எம்.ஜி.ஆர் ,ரஜினி ஜாதகத்தில் காள சர்ப்ப யோகம்

எம்.ஜி.ஆர் ,ரஜினி ஜாதகத்தில் காள சர்ப்ப யோகம்;

எம்.ஜி.ஆர் எப்போதும் குன்றாத மக்கள் செல்வாக்கை பெற்றவர்.ரஜினியும் மக்கள் செல்வாக்கை மிக அதிக அளவு பெற்றவர்.இருவரும் சினிமா துறையில் யாராலும் உயரத்தை தொட்டவர்கள்.எம்.ஜி.ஆர் அரசியலிலும் சாதித்தார்.ரஜினி அரசியலுக்கு இதுவரை போகவில்லை.அவ்வளவுதான்.

                  எம்.ஜி.ஆர் ஜாதகம்; 

இருவரது ஜாதகங்களிலும் எத்தனையோ யோகங்கள் இருப்பினும்,காள சர்ப்ப யோகம் மட்டும் எடுத்துக்கொள்வோம்.இருவருக்கும் முக்கிய ஒற்றுமை காள சர்ர்ப யோகம் ஆகும்.அதாவது பெரும்பாலான கிரகங்கள் ராகு,கேது பிடிக்குள் இருப்பது காள சர்ப்ப தொசம் அல்லது காள சர்ப்ப யோகம் ஆகும்.

தோசமாக அமைந்தால் வாழ்வே சோதனையும்,போராட்டமாக காணப்படும்.யோகமாக இருப்பின் 30 வயதுக்கு பின் பெரும் அதிர்ஷ்டம் உண்டாகும்.இந்த அமைப்பு ரஜினி ,எம்.ஜி.ஆர் ஜாதகத்தில் உண்டு.

காள சர்ப்ப தோசம்,யோகம் கண்டுபிடிப்பது எப்படி..?

ரஜினி ஜாதகம்;

சிம்மம் ராசியை உள்ளடக்காமல் இருக்கும் ராகு,கேது அமைப்பு காள சர்ப்ப தோசம் யோகமாக மாறும்.காள சர்ப்பத்துக்குள் சிம்மம் ராசி மாட்டியிருந்தால் காள சர்ப்ப தோசம் ஆகும்.

ரஜினி,எம்.ஜி.ஆர் ஜாதகத்தில் இருவர் ராசிக்கட்டத்திலும் சிம்மம் வீடு வெளியே இருப்பதை கவனியுங்கள்.இது காள சர்ப்ப யோகமாகும்.!! இந்த அமைப்பு எல்லா செல்வங்களையும்,அதிகாரம்,மக்கள் செல்வாக்கு,நிரந்தர புகழ்,போன்றவற்றை கொடுப்பதில்லாமல்,பாம்பு தன் வாலால் அப்படியே தூக்கி உச்சாணி கொம்பில் வைப்பது போல வைத்துவிடுவதுதான் காள சர்ப்ப யோகம்!

ரஜினி ரகசியமாக வழிபட்ட சித்தர் கோவில்

ரஜினி ரகசியமாக வழிபட்ட சித்தர் கோவில்;

ரஜினி உடல்நலமில்லாமல் இப்போது ஓய்வு எடுத்துக்கொண்டிருக்கிறார்.சிறுநீரக பிரச்சினை இன்னும் அவருக்கு முழுமையான குணம் கொடுத்திருக்க வாய்ப்பில்லை.சில தொந்தரவுகள் கொடுத்துக்கொண்டுதான் இருக்கும்.நுரையீரலில் சுவாச கோளாறுகள் அவருக்கு இருக்கலாம்...அவர் முழுமையாக குணமாக அவர் விரும்பி வழிபட்ட ,அவர் மிக நம்பும் சில ஆலயங்களில் பிரார்த்தனைகள் வழிபாடுகளை சில நாட்களாக செய்து வருகிறார்.திருப்பதி சென்று வந்தார்.அவர் மனைவி லதா தன் தலைமுடி காணிக்கை கொடுத்தார்.

நான் என் மாமனார் ஊரான கரூர் அருகில் இருக்கும் சோமூர் சென்ற போதுதான்...ரஜினி ரகசியமாக அருகில் இருக்கும் நெரூர் சதாசிவம் கோயில் வந்துவிட்டு சென்றதாக என் உறவினர்களும் நண்பர்களும் ஆச்சர்யமாக சொன்னார்கள்.நான் ஊருக்கு போகும்போதெல்லாம் நெரூர் சதாசிவம் கோவில் சென்று வருவது வழக்கம்.நெரூர் சதாசிவம் என்பது சதாசிவம் பிரம்மேந்திரா என்ற சித்தர் ஜீவசமாதி. மகா அதிர்ஷ்டானம்.அவர் வாழ்ந்த காலம் மிக பழமையானது.ஆனால் அந்த கோவில் மிக தெய்வீக சக்தி நிரம்பியது.காவிரி கரையில் அமைந்துள்ளது.புத்தி பேதலித்தவர்கள்,மன குழப்பம் அதிகம் இருப்பவர்கள்,தியானம்,யோகா சித்தியாக நினைப்பவர்கள்,உடல்நலம் ஆரோக்கியம் பெற நினைப்பவர்கள்,பாவ விமோசனம் பெற இந்த ஆலயம் வந்து சதாசிவம் ஜீவ சமாதி அருகில் அமர்ந்து 20 நிமிடம் தியானம் செய்தால் போதும்..மனம் லேசாவதை உணரலாம்.இந்த தலம் பற்றி படிக்க;மணிராஜ்

கருணாநிதி குடும்பத்தார் மாதம் ஒருமுறை இங்கு வந்து செல்வதாகவும்,போயஸ் கார்டனுக்கு பெள்ர்ணமிதோறும் பிரசாதம் செல்வதாகவும் அந்த ஊர்க்காரர்கள் சொல்வதுண்டு.இந்த கோயிலுக்குதான் ரஜினி ரகசிய விசிட் அடித்திருக்கிறார்..இது பற்றி முன்கூட்டி தகவல் கோவில் நிர்வாகிகளுக்கு கூட தரவில்லை என்றும்,மிக சாதரண காவி வேஷ்டி அணிந்து,தலைப்பாகை கட்டியிருந்தார் என்றும் நேரில் பார்த்தவர்கள் சொன்னார்கள்.

ரஜினி உள்ளாட்சி தேர்தலில் ஓட்டு போடாதது ஏன்..?

உள்ளாட்சி தேர்தலில் ஓட்டு போடாத ரஜினி;

சமீபத்தில் நடைபெற்ற உள்ளாட்சி தேர்தலில் ,ரஜினிகாந்த் வாக்களிக்க வரவில்லை.இதற்கு காரணம் அவரது உடல்நலன் பாதிப்புதான் என தெரிகிறது.அவர் ஓய்வு எடுத்து வரும் இந்த சூழலில் வாக்களிக்க வந்தால் பத்திரிக்கையாளர்கள் அவரை தொந்தரவு செய்வர்..கருத்து சொல்ல வலியுறுத்துவார்கள்.இப்போதிருக்கும் சூழலில் ரஜினி கருத்து சொன்னால் அது வீண் சர்ச்சையாகும் என்றே ரஜினி வாக்களிப்பதை தவிர்த்துவிட்டாராம்.

அடுத்த நாள் ரஜினி திருப்பதி சென்று துலாபாரம் அமர்ந்து எடைக்கு எடை கல்கண்டு இனிப்பு பெருமாளுக்கு காணிக்கை கொடுத்துள்ளார்.ரஜினி நலம் பெற வேண்டி அவரது மனைவி மொட்டையடித்துள்ளார்.ரஜினி ஓய்வு பெறும் இக்காலகட்டத்தில் அதாவது மருத்துவமனையில் இருந்து திரும்பிய பின் இன்னும் ஒரு வார்த்தை கூட மீடியாவிடமோ,ரசிகர்களிடமோ பேச வில்லை என நினைக்கிறேன்.இதற்கு காரணம் என்ன என்பதை நான் எழுதிய ரஜினி ஜாதகம் என்ன சொல்கிறது என்ற பதிவிலும்,ரஜினிக்கு மீண்டும் நுரையீரல் பிரச்சனையா பதிவும் குறிப்பிட்டுவிட்டேன்.ரஜினி பூரண நலம் பெற நானும் வணங்கும் திருமலை திருப்பதி பாலாஜி யை பிரார்த்திக்கின்றேன்.

ரஜினியின் ராணா வும்,ரஜினி ஜாதகமும்

ரஜினி ஜாதகம் பார்த்து ராணா வில் நடிக்கும் அளவு அவர் உடல் நலம் பலமில்லை.அதனால் அந்த படம் கைவிடப்படும் என சொல்லியிருந்தோம்.அதன் படை ராணா கைவிடப்பட்டதாக நேற்று ஒரு இணையதளம் செய்தி வெளியிட்டுள்ளது.

எனது ரஜினி ஜாதக கணிப்பு

ராணா கைவிடப்பட்ட செய்தி;

ரஜினி தன் உடல்நிலையை கவனித்துக்கொண்டாலே அது ரஜினி ரசிகர்களுக்கு மகிழ்ச்சி தரும் செய்தியாகும்.உங்களை வெல்ல இனி யாரும் பிறக்கபோவதும் இல்லை.இனி யாருக்கு உங்களை நிரூபிக்க வேண்டும்..ரெஸ்ட் எடுங்க சார்.

