தெரியாது...படம் தீயாய் ஓடியது..

பைரவி' படத்தின்போது ரஜினிக்கு முதன்முதலில் 'சூப்பர் ஸ்டார்' என்ற பட்டத்தைக் கொடுத்து விளம்பரப்படுத்தியவர் கலைப்புலி தாணு! ஆனால் இதற்குபின்னர் தான் பில்லா வெளிவந்தது....சூப்பர்ஸ்டார் பட்டம் பில்லாவுக்குத்தான் பொருந்தும்..

மஞ்சள் பத்திரிக்கைகள்..என சொல்லப்படும் வகையில் அப்போது பிரபலமாக இருந்த பத்திரிக்கைகள் ரஜினியையும்,எம்,ஜி,ஆரையும் வைத்து பல கதைகள் கட்டி விட்டிருக்கின்றன...அதில் ஒன்றுதான் ரஜினி க்கும் எம்.ஜி.ஆருடன் நடித்துக்கொண்டிருந்த லதாவுக்கும் இருக்கும் பழக்கம்...இதை பற்றி அப்போது கிசு கிசு செய்திகள் வாய்வழி பரபரப்பு செய்தியாக பரப்பப்பட்டது... லதா,எம்.ஜி.ஆர் கிசுகிசு பிரபலமாக இருந்த நேரத்தில் ரஜினிக்கும் லதாவுக்கும் பழக்கம் என செய்தி காட்டுத்தீயாய் பரவியது..உண்மையில் தன்னிடம் பேட்டி எடுக்க வந்த கல்லூரி மாணவி லதாவைத்தான் ரஜினி விரும்பிக்கொண்டிருந்தார்..ஆனால் செய்தி நடிகை லதாவை ரஜினி விரட்டி விரட்டி தொந்தரவு செய்வதாக சொல்லப்பட்டது...

இதனால் எம்.ஜி.ஆர் ரஜினி மீது மிக ஆத்திரமாக இருப்பதாகவும்,ரஜினிக்கு எம்.ஜி.ஆரால் ஆபத்து நேரலாம் எனவும் கோடம்பாக்கம்.பயந்தது..ஆனால் இதை ஓபனாக பேசமுடியாதே...இதை அவரிடம் விளக்கவும் முடியாது...எம்.ஜி.ஆரும் கேட்க மாட்டார்..முதலில் உதை..அப்புறம் தான் பேச்சு இது எம்.ஜி.ஆர் பாணி...

இன்னொரு பக்கம் லதா மேட்டரை கிசுகிசுவாக எழுதிய நிருபர் ஸ்கூட்டரில் போய்கொண்டிருப்பதை ,காரில் சென்று கோண்டிருந்த ரஜினி பார்த்து விட்டார் உடனே கெட்ட வார்த்தையில் திட்டியபடியே காரில் துரத்த ஆரம்பித்து விட்டார்....ஸ்கூட்டர் மீது மிகுந்த வேகத்தோடு கார் மோதும் நிலை..ரஜினி மிக கோபத்தோடு இருக்கிறார்...அவ்வளவுதான் ...ரஜினி காரை தன் மேல் ஏற்றாமல் விடமாட்டார் என நிருபர் குலை நடுங்கிபோனார்....20 நிமிடம் அந்த சேஸிங் தொடர்ந்தது...எப்படியோ அன்று உயிர் தப்பினார் அந்த நிருபர்...

ரஜினி கையால் பல நிருபர்களுக்கு அடி விழுந்திருக்கிறது...எம்.ஜி.ஆருடனான மோதலை முடிவுக்கு கொண்டு வரவே லதாவை அவசரமாக ரஜினி திருமணம் செய்து கொண்டார் எனவும் சொல்வார்கள்...பத்து நிருபர்களை அவசரமாக அழைத்தார் ரஜினி..சுற்றிலும் கண்ணாடி பதிக்கப்பட்ட அறையில் மது பாட்டில்கள் சூழ கையில் மது கிண்ணத்துடன் அமர்ந்திருந்தார் ரஜினி...உட்காருங்க..சாப்பிடுறீங்களா என கேட்டாராம்..பரவாயில்லை..என்ன விசயம் சொல்லுங்க என்றனர் நிருபர்கள்..சிலருக்கு ரஜினி மீது கோபம்...

நாளைக்கு எனக்கும் லதாவுக்கும் கல்யாணம்..கல்யாணம் முடிஞ்சதும் ஃபோட்டோ தரேன்...நீங்க யாரும் வர்வேண்டாம்..ஃபோட்டோ நியூஸ் உங்க ஆஃபீஸ்க்கு அனுப்பிடுறேன் என்றாராம்...

அப்படி மீறி வந்தா என்றாராம் ஒரு நிருபர் துடுக்காக...

உதைப்பேன்..என்றாராம் ரஜினி சிறிதும் தாமதிக்காமல்.

அதிர்ந்தார்கள் நிருபர்கள்.....

ரஜினி தனது திருமண பத்திரிக்கை எடுத்துக்கொண்டுமுதல்வர் அலுவலகம் சென்று காத்திருந்தபோது,எம்.ஜி.ஆர் அவரை சந்திக்க மறுத்துவிட்டார்..அதன்பிறகு இருவரும் ஒரு சினிமா விருது நிகழ்ச்சியில் சந்தித்ததோடு சரி..அதிலும் ஒரு வார்த்தை பேசவில்லை.

ஜோதிடம்;அமாவாசை, பௌர்ணமியில் பிறந்தவர்களின் பலன்கள்

 அமாவாசை, பௌர்ணமியில் பிறந்தவர்களின் பலன்கள்
ஜனன லக்னத்தில் சந்திரனும் சூரியனும் சேர்ந்திரக்கப் பிறந்தவர்கள் எந்த ஒரு காரியம் செய்தாலும் ரகசியமாகலே இருக்கும். என்ன தவறு செய்தாலும் வெளியில் தெரியாது. ஆனால், அதே சூரியனும் சந்திரனும் 7¬-க்கு 7-ல் சப்தமாதிபதியாய் இருக்க, அதாவது, பௌர்ணமி அன்று பிறந்தவர்கள் எந்த ஒரு சிறு குற்றம் செய்தாலும் அது வெளியில் தெரிந்து விடும் அல்லது அவரே உளறி மாட்டிக்கொள்வார் என்பதையும் அறிக