ஆடி அமாவாசை அன்னதானம் 2016

ஆடி அமாவாசை அன்னதானம் 2016

நேற்று முப்பெரும் திருவிழாவாக அமைந்து விட்டது....ஆடி 18க்கு நிறைய பெண்கள் ஆற்று மணலில் கன்னிமார் பொம்மைகள் செய்து காதோலை கருகமணி வைத்து பொங்கல் வைத்து வழிபட்டனர்...அம்பிகை கருவுற்றிருப்பதாக ஐதீகம் என்பதால் ஆடி 18 ஐ,காவிரிப்பெண்ணுக்கு பூஜித்து வழிபட்டனர் இன்னும் பல பெண்கள் ..புதுத்தாலி கட்டிக்கொண்ட புதுத்தம்பதிகள் இன்னொரு பக்கம் என ஆடி 18 காவிரி,தாமிரபரணி ,பவானி நதிக்கரைகளில் சிறப்பாக போய்க்கொண்டிருந்தது..

குருப்பெயர்ச்சி என்பதால் காலை முதல் யாகங்களும்,வழிபாடுகளும் என சிவ ஆலயங்கள் அமர்க்களப்பட்டன...நான் நமது நண்பர்கள் அவர்கள் குடும்பத்தார் உட்பட அனைவரும் நலம் வாழ சிறப்பு அர்ச்சனை வழிபாட்டுக்கு இரண்டு கோயில்களில் பெரிய பெயர் லிஸ்ட் கொடுத்து ,மலர் மாலைகள் கொடுத்து பூஜைக்கு ஏற்பாடு செய்தேன்.பாவம் ஐயர்கள் கூட்டத்தில் யாரை கவனிப்பது என திணறிக்கொண்டிருந்தனர்.

ஆடி அமாவாசை பிதுர் தர்ப்பனம் புஜை பவானி ,கொடுமுடி ,திருச்சி அம்மா மண்டபத்தில் மக்கள் வரிசை கட்டி அமர்ந்திருந்தனர்...பிராமணர்கள் முறைப்படி மந்திரம் சொல்லி திதி கொடுக்க முடியாத அளவு திதி நெரிசல் அதிகம் இருந்தது....

ஒவ்வொரு முக்கிய கோயில்கலிலும் லட்சக்கணக்கான மக்கள் என தமிழகம் முழுக்க எல்லா கோயில்களிலும் மக்கள் வெள்ளம்தான்..நிம்மதியாக தரிசனம் செய்வது அரிது என்றாலும் ,நல்ல நாளில் கோயிலுக்கு போகாமல் இருந்து நமக்கு பழக்கமில்லையே ...கோயிலில் கால் வைத்து விட்டு வந்தால் போதும் என்ற மனநிலைதான் நேற்று எல்லோருக்கும் இருந்திருக்கும்...
காவிரி போன்ற புனித நதிகளில் நீராடினாலே பெரும் புண்ணியம் என்பதால் நேற்று அதிகாலையில் காவிரியில் குளித்து சூரியனை சிவமாக பாவித்து வந்தாலே மிக சிறப்பு.

அன்னதானம் செய்வதாக நாம் சொன்னதும் வழக்கமாக அன்னதானம் செய்ய நன்கொடை அளித்து உதவும் நண்பர்கள் ,இந்த முறையும் நன்கொடை அனுப்பி நன்றாக செய்யுங்கள் என ஊக்கமளித்தனர்.புதிய நண்பர்களும் இணைந்து கொண்டனர்.

ஆதரவற்ற முதியோர் இல்லங்கள் இரண்டு ,ஊனமுற்ற குழந்தைகள் ,கண் பார்வையற்றோர் க்கு ஆடி அமாவாசை அன்று அன்னதானம் செய்யப்பட்டது..

நன்கொடை வழங்கிய நண்பர்கள் அவர்களது குடும்பத்தினர் பெயரில் குருப்பெயர்ச்சியை முன்னிட்டு குருபவான் சன்னதியில் சிறப்பு அர்ச்சனை வழிபாடு பிரார்த்தனை செய்யப்பட்டது...அடுத்த அன்னதானம்,ஆடைதானம் புரட்டாசி மகாளயபட்ச அமாவாசை அன்று நடைபெறும்.

நண்பர்கள் அனைவருக்கும் நன்றி.

குரு பெயர்ச்சி 2016-2017 -குருவால் அதிக பணவரவு எந்த ராசியினருக்கு கிடைக்கும்.?

குரு பெயர்ச்சி வரும் ஆகஸ்ட் 2 ஆம் தேதி வாக்கிய பஞ்சாங்கப்படி அமைகிறது அன்று ஆடி 18 ..ஆடி அமாவாசையும் ஆன நாளில் குரு கன்னி ராசிக்கு மாறுகிறார்...