ரஜினி,விஜய்,அஜித் போல சினிமாவில் புகழ்பெறும் ஜாதகம்

ஜினி,விஜய்,அஜித் போல சினிமாவில் புகழ்பெறும் ஜாதகம்;

சினிமாவில் ரொம்ப வருசமா இருக்கேன்.இன்னும் எனக்கு ஒரு சான்ஸ் கிடைக்கலை..என் ஜாதகப்படி அந்த அமைப்பு இருக்கான்னு பாருங்க சார் என பலரும் என்னிடம் தொடர்பு கொண்டு ஜாதகம் பார்த்து இருக்கிறார்கள்.துணை இயக்குனர்கள்,பலர் பல வருடம் சினிமாவில் இருந்தும் இயக்குனர் ஆக முடியவில்லையே என வருந்துவர்.ஒரு படம் இயக்கிவிட்டு படம் சுமாராக ஓடியது அப்புறம் பட வாய்ப்பே வரலை..இனி என் எதிர்காலம் என்னாகும் என வருந்துபவர்கள் இருக்கிறார்கள்.

சினிமாவில் நடிக்கணும் கோடம்பாக்கத்தை,இயக்குனர்,தயாரிப்பாளர் வீட்டு வாசலில் பழியாய் கிடப்பவர்கள்,பாட வாய்ப்பு,கதை எழுத,பாடல் எழுத வாய்ப்பு கேட்டு எத்தனையோ பேர் தவம் இருக்கிரார்கள்.

ரஜினியின் குழந்தை பருவம்

ணா

தீபாவளி,பொங்கல், மாதிரி டிசம்பர் 12ம் தேதி ரஜினி ரசிகர்களுக்கு பண்டிகை திருநாள்... சூப்பர் ஸ்டார் பிறந்த அன்று நடந்த நிகழ்சியை பற்றி அவரது அண்ணன் சத்யநாரயணராவ்கெய்குவாட் அவர்களிடம் பேசினோம். '' நல்லா ஞாபகம் இருக்கு... 1950, டிசம்பர் 11ம் தேதி ராத்திரி. அம்மா பிரசவ வலியால துடிக்குறாங்க அப்படியும், இப்படியும் புரண்டவங்க கொஞ்ச நேரத்துல கண்ணசந்து தூங்கிட்டாங்க. அப்போ அவங்க  கனவுல மகான்கள் வர்றாங்க... கடவுள், 'கவலைப்படாதே... உனக்கு நல்லபடியா மகன் பிறப்பா..' என்று ஆசீர்வாதம் பண்றார். மறுநாள் காலை மறுபடியும் பிரசவவலி. அப்போ எனக்கு 19வயசு... அப்பா ராமோஜிராவ்கெய்குவாட் போலீஸ்காரர். கார்ல கூப்பிட்டு போகணும்னு ஆசை... ஆனா அதுக்கு கையில காசு, பணம் இல்லை. தனியார் ஆஸ்பத்திரியில சேர்க்கிற அளவுக்கு எங்க குடும்பத்துல அப்படி ஒண்ணும் வசதி கிடையாது. பெங்களூர்ல இருக்குற வாணிவிலாஸ். அரசு மருத்துவனைக்கு அம்மாவை நானும், அப்பாவும் அழைச்சிட்டு போனோம். காலைல 11 மணிக்கு அம்மாவுக்கு வலி வந்துடுச்சு... 12.12.1950 மதியம் 12 மணிக்கு பொறந்தார் ரஜினி.. நான், நாகேஸ்வரராவ், சகோதரினு இருந்த எங்க குடும்பத்தோட கடைக்குட்டி ரஜினி... அம்மா கண்விழிச்சு பார்க்குறாங்க... பக்கத்துல என் தம்பி சிணுங்கலோட... மலங்க... மலங்க முழிச்சு பார்க்குறான். அப்பத்தான் நான் ஆரம்பத்துல சொன்ன கனவு என்கிட்டேயும், அப்பாவிடமும் அம்மா சொன்னாங்க... அம்மாவை பார்க்கறதுக்கும், தம்பி பொறந்ததை பார்க்கறதுக்கு சொந்த பந்தம், சாதி சனம் எதுவுமே வரலை.. என்னையும், அப்பாவையும் தவிர அம்மாவுக்கு ஆறுதலா யாருமே இல்லை.. ஒண்டியா படத்துக்கிட்டு என்னை உத்து உத்து பார்த்துட்டு பொக்கை வாய் காட்டி சிரிச்சான்... இன்னிக்கு டிசம்பர் 12ம் தேதி ரஜினி பொறந்த நாள் அன்னிக்கு உலகமே திருநாளா கொண்டாடுது... ஆனா அவன் பொங்களுரூ அரசு மருத்துவமனையில பொறந்தப்ப ஒருத்திரும் வரலை... அன்னிக்கும் சரி... இன்னைக்கும் சரி ஏழைக்கு ஏதுங்க நாதி... 11 வயது பிரைமரி ஸ்கூலு அஞ்சாங்கிளாஸ் படிக்கிறான். அப்பத்தான் அம்மா இறந்துட்டாங்க. எங்க வீட்டு கடைக்குட்டி ரஜினி, அப்பவுமே துறுதுறுன்னு இருப்பான் அம்மாவுக்கு ரொம்ப பிடிக்கும். அதுபோல அம்மான்னா ரஜினிக்கு உசுரு... ரஜினிக்கு உயிர் கொடுத்த அம்மா உடம்பு உயிர் இல்லாம இருந்துச்சு... ஸ்கூல் விட்டு வந்த ரஜினி அப்படியே அம்மா முகத்தை பார்த்து உறைஞ்சு போயிட்டான்.. எப்பவும் சுறுசுறுப்பா வேகமா இருக்கிறவன் அம்மா இறந்த சோகத்துல கொஞ்சநாள் அமைதியாகிட்டான். சென்னைக்கு வந்து சினிமாவுல நடிக்க ஆரம்பிச்சார். அப்பாவை அடிக்கடி சென்னைக்கு அழைச்சுட்டு போய் பாசமா தன்னோட தங்க வச்சுக்குவார். ரஜினிக்கு 30வயது இருக்கும்... அப்பா ராமோஜிராவ் இறந்துட்டார். 'அபூர்வராகங்கள்' 'மூன்று முடிச்சு' படங்கள்ல தம்பி நடிப்பை பார்த்து ரசிச்சார்.  என்ன ஒண்ணு... வில்லனா நடிச்சத பார்த்தவர், பிற்காலத்துல ... ஹீரோவா... இப்போ சூப்பர் ஸ்டாரா உசந்து நிக்கறதை பார்க்காம போயிட்டார்... எந்த சூழ்நிலை பொறந்தோம்னு அவருக்கு நல்லாத் தெரியும்... இப்பக்கூட ஒவ்வொரு டிசம்பர் 12ம் தேதி அன்னிக்கு தன்னோட பழைய ஞாபகத்துல மூழ்கிடுவார்... அதனால் தான் முன்னாடி எல்லாம் 'என் பிறந்த நாள் அன்று வெளியூரில் இருப்பதால் ரசிகர்கள் என்னைத்தேடி வரவேண்டாம்' என்று  அறிக்கையை பேப்பர்ல கொடுத்து வந்தார். கடைக்குட்டி ரஜினிமேல் எங்கம்மாவுக்கு ரொம்ப பிரியம். நல்ல உத்தியோகத்தில் கை நிறை சம்பாதிக்கனும் என்பது அம்மாவோட ஆசை.. இன்னிக்கி என் தம்பி சூப்பர் ஸ்டாரா இருக்கற காட்சியை பார்க்கரத்துக்கு  எங்கம்மா உயிரோட இல்லையேனு நினைக்கும் போது கண் கலங்குது... மனசு பதறுது... ரசிகருங்க எல்லாம் ரஜினி அரசியலுக்கு வரனும்னு ஆசைப்படுறாங்க... அவருக்கு என்னவோ அதிலே அவ்வளவு இஷ்டம் இல்லை.. சாதாரண நடிகனா நாலு படத்துல தலையை காட்டணும்னுதான் சினிமாவுல நடிக்க சென்னைக்கு வந்தார்.. இப்போ பெரிய நடிகரா உசந்து நிக்கிறான்.. எல்லாத்துக்கும் ஆண்டவனோட ஆசீர் வாதம் தான் காரணம்.  அதுபோல அரசியலுக்கு வரணும்னு அவர் தலையில ஆண்டவன் எழுதியிருந்தா அதை யாரால தடுக்க முடியும்...'' என்று மனமுருகினார்.. thanks;vikatan

எனக்கு பிடித்த டாப் 10 ரஜினி படங்கள்!

எனக்கு பிடித்த டாப் 10 ரஜினி படங்கள்!

ரஜினி என்பது மூன்றெழுத்துமந்திரம்..இந்த மந்திரம் பார்த்துதானோ என்னவோ...விஜய்,அஜீத்,சிம்பு,தனுஷ்,விஷால் என இளைய தலைமுறை நடிகர்கள் பெயர் அமைத்துக்கொண்டு ஜொலிக்கிறார்கள்...விவரம் தெரிந்த நாள் முதல் ரஜினி மட்டும்தான் எனக்கு பிடிக்கும்...மத்த நடிகர்கள் எல்லாம் எதுக்கு..?அவர்கள் படத்தையெல்லாம் போய் பார்க்குறாங்களே என்று கூட சின்ன வயதில் நினைத்திருக்கிறேன்.

முரட்டுகாளை

பொதுவாக எம் மனசு தங்கம் ஒரு போட்டியின்னு வந்து விட்டா சிங்கம் என்ற பாடலை மறக்க முடியுமா...இன்றும் கூட...சின்ன குழந்தைகள் சிலிர்ப்புடன் பாடும் பாடல்..கிராமத்து இளைஞனாக ரஜினி கலக்கியிருப்பார்.எஸ்.பி.முத்துராமன் இயக்கத்தில் வந்த மசாலா படம்..இதில் முதன் முதலாக் ஜெய்ஷங்கர் வில்லனாக நடித்திருப்பார்.இது குறித்து ரஜினி,150 படங்களில் ஹீரோவாக நடித்திருக்கும் ஜைஷன்கர் இதில் வில்லனாக நடித்திருக்கிறார் எனவே படத்தின் விளம்பரங்களில் அவருக்குறிய முக்கியத்துவத்தை குறைத்து விடாதீர்கள் என் கறாராக சொல்லி விட்டாராம்.
சங்கிலி முருகனின் மிரட்டும் தோற்றம் ,அவர் ஜெய்ஷங்கரிடம் காட்டும் விசுவாசம்,ரஜினியின் ரயில் ஃபைட்,மனதை இனிக்க செய்யும் இளையராஜா இசை என எல்லாமே படத்தை சூப்பர் ஹிட் ஆக்கியது..படம் முழுவதும் திரைக்கதை விறுவிறுப்பாக இருக்கும்..ரஜினியை முழுமையான மாஸ் ஹீரோ ஆக்கிய படங்களில் முதலிடம்...ரஜினியின் ஹேர்ஸ்டைல் ,காஸ்டியூம் எல்லாமே கிராமத்து மனிதனாகவே இருக்கும்..ஏ.வி.எம் மின் முரட்டுகாளை என ஏ.வி.எம் க்கு புகழ் சேர்த்த முத்துக்களில் ஒன்று

பாயும் புலி

இந்த படம் செம ஹிட்டாக தமிழகத்தில் ஓடிக்கொண்டிருந்த போது இலங்கையில் இதை வெளியிட முயன்றபோது..தலைப்பில் புலி என வருவதால் இலங்கையில் அனுமதி மறுக்கப்பட்டது..அதன் பின் இரும்பு கரங்கள் என பெயர் மாற்றி வெளியிட்டார்களாம்.

படத்தின் சண்டை காட்சிகளின் போது எம்.ஜி.ஆர் போஸ்டர் இருக்கும்படி செய்தார்களாம்..இதனால் அதிக விசில் ,கைதட்டல் அந்த சீனுக்கு கிடைக்கும் என்ற ஐடியா இயக்குனருக்கு...ஆனால் அந்த போஸ்டரை ரஜினி எடுக்க சொல்லிவிட்டார்..காரணம் கேட்டதற்கு ,என் படத்திற்க்கு வருபவர்கள் எனக்காக கை தட்ட வேண்டும்..எம்.ஜி.ஆர் புகழை பயன்படுத்தி கைதட்டல் வாங்க விருப்ப மில்லை..என்று சொல்லி விட்டாராம்...ரஜினியின் முடிவின் படி அந்த போஸ்டர் அகற்றப்பட்டது...
பொத்துகிட்டு ஊத்துதடி வானம்,ஆடி மாசம் காத்தடிக்க வாடி புள்ள சேர்த்தனைக்க போன்ற இளையராஜாவின் சூப்பர் ஹிட் பாடல்கள் படத்திற்கு பக்க பலம்..

தம்பிக்கு எந்த ஊரு 

ஆக்சன் ஹீரோவாக இருந்த ரஜினிக்கு காமெடியும் வரும் என நிரூபித்த முதல் படம்..முழுக்க காமெடி தோரணம் இருந்தாலும் காதல் காட்சிகள் அருமையாக இருக்கும்..காதலின் தீபம் ஒன்று ஏற்றினாலே என் நெஞ்சில் இன்றும் கிறங்கடிக்கும் காதல் மெலடி...பாம்புக்கும் ரஜினிக்கும் அப்படி ஒரு ஒற்றுமையோஎன்னவோ..ரஜினிபடங்களில்பாம்புவரும்சீன்கள்உள்ளஎல்லாபடமும்செமஹிட்.எந்திரன்,சந்திரமுகியில் கூட கிராஃபிக்ஸ் பாம்பு சீன்இருக்கும்..தம்பிக்கு எந்த ஊரு படத்தில் பனக்கார இளைஞனாக ,முரட்டு சுபாவத்துடன் இருப்பார்..அவரை திருத்த அவரது அப்பா தன் நண்பரின் கிராமத்துக்கு அனுப்பி வைப்பார்..கிராமத்தில் ரஜினிக்கு கிடைக்கும் அனுபவங்களே கதை..கிராமத்தில் ரஜினி படும் அவஸ்தைகள் செம சிரிப்பு ரகம்..ராஜ்டிவில்லட்சம்முறையாவதுஒளிபரப்பிஇருப்பார்கள்..அவர்களிடம் இருக்கும் ஒரே ரஜினி படம் என நினைக்கிறேன்...

அன்புள்ள ரஜினிகாந்த்

ஊனமுற்ற குழந்தை..ரஜினி ரசிகையாக இருக்கிறது...தாயை ஒதுக்கும் அக்குழந்தையின் பிடிவாத குணத்தை மாற்றி அவர் அம்மாவுடன் சேர உதவுவார் ரஜினி..இதுதான் கதை...இப்படத்தில் குழந்தை நட்சத்திரமாக மீனா நடித்திருப்பார்..அவரே பின்னாளில் ரஜினியுடன் எஜமான் படத்தில் கதாநாயகியாக நடித்தார்.என்ன ஒரு விசித்திரம்?

எம்.ஜி.ஆருக்காக உருவாக்கப்பட்ட கதை.அவர் நடிக்க முடியாததால் ரஜினி நடித்தார் படத்தின் டைட்டிலில் ரஜினி படம் இது ஒன்றே என நினைக்கிறேன்...அன்புள்ள ரஜினிகாந்த் வசீகரமான தலைப்பு..ரஜினி அங்கிள் என மீனா ஓடி வரும் காட்சியும் முத்து மணி சுடரே வா என்ற பாடலும் மறக்க முடியாதவை..பாக்யராஜ நட்பு முறையில் தெனாலிராமன் எனும் படத்திலேயே வரும் நாடகத்தில் நடித்திருப்பார்...நகைச்சுவை நிறைந்த அந்த சீன் பெரிதும் பாராட்டப்பட்டது...
லதா ரஜினிகாந்த் கருணை உள்ளமே கடவுள் இல்லமே என்ற பாடலை பாடி இருக்கிறார்..ரஜினி வீட்டில் சில சீன்கள் எடுக்கப்பட்ட படம்..

கைகொடுக்கும் கை

கண் தெரியாத ஒரு பெண்ணை கல்யாணம் செய்து கொண்டு வாழ்ந்திருப்பார் ரஜினி..மஹேந்திரன் இயக்கத்தில் வந்த படம்..கண் தெரியாத பெண்ணாக ரேவதி சிறப்பாக நடித்த படம்..இளையராஜாவின் இசையில் தாழம்பூவே வாசம் வீசும் பாடலை மறக்க முடியுமா..?
.

ஸ்ரீ ராகவேந்திரா

ரஜினியின் 100 வது படம்..ஆக்‌ஷன் ஹீரோ ரஜினி, சாமியாராக நடிப்பார் என எவருமே யூகிக்க முடியாத காலகட்டத்தில் வந்த படம்...ஆனால் சிறப்பான திரைக்கதை..சுவையான சம்பவங்கள்,அருமையான பாடல்கள் நிறைந்த படம்..நான் அடிக்கடி பார்த்த படம்..ராகவேந்திரராக நடித்த ரஜினிக்கும்,ராகவேந்திரரின் முதன்மை சீடராகிய பத்ம பாதர் வேடத்தில் நடத்த டெல்லி கணேஷ் க்குமான க்ளைமாக்ஸ் காட்சிகள் கண்களை குளமாக்கும்.

விடுதலை

பாக்யராஜுடன் தாவணி கனவுகள் படத்தில் கவுரவ வேடத்தில் நடித்துகொடுத்த நடிகர் திலகம் சிவாஜி ,ரஜினிக்காக விடுதலை படத்திலும் கவுரவ வேடத்தில் நடித்து கொடுத்தார்..சிவாஜி போலீஸ்,அவரிடம் மாட்டிகொள்ளும் கைதியாக ரஜினி..அவரிடமிருந்து தப்பிக்க ரஜினி போடும் திட்டங்களை எல்லாம் சிவாஜி தவிடு பொடி ஆக்கும் சீன்கள் ரசிக்க வைக்கும்..

நாட்டுக்குள்ளே என்னை பத்தி கேட்டு பாருங்க..அம்மம்மா இவர்தான் சூப்பர் ஸ்டாருங்க..கலக்கலான் இந்த பாடலுக்கு இசை அமைத்தவர் சந்திரபோஸ்..
.

மிஸ்டர் பாரத்

சத்யராஜ் வில்லன்..ரஜினி ஹீரோ இந்த காம்பினேசன் செம ஹிட் ஆன படம்..காக்கி சட்டை போன்ற படங்களில் கமலை பல சீன்களில் ஓரம் கட்டிய சத்யராஜ் ..இந்த படத்திலும் ரஜினிக்கு நிகராக சில சீன்களில் கலக்கி இருப்பார்..காக்கி சட்டையில் தகடு தகடு என்றால் இதில் என்னமா கண்ணு சவுக்கியமா...சூப்பர் பஞ்ச்..இதே வரியில் ஆரம்பிக்கும் பாடல் அப்போது பட்டி தொட்டி,சிட்டியெல்லாம் கலக்கி எடுத்தது.இளையராஜா இசை..
தனது தாயை ஒதுக்கி விட்டு சென்ற ,தனது தந்தை யை எதிர்த்து அவருக்கு நிகராக உயர்ந்து அவருக்கு செக் வைக்கும் மகனாக ரஜினி நடித்த படம்...

ஊர் காவலன்

ராதிகா இரவு ஒரு மணிக்கு ரஜினியை எழுப்பி எண்ணை தேய்த்து குளிப்பாட்டி ஆவி பறக்க இட்லியை பரிமாறி...சாப்பிடு மாமா என கொஞ்சும் காட்சிகள் சூப்பராக இருக்கும்...அடிப்பாவி ..ராத்திரி ஒரு மணிக்கு என்னை சாப்பிட சொல்றியே போடி..என விரட்டும்போது..ராதிகா மறுக்கும் மேனரிசம்...நமக்கு இது மாதிரி ஒரு மாமன் பொண்ணு இல்லையே என ஏங்க வைக்கும்..கிராமத்து மூட நம்பிக்கைகளை வைத்து வில்லன் செய்யும் அட்டகாசத்தை எதிர்க்கும் வேடத்தில் ரஜினி..நடித்திருப்பார்..
மாசி மாசம்தான் சொல்லு சொல்லு மேல தாளம்தான்....பாடல் கிறங்கடிக்கும்..

பாட்ஷா

எல்லா ரஜினி ரசிகர்களுக்கும் பிடித்த படம்..பாட்ஷாவின் பெரிய வெற்றிக்கு ரகுவரனும் ஒரு முக்கிய காரணம்..ரஜினிக்கு நிகரான ஒரு வில்லன் என்றால் அது நிச்சயமாக ரகுவரன் தான்..ரஜினி,ரகுவரன் சந்திக்கும் காட்சிகள் எல்லாம் தீப்பொறிதான்...ரஜினியை பார்த்து ரகுவரன் பேசும் நக்கலான சீன்கள் ரஜினி ரசிகர்களை கூட கைதட்ட வைத்துவிடும்.

திரைக்கதை இவ்வளவு வேகமாக அமைக்க முடியுமா என அமைந்திருக்கும்..அடுத்தடுத்து பரபரப்பான காட்சிகள்தான்...தன் தங்கையின் உதட்டில் வழிந்த ரத்தத்தை பார்த்து அதிர்ந்து...பாட்ஷா வாக அப்பாவி ரஜினி மாறும் காட்சி...தன் தங்கைக்கு சீட் தர,மறுத்து அடாவடி செய்யும் வில்லன் அறையில் தன்னை பற்றி சொன்னதும் வில்லன் வேர்வையை துடைக்கும் போது, யார்கிட்டியும் சொல்லிட மாட்டீங்களே என ரஜினி பேசும் சீன், நம் பல்ஸை எகிற வைக்கும்..
நான் ஒரு தடவை சொன்னா நூறு தடவை சொன்னா மாதிரி என்ற பாலகுமாரன் எழுதிய வசனம். தமிழ் சினிமாவில் பஞ்ச் டயலாக் கலாச்சாரத்தை தொடங்கி வைத்தது.. நக்மாவின் சொக்க வைக்கும் அழகு அப்போது ரசிகர்களை கிறுக்கு பிடிக்க வைத்த நேரம்...ஸ்டைலு ஸ்டைலு தான் நீ சூப்பர் ஸ்டைலுதான்..பாடல் கூட கலக்கலான ஒளிப்பதிவாக இருக்கும்..

ரஜினி ஜாதகம் என்ன சொல்கிறது..?# rajini horoscope

ரஜினி ஜாதகம் என்ன சொல்கிறது..?# rajini horoscope

ரஜினி ஜாதகம்;

பிறந்த தேதி;12.12.1950

பிறந்த நேரம்;11.45 இரவு.

இடம்;பெங்களூர்

ராசி;மகரம்

நட்சத்திரம்;திருவோணம்

ரஜினி ஜாதகம்;

ரஜினி ஜாதகம் மிக சக்தி வாய்ந்தது..தெய்வ அருள் நிரம்பியது...ஐந்தாம் இடத்தில் சுக்கிரன்,புதன் இணைந்து ஸ்ரீவித்யா யோகம் அமைந்துள்ளது..இது லட்சுமி,சரஸ்வதி யோகம்...அருள் ஒருங்கே அமைவதாகும்..இதன் மூலம் செல்வம்,ஞானம் இரண்டுமே கிட்டும்....

4க்குடையவன் செவ்வாய் வலுத்ததால் நிறைய சொத்துக்கள் சேர்க்கையும் உண்டானது....7ல் குரு நின்றதால் புலிப்பாணி பாடலின் படி,சகல தோசங்களும் நிவர்த்தி.....

7க்குடையவன் ஞானக்காரகன் கேதுவுடன் கூடியதால்...ஞானக்குருவாக மனைவி அமைந்தார்.

சுக்கிரன்,புதன் இணைவு கலைத்துறையின் உச்சம் தொட்டார்...அதுவும் வெற்றி ஸ்தானமாகிய ஐந்தாம் இடத்தில் இணைவு.இருவரும் இணைந்து 11 ஆம் இடத்தில் பார்வை செய்ததால் உலகப்புகழ் .இரண்டுக்கு அதிபதிக்கு இரண்டில் செவ்வாய் உச்சம்..பணத்துக்கு மேல்..பணம்..புகழுக்கு மேல்..புகழ்....

7ல் குரு நின்றதால் மனைவி வந்தப்பிறகுதான் மனிதன் ஆனார்....அவ்வளவு கெட்டப்பழக்கங்களுக்கு காரணம் நாலில் சூரியன்..இரண்டில் சனி,கேது...ஆறில் செவ்வாய்....சந்திரன்.....

ஜாதகத்தின் இன்றைய நிலை;

எண்ணிய ஒண்ணின் கோள்

ஆறாமிடத்து கோளுடன் 

உன்னிய ராகு கேது

ஒரு தளத்தில் நிற்க,கண்டம்

தன்னுடல் சுகமில்லாமல்

சஞ்சல மனதனாகி

மின்னலாய் வியாதியஸ்தன்

என விளம்பலாமே..!

-துய்ய கேரள ஜோதிடம் என்னும் பழைய ஜோதிட நூலில் இருந்து....

இந்த பாடல் சொல்லும் விளக்கம் ரஜினி ஜாதகத்திற்கு பொருந்தி போகிறது.

ரஜினிக்கு இப்போது சனி திசையில் சந்திர புத்தி வரும் 2.7.2011 வரை நடக்கிறது.

இந்த பாடலின் படி ஆறாம் அதிபதியுடன் ராகுவோ,கேதுவோ சேர்ந்திருந்தால் ,6,8,12 க்குடையவன் திசையில் மின்னலாய் நோய் தாக்கி முடங்குவான் என்கிறது....

ரஜினி ஜாதகத்தில் ஆறாம் அதிபதி சனியுடன் கேது இணைந்து இரண்டாம் இடத்தில் உள்ளது....

நடப்பது ஆறுக்குடையவன் திசை..நடப்பது 12க்குடைய விரயாதிபதி சந்திரன்..புத்தி.

சனி-முடக்கும் கிரகம்

ஆறாம் இடம்-வயிறை குறிக்கிறது...நோயை குறிக்கிறது...

இவர் ஜாதகத்தில் ஆறாம் இடத்தில் செவ்வாய் உள்ளது...இது ரத்தம் மற்றும் மர்ம உறுப்பை குறிக்கிறது...ஆறில் உள்ள செவ்வாய் மற்றும் சந்திரன் தனது புத்தியில் இந்த உறுப்புகளை முடக்குகிறது..சிறுநீரகம் பாதிப்பு கிட்னி பாதிப்பையும் குறிக்கும்....

சந்திரன் விரயாதிபதி மட்டுமல்ல..உடல்,மனக்காரகன்...ஆக உடலும் மனமும் முடங்கி இருக்கிறது.

பாதிப்பு;சிறுநீரகத்தில்....காரணம்..செவ்வாய் ஆறில்.

கோட்சாரப்படி சனி கன்னி வீட்டில் இருக்கிறது...ரஜினி பிறக்கும் போது சனி கன்னியில்தான் இருந்தது!...சனி ஒரு முறை சுற்றி தன் ஸ்தானத்திற்கு வர முப்பது வருடம் ஆகும்...இது இரண்டாம் சுற்று...

ஒரு தீய கிரகம் ஒரு ஜாதகன் பிறந்த ஸ்தானத்தில் எங்கு இருக்கிறதோ..அங்கு மீண்டும் வரும்போதெல்லாம் ஒரு கெடுதல் நடந்தே தீரும் என என் குரு சொல்லியிருக்கிறார்..அதன்படி இந்த ஜாதகத்திற்கு பிறந்தபோது இருந்த இடத்திற்கு வந்திருக்கிறார்...இது கெடுதலே தந்தது.