குரு செல்வாக்கு கொடுக்கும் கிரகம்.சொல்வாக்கு தவறாத கிரகம்.குரு கிரகத்தின் சக்தி அதிகம் பூமியில் வெளிப்பட்ட நாளில் பிறந்தவர்கள் குருபலம் நிறைந்தவர்கள் ..அவர்கள் எப்போதும் செல்வாக்குடன் வாழ்கிறார்கள்...குரு பார்க்க கோடி நன்மை.

குரு பகவான் ஆட்சி பெற்றோ உச்சம் பெற்றோ லக்னத்திற்கோ சந்திரனுக்கோ கேந்திரத்தில் அமையப்பெற்று காணப்பட்டால் ஹம்ச யோகம் உண்டாகிறது.இந்த யோகத்தால் நல்ல உடல் அமைப்பு ,மற்றவர்களால் மதிக்கப்படும் உன்னத நிலை ,ஒழுக்கமான வாழ்வு போன்ற ஏற்றமான பலன்கள் நடைபெறும்.இப்படி ஹம்ச யோகம் பெற்றவர்களில் ஒருவர் நம் தமிழக முதல்வர் ஜெயலலிதா ஆவார்.அவருக்கு லக்னத்துக்கு 7ல் குரு இருக்கிறார்..இதனால் அரசியலில் உய்ர்ந்த பதவி வகிக்கும் யோகம் பலமுறை உண்டானது.

குருவும் கேதுவும் இணைந்து காணப்பட்டாலும் கேதுவை குரு பார்வை செய்தாலும் அம்சத்திலும் இது போன்ற குரு கேது சேர்க்கை இருப்பின் கோடீஸ்வர யோகம் உண்டாகிறது.இதனால் வாழ்வில் திடீர் அதிர்ஷ்டம் உண்டாகி செல்வம் பலவிதத்திலும் வந்து சேரும்.இந்த யோகத்தால் சிவனருள் பெற்ற செல்வராக ஆன்மீக அன்பர்களால் இவர்கள் புகழப்படுவர்.ஆன்மீகத்திலும் இவர்கள் அதிக நாட்டம் உடையவர்களாக இருப்பர்.

ஆந்திர முதல்வர் சந்திரபாபு நாயுடு ஜாதகத்தில் இந்த கோடீஸ்வர யோகம் அமைப்பு இருக்கிறது.கோடிக்கணக்கான மக்களின் ஆதரவும்,திருப்பதி பெருமாளின் ஆசியும் இவர் பெற்றிருக்கிறார்..

குரு ஜாதகத்தில் எந்த ராசியில் இருப்பது மிக சிறப்பு என ஜோதிடம் சொல்கிறது..? 

லக்னத்தில் குரு இருப்பதுதான் மிக சிறப்பானதாக சொல்கிறது குரு லக்னத்தில் இருந்தால் 5,7,9 ஆம் இடங்களை பார்வை செய்வார் இதனால் புண்ணிய செயல்கள் அதிகம் செய்வர்...நல்ல மனைவி நல்ல புத்திரன் அமையும்...சொத்துக்கள் சேர்க்கை உண்டாக்கும்.லக்னத்தில் குரு இருப்பது எந்த லக்னத்துக்கும் கேந்திராதிபத்திய தோசம் இல்லை.

ஒருவர் ஜாதகத்தில் ஜென்ம லக்னத்தில் குரு அமையப்பெற்றால் தீர்க்க ஆயுள்,நல்ல செல்வம்,செல்வாக்கு ,சிறப்பான புத்திர பாக்யம்,அரசு வழியில் அனுகூலம்,தெய்வீக ஆன்மீக துறையில் நாட்டம் உண்டாகும்.

குருவால் உண்டாகும் யோகங்களில் முக்கியமானது கெஜகேசரி யோகம்.சந்திரனுக்கு கேந்திர ஸ்தானமாகிய 4,7,10ல் குரு அமையப்பெற்றால் கெஜகேசரி யோகம் உண்டாகிறது..கஜம் எனில் யானை கேசரி எனில் சிங்கம்.பல யானைகளுக்கு மத்தியில் சிங்கம் போல இந்த யோகம் அமையப்பெற்றவர்கள் வலிமை உள்ளவர்களாக திகழ்வார்கள்..இதனால் ஜாதகத்தில் உள்ள மற்ற தோசங்கள் விலகி வழிவிடுமாம்.

2016-2017 குரு பெயர்ச்சியால் அதிக பண வரவு யாருக்கு கிடைக்கும் எனில் ,

குரு பார்வை யார் ராசிக்கெல்லாம் தன ஸ்தானம்,பாக்யஸ்தானத்தை பார்க்கிறது என பார்ப்போம்...

குரு கன்னியில் இருந்து 5ஆம் பார்வையாக மகரம் ராசியை பார்க்கிறது.அது தனுசு ராசியினருக்கு தன ஸ்தானம் ஆகும்.

ஏழாம் பார்வையாக மீனம் ராசியை பார்க்கிறது அது கும்ப ராசியினருக்கு தன ஸ்தானம் ஆகும்...

ஒன்பதாம் பார்வையாக ரிசபம் ராசியை பார்க்கிறது அது மேசம் ராசியினருக்கு தன ஸ்தானமாகும்.

ஆக,குரு பார்வை பெறும் தனுசு ,கும்பம்,மேசம் ராசியினருக்கு நல்ல தன வரவு இருக்கும்.

லாபஸ்தானத்தை குரு பார்வை செய்யும் ராசியினர் யார் என பார்ப்போம்..

விருச்சிகம் ராசியினருக்கு லாபத்தை குரு பார்க்கிறார்

ரிசபம் ராசியினரின் லாபத்தை குரு பார்வை செய்கிறார்..

கடகம் ராசியினரின் லாபஸ்தானத்தை குரு பார்வை செய்கிறார்...

ஆகவே மேற்க்கண்ட ராசியினருக்கு நல்ல லாபம் கிடைக்கும்....

குரு பலம் பெறும் ராசியினர் யார்..?

சிம்மம்,ரிசபம்,மீனம்,மகரம் ,விருச்சிகம் இவர்கள் ராசியினருக்கு 2,5,7,9,11 ல் குரு வந்திருப்பதால் இவர்களுக்கும் பணம் சரளமாக வந்து சேரும்.

மத்த ராசிக்காரங்க எல்லாம் சோர்ந்து போயிட வேண்டாம்...திசா புத்தி நல்லாருந்தா ஜாதகத்தில் குரு நல்ல நிலையில் இருந்தா நல்லதே நடக்கும்..



உங்கள் ராசிக்கான குரு பெயர்ச்சி பலன்கள் பொதுவானது. உங்கள் ஜாதகத்தை பார்த்து திசாபுத்தி என்ன நடக்கிறது என பார்த்து அதற்கேற்றார்போல நடந்துகொண்டால் இன்னும் சிறப்பு.உங்கள் ஜாதக பலனை அறிய மெயில் செய்யவும். ஜோதிடர் நல்ல நேரம் சதீஷ்குமார் கணித்த சிறப்பு ஜாதக பலன் மெயில் மூலம் அனுப்பப்படும்..உங்கள் ஜாதகம் அனுப்பி 5 கேள்விகளுக்கு பதில் பெற கட்டணம் ரூ 500.

தொடர்புக்கு sathishastro77@gmail.com

k.sathishkumar 20010801181 State bank of India ,bhavani Ifsc;sbin0000971

ஆவணி மாதத்தில் சிசேரியன் மூலம் குழந்தை பிறக்க நல்ல நேரம்

ஆவணி மாதத்தில் அறுவை சிகிச்சை மூலம் குழந்தை பிறக்க நல்ல நேரம்

ஆஸ்பிடல்ல,சிசேரியன்னு சொல்லிட்டாங்க, தேதி முடிவு செய்யனும் சார்,

டாக்டர் ஒருவாரம் டைம் கொடுத்திருக்கார்...அதுக்குள்ள ஒரு நல்ல நாள் பார்த்துட்டு வாங்க சிசேரியன் செஞ்சிடலாம் என சொன்னார்...நல்ல நேரம் சொல்லுங்க என போன் செய்தும் ,மெயில் மூலமும்,நேரிலும் கேட்பவர்கள் அதிகமாகிவிட்டனர்..அவர்களுக்காக இந்த ஆவணி மதத்தில் நல்ல நேரம் கொடுத்துள்ளென்...ராசி நட்சத்திரம் கூட இதில் இருக்கிரது...குழந்தையின்,தந்தை,தாய் ,மூத்த குழந்தை இருப்பின் அவர்களது நட்சத்திரம் இடம் பெறாமல் பார்த்துக்கொள்ளவும்...ஒரே ராசி தந்தைக்கும் குழந்தைக்கும் தவிர்க்கவும்.

ஆவணி 4 -வெள்ளி -சுவாதி -துலாம் ராசி-துலாம் லக்னம் -10.00 முதல் 10.30 வரை காலை 

ஆவணி 9 -26.8.2015 -புதன் -பூராடம் -தனுசு ராசி-துலாம் லகனம் -காலை 10 முதல் 11 வரை 

ஆவணி 10 -27.8.2015 -வியாழன் -உத்திராடம் -மகரம் ராசி -துலாம் லக்னம் -காலை 10 முதல் 11 வரை 

ஆவணி 12 -29.8.2015 -சனி-அவிட்டம் -கும்பம் ராசி-துலாம் லக்னம் -10.30 முதல் 11 காலை வரை 

ஆவணி 13 -30.8.2015 ஞாயிறு -சதயம் -கும்பம் -துலாம் லக்னம் -10 முதல் 11 வரை காலை 

ஆவணி 14 -31.8.2015 -திங்கள் -உத்திரட்டாதி -மீனம் -துலாம் லக்னம் -10 முதல் 10.30 வரை 

ஆவணி 15 -1.9.2015 -செவ்வாய்-ரேவதி -மீனம் ராசி -துலாம் லக்னம் -10.30 முதல் 11.00 காலை

ஆவணி 18 -4.9.2015 -வெள்ளி -கிருத்திகை -ரிசபம் ராசி-விருச்சிகம் லக்னம் -12 முதல் 1.00 பகல்

ஆவணி 21-7.9.2015-திங்கள் -திருவாதிரை -மிதுனம் ராசி-துலாம் லக்னம் -9.00 முதல் 10 காலை

ஆவணி 22-8.9.2015 செவ்வாய்-புனர்பூசம்-மிதுனம் -விருச்சிகம் லக்னம் -11 முதல் 12 வரை

ஆவணி 23 -9.9.2015 -புதன் -பூசம்-கடகம்ராசி  -துலாம்-9.00 முதல் 10 வரை காலை

ஆவணி 28-14.9.2015-திங்கள் -உத்திரம்-கன்னிராசி-துலாம்-காலை 9 முதல் 10 வரை

ஆவணி 29-15.9.2015-செவ்வாய்-ஹஸ்தம்-கன்னிராசி -விருச்சிகம் லக்னம் -காலை 11 முதல் 12 வரை

ஆவணி 31-17.9.2015-வியாழந்சுவாதி-துலாம்ராசி -விருச்சிகம்- காலை 11 முதல் 12 வரை

ஆடி அமாவாசை அன்னதானம் ;நண்பர்களுக்கு நன்றி

ஒவ்வொரு வருடமும் ஆடி அமாவாசை,புரட்டாசி மகாளயபட்ச அமாவாசை,தை அமாவாசை அன்று நண்பர்கள் பங்களிப்புடன் அன்னதானம் செய்து வருகிறோம்..ஆதரவற்ற முதியோர்கள்,குழந்தைகள்,உடல் ஊனமுற்றோர் இல்லங்களில் இதை செயல்படுத்துகிறோம்...

நண்பர்கள் உதவி அதிகம் கிடைத்தால் ஆடைகள்,உணவு தானியங்களும் வாங்கி ,உதவிகள் அதிகம் கிடைக்காத இல்லங்களுக்கு உதவி வருகிறோம்...அந்த வகையில் இந்த வருடம் ஆடி அமாவாசை அன்று நண்பர்கள் உதவியுடன் ,ஃபேஸ்புக் நண்பர்கள் மற்றும் நல்ல நேரம் இணையதளம் வாசகர்கள் சார்பில் ,உடல் ஊனமுற்றோர் ஆதரவற்றோர் இல்லங்களில் ஆடி அமாவாசை சிறப்பு அன்னதானம் மற்றும் பொருள் உதவி செய்யப்பட்டது...

நமது நல்ல நேரத்தில் இதை முன்கூட்டியே பதிவாக இடவில்லை அதற்காக நண்பர்கள் யாரும் கோபிக்க வேண்டாம்..ஃபேஸ்புக்கில் மட்டும் எழுதியிருந்தேன்...இன்னும் ஒரு மாதத்தில்  புரட்டாசி மகாளயபட்ச அமாவாசை வருகிறது..அதில் விருப்பம் இருப்பம் இருப்பவர்கள் இணைந்துகொள்ளலாம் நன்றி.

நல்ல நாள் ,நல்ல நேரம் பார்க்கும் முறை;முகூர்த்தம்,பஞ்சாங்கம் 2015

எந்த  ஆண்டிலும்,  எந்தக்கிழமைக்கும்  பொதுவான  நல்ல  நேரம்;

1.ஞாயிறு  -காலை 6-12, மதியம் 1,30 -4.30 மாலை 6-காலை6

2. திங்கள்  -காலை 6-7.30, காலை 9.10.30,பகல் 12- அதிகாலை6

3. செவ்வாய்  -காலை6-9, காலை 10.30-பகல்3  மாலை 4.30- அதிகாலை 6

4.புதன்       -காலை6—7.30,காலை9-பகல்12   பகல்1.30-அதிகாலை 6

5. வியாழன்   -காலை 7.30, பகல்    1.30  மாலை 3- அதிகாலை 6

6.வெள்ளி  -காலை 6-10.30,பகல் 12-மாலை3  மாலை 4.30- அதிகாலை  6

7.சனி   -காலை 6-9,  காலை10.30-பகல்  1.30  மாலை 3-அதிகாலை 6

ராசியான  நாளில்  மாங்கல்யம்   வாங்கவோ, செய்யக் கொடுக்கவோ  உகந்ததாக்க்  கருதப்படும்  நட்சத்திரங்ளில்  ஒன்றுதான்  ‘சுவாதி’  வீடு  கட்ட  தொடங்கவும்  கிரகப்  பிர வேசம்  செய்யவும்,  மங்கல  நிகழச்சிகள்   நட்த்தவும்  ‘சுவாதி’  நட்சத்திரம்  இடம்  பெற்ற  நாளாகத்  தேர்ந்தெடுக்கலாம்.

என்றும்  எப்பொழுதும்  சுப  வேளைதான்

இன்று ஒரு  காரியத்தினை  சாதித்தே  ஆக வேண்டும் எனில் எல்லா  நாலும்  சுப தினம்தான்  அல்லது  சுபதினமாக்கி எண்ணியதை   முடிக்க   நமது  முன்னோர்கள்   சில  விதிமுறைகளை   வகுத்துச் சென்றுள்ளனர்.  அதனடிப்படையில்  மோசமான   நாளைக்கூட    சுபத்தினமாக்கி   எண்ணியதை   திண்ணமாக  முடிக்க முடியும்.

1.     தற்காலம்   நாட்காட்டிகளில்  காலையிலும்   -மாலையிலும்   நல்ல  நேரம்  எனக்  குறித்திருப்பதைப்  பார்க்கிறீகள்,  அவை  சுப ஹோரை- கெளரி பஞ்சாங்கத்தின்  அடிப்படையில்   குறிக்கப்படுவது  ஆகும்.  அந்த  நேரங்களை  நல்ல  நேரமாக்க்  கருதி  [மோசமான  நாட்களிலும்]  செயல் படலாம்.

2.    எவ்வளவு  மோசமான  நாளாக  இருந்தாலும்  செய்தே  ஆக  வேண்டிய   கட்டாயமான    வேலைகளை   சுபஹோரை  பார்த்துச் செய்யலாம்.

3.    கெளரி  பஞ்சாங்கத்தில்  உத்தியோகம்,  அமிர்தம், சுகம், தனம், லாபம் எனக் குறிப்பிட்டுள்ள  காலங்களில்  [ராகு, எமகண்டம்   தவிர்த்து]  நல்லது  செய்யலாம்.

4.    பகல்  11  மணிக்கு   12 மணிக்குள்   சூரியன்  உச்சியில்   பிரகாசிக்கும் காலம்  முகூர்த்த காலம்  எனப்படுகிறது. இக்காலம்  தோஷமில்லாத  சுப  நேரமாக்க்   கருதப்படுகிறது.

5.    சூரியன்  உதயமாவதற்கு  முன் காலை 4 ம்ணி முதல்  6. மணிக்குள்  சூரியன்  மறந்த  பின்  6  மணிக்குப்  பிறகு  எல்லா  சுபகாரியங்களையும்  செய்யலாம்.  எந்த  தோஷமும் கிடையாது என சொல்லப்பட்டுள்ளது.

கடன் தீர்க்க,கடன் முற்றிலும் அடைபட, ஒரு ஜோதிட பரிகாரம் கடன் அடைக்க நல்ல நேரம்

வாங்கிய கடனை அடைக்க முடியாமல் துன்பப்படுபவர்கள் இன்று அதிகம் இருக்கிறார்கள்..ஜாதகத்தில் லக்னத்துக்கு 6 ஆம் அதிபதி எட்டாம் அதிபதி திசை நடந்தாலோ அல்லது இவர்களது நட்சத்திரத்தில் நின்று எந்த கிரகமாவது திசை நடந்தாலோ கடன் பிரச்சினை அதிகம் உண்டாகிறது 

வருமானம் இல்லை என்றால்தான் கடன் நெருக்கடி அதிகமாகிறது வருமானம் ஏன் இல்லை..? தொழில் மந்தம்...வருமானம் போத

வில்லை சம்பலம் குறைவாக இருக்கிறது என்பதுதான் காரணம்.ஜாதகத்தில் இரண்டாம் அதிபதி 6ஆம் ராசியில் இருந்தால் வட்டி கட்டவே வருமானம் சரியாக இருக்கும்.

உங்களுக்கு கடன் பிரச்சினை இருந்தால் ,செவ்வாய் கிழமை வட்டி கட்டுங்கள் அஷ்டமி நாளில்,கரி நாளிலும் வட்டி கட்டலாம்...சீக்கிரம் கடன் அடையும்.வெள்ளிக்கிழமை,வியாழக்கிழமை கட்ட வேண்டாம் நெருக்கடி உண்டாகும் கடனும் அதிகமாகும்.

இந்த மாதத்தில் எந்த நாளில் நேரத்தில் பணம் கொடுத்தால் கடன் சீக்கிரம் தீரும் என குறித்திருக்கிறேன்.கடனில் ஒரு பகுதியையோ, வட்டியையோ இந்த நேரத்தில் முடிந்தவரை கட்ட பாருங்கள்..

ஜனவரி 25 சனிக்கிழமை மாலை 3 முதல் 4 மணி வரை....வங்கி என்றால் காலையில் கட்டலாம் தவறில்லை.

ஜனவரி 28 செவ்வாய் கிழமை 2 மணி முதல் 3 மணிக்குள்

பிப்ரவரி 1 சனிக்கிழமை 12 மணி முதல் 1மணிக்குள்

பிப்ரவரி 3 திங்கள்கிழமை 12 முதல் 1.30க்குள்

பிப்ரவரி 8 சனிக்கிழமை 12 மணிமுதல் 1 மணிக்குள்

மேற்க்கண்ட நாளை கடன் அடைக்க பயன்படுத்துங்கள்..

சுவாதி நட்சத்திரம் வரும் நாளில் லட்சுமி நரசிம்மரை எலுமிச்சை மாலை அணிவித்து நல்லெண்ணெய் தீபம் ஏற்றி வனங்கினால் மனமுருக வேண்டினால் கடன் சீக்கிரம் தீரும்.

தங்கம் வாங்க காலப்பிரகாசிகை சொல்லும் நல்ல நேரம்

தங்கம் வாங்குவதற்குகந்த காலம்

குரு வர்கோத்தமம் பெற்றிருக்க புதனும், சுக்ரனும் கேந்திரத்திலிருக்கும்படியான லக்னத்தில் தங்கத்தை வாங்கிச் சேர்த்தால் ஒன்று கோடி மடங்காக வளர்ச்சியுறும்.

இதுபோலவே சந்திரன் தன் உச்ச அம்சமான லக்னத்தில் இருக்க, அதற்கு ஏழாமிடத்தில் குருவும் இருக்க செல்வங்களைச் சேமித்தால் தங்கம், வெள்ளி, ரத்தினங்கள், ஆபரணங்கள் முதலானவை ஒன்றுக்குப் பலமடங்காகப் பெருகும்.

தங்கம், தான்யங்கள், ரத்னம் இவைகளைச் சேமிக்கும் விஷயத்திலும், சம்பாதிக்கும் விஷயத்திலும் லக்னத்தில் குரு இருந்தால் மேன்மேலும் விருத்தியாகும்.

லக்னத்தில் குருவும், இரண்டாமிடத்தில் சுக்ரனும், பத்தாமிடத்தில் சந்திரனும், பதினொன்றாம் இடத்தில் புதனும் இருந்து, அப்படிப்பட்ட நேரத்தில் செல்வத்தினைச் சேமிப்பது நல்லது. குறைவற்றிருக்கும்.

வியாழக்கிழமை தினம், லக்னத்தில் குருவும், 11ல் சூர்யனும், 6ல் சனியும் இருந்தால் அதுசமயம் பணியாட்களை வேலைக்கு அமர்த்திக் கொள்ள வேண்டும். பொருள்களையும் சேமிக்கவேண்டும்.

லக்னத்தில் சுக்ரனும், 10ம் இடத்தில் குருவும், சந்திரனும் இருக்க, ஈயம், பித்தளை, வெண்கலம் ஆகியவற்றை வாங்கிச் சேமித்தால் ஒன்று கோடி (பல) மடங்காகும்.

குரு ஜாதகத்தில் இருக்கும் ராசி பலன்

குரு ஜாதகத்தில் இருக்கும் ராசி பலன்;

தேவகுருவாகிய குரு பகவான் லக்னத்தில் இருப்பாராகில் ஜாதகருக்கு அவருடைய பூரண கிருமையுண்டு. இவருக்குத் தெரியாத சாஸ்திரமே இல்லை என்று சொல்ல வேண்டும். பலரும் போற்றும் பாண்டித்யம் பெற்றிருப்பார். தீர்க்காயுள் உண்டு. தர்க்க சாஸ்திரம் அறிந்தவர். வாக்கு வன்மையுள்ளவர். சுக ஜீவனம் உண்டு.சகல தோசங்களும் நிவர்த்தி..

இரண்டாவது இடத்தில் குரு இருக்கப் பிறந்தவர் மிகவும் நிதானமாகப் பேசுபவர். நீதிமான். இவருக்கு பாலயத்திலயே விவாகமாகிவிடும். சுற்புத்ரர் பாக்கியம் உண்டு. மிகுந்த தனங்கள் சேர்ப்பார்.பிறருக்கு அறிவுறை வழங்குவதில் வல்லவர்

மூன்றாவது இடத்தில் குரு இருக்கப் பிறந்தவர் தன் சரீரத்தை ஜாக்கிரதையாகப் பார்த்துக்கொள்பவர். தாஷண்யத்திற்காக பலதையும் செய்யக்கூடியவர். பந்து ஜனங்களுக்குப் பிரியமானவர். வுpத்தையில் அபிவிருத்தியடைபவர். சகோதரர்களுக்கு உதவிகள் செய்பவர்.நண்பர்கள் அதிகம் உண்டு..தனித்து இருந்தால் இல்லை

நான்காவது இடத்தில் குரு இருக்கப் பிறந்தவர் தர்ம குணம் உள்ளவர். சுக ஜீவனம் செய்பவர். வாஹன யோகம் உடையோர். பந்துக்களுக்கு இனியவர். சுக சரீரம் உள்ளவர். பசுக்கள் பாக்கியம் உண்டு.வண்டி வாகன்ங்களில் செல்கையில் கவனம் தேவை தனியாக குரு இருந்தால் வீடு அமைவதில் சிக்கல் உண்டாகும்

ஐந்தாவது இடத்தில் குரு இருக்கப் பிறந்தவர் புத்திமான் என்னும் பெயர் பெறுவார். புத்திரர்கள் குறைவு. சேனைத்தலைவராக வரும் பாக்கியம் உண்டு. அதிகமாக செலவு செய்பவர். ஆனால், தனம் சேர்ப்பதில் கருத்துள்ளவராகவும் இருப்பார்.பித்ரு தோசம் உடையவர்

ஆறாவது இடத்தில் குரு இருக்கப் பிறந்தவர் ஞான ஹீனராக இருப்பார். பவுத்திர ரோகங்கள் பீடிக்கும். சந்துருக்களை ஜெயிப்பார். சாஸ்திர ஞானவிருத்தியுள்ளவர். செல்வம் அதிகமாகச் சேராது.பணம் தங்காமல் விரயமும் ஆகும்..

ஏழாவது இடத்தில் குரு இருக்கப் பிறந்தவர் சிறுவயதில் விவாகம் செய்துக்கொள்ளவேண்டியதாக ஏற்படும். வியாபாரத்தில் நல்ல லாபத்தை அடைவார். நல்ல மனைவியை அடைவார். அடிக்கடி விசனங்களால் பாதிக்கப்படுவார்.

எட்டாவது இடத்தில் குரு இருக்கப் பிறந்தவர் மூலரோகத்திற்கு ஆளானவர். புத்திமான். ஆசாரம் உள்ளவர். வெகு ஜனப்பிரியர்.நல்ல பேச்சுதிறனும் உடையவர்

ஓன்பதாவது இடத்தில் குரு இருக்கப் பிறந்தவர் தான தருமங்களைச் செய்வார். தீர்க்காயுள் உண்டு. விரதங்களை அனுஷ்டிப்பவர். தனவான். ஆசார அனுஷ்டானங்களில் ஈடுபாடு உண்டு.சட்டம்,நீதிதுறையில் புகழ்பெறுவார்

பத்தாவது இடத்தில் குரு இருக்கப் பிறந்தவர் எடுத்த காரியத்தை செய்து முடிக்கும் திறன் பெற்றிருப்பார். கல்வியில் தேர்ச்சியுண்டு. வேசிப்பிரியர். தனவான். ஆஸ்வயோகமும் உண்டு.

பதினோராவது இடத்தில் குரு இருக்கப் பிறந்தவர் ஞான சிகாமணியென்னும் பெயர் பெறுவார். தனவான் சங்கீதத்தில் ஈடுபாடு உண்டு. புத்திரப்பேறு உள்ளவர். ராஜ சன்மானம் பெறுவார்.

பன்னிரெண்டாவது இடத்தில் குரு இருக்கப் பிறந்தவர் மனைவி வார்த்தை கேட்பவர். தயவு தாஷண்யம் இல்லாதவர். வீட்டை விட்டோ ஊரை விட்டோ நெடுங்காலம் வாசம் செய்பவர். அற்பு புத்தியும் உள்ளவர்.

 

ஜாதகத்தில் செவ்வாய் அமர்ந்த ராசிபலன்

ஜாதகத்தில் செவ்வாய் அமர்ந்த ராசிபலன்;

ஒருவர் ஜாதகத்தில அதாவது அவர் பிறக்கும்போது செவ்வாய் இருக்கும் ஸ்தானத்தைக் கொண்டு பலன்களைப் பொதுவானதாகக் கவனிக்கலாம்.

செவ்வாய் லக்னத்தில் இருக்கப் பிறந்தவர் கருணையில்லாதவராகவும், கடின சித்தராகவும், திடீரென்று கோபாவேசமே காட்டுபவராகவும், திருட்டு புத்தியுடையவராகவும் இருப்பார். மற்றும் அதிகமாக வித்தையில்லாதவர் என்றும் கூறலாம். சிறுவயதில் தந்தைக்கு பீடை தருபவராகவும் இருப்பார்.

இரண்டாவது ஸ்தானத்தில் செவ்வாய் இருக்கப் பிறந்தவர் அதிக படிப்பு இல்லாவிட்டாலும், செல்வம் உள்ளவராக இருப்பார். சுபகாரியத்தில் பிhயம் உள்ளவராக இருப்பார். நேத்ர வியாதிகள் இவரைப் பிடிக்கும். முன்கோபி, துஷ்டன் என்றும் பலர் சொல்ல நேரிடும்

செவ்வாய் மூன்றாவது ஸ்தானத்தில் இருக்கப் பிறந்தவர் செல்வ விருத்தியுள்ளவர். ஆனாலும் திடீர் திடீர் என்று கோபம் பொங்கும் ஸ்பாவமுள்ளவராக இருப்பார். பிறரை நிஷ்டூரம் செய்து பேசுவதில் பிரியம் உள்ளவர். பந்துக்கள் சிநேகிதர்களுக்கு விரோதியாகவும் இருப்பார்.

நான்காவது இடத்தில் செவ்வாய் இருக்கப் பிறந்தவர் களத்திர பீடையுள்ளவராக இருப்பார். தீர்க்காயுள் உள்ளவர். மாதுர் கண்டம் உள்ளவர். ஐதரியசாலி. ஸ்திரீகள் இவரை வெறுக்க நேரிடும்.

செவ்வாய் ஐந்தாவது இடத்தல் இருக்க பிறந்தவர் தாய்க்கு ரோகம் கொடுப்பவர். தாய் மாமனுக்கும் தோஷம், புராணக் கதைகளில் வல்லவராகவும் இருப்பார். ஆனால் துஷ்டன் என்றும் பெயர் வாங்க வேண்டிய நிலை ஏற்படும்.

ஆறாவது இடத்தில் செவ்வாய் இருக்கப் பிறந்தவர் அற்ப ஆயுள் உள்ளவராக இருப்பார். மனைவிக்குப் பீடை சிறுவயதிலேயே இரண்டாவது விவாகம் செய்து கொள்ளநேரிடும். சுகஜீவனம் என்றும் சொல்லலாம்.

செவ்வாய் ஏழாவது இடத்தல் இருக்கப் பிறந்தவர் கூஷய ரோகத்தினால் கஷ்டப்படவேண்யவராக இருப்பார். களத்திர தோஷம் உண்டு என்றும் சொல்லவேண்டும். சகோதரர்கள் அநேகர் உண்டு.

எட்டாவது இடத்தல் செவ்வாய் இருக்கப் பிறந்தவர் அரசர்களால் வெகுமதியளிக்கப்படும் நிலையடைவார். மாதுர் கண்டம். அற்ப ஆயுள். ஆயுதங்களால் ஆபத்து உடையவர். கடினமான மனநிலையுள்ளவர் என்றும் சொல்லலாம்.

செவ்வாய் ஒன்பதாவது இடத்தில் இருக்கப் பிறந்தவர் வியாபாரியாயிருப்பார். ஆனால் பாக்ய நாசம் உண்டு. பிறரிடம் சேவகம் செய்யவேண்டிய நிலை ஏற்படும். தெய்வ பக்தியில்லாதவர் என்றும் சொல்ல வேண்டும்.

பத்தாவது இடத்தில் செவ்வாய் இருக்கப் பிறந்தவர் பலவித உபாயங்கள் தெரிந்தவராகவும், ஆசாரமுள்ளவராகவும் இருப்பார். அவருடைய குலத்தவர்கள் பெருமைப்படக்கூடிய நிலையில் இருப்பார். பேசுவதில் வல்லவராகவும். தைரியசாலியாகவும் இருப்பார்.

பதினோராவது இடத்தில் செவ்வாய் இருக்கப் பிறந்தவர் நல்ல வசனம் உள்ளவராகவும், செல்வம் சேர்;ப்பதில் கருத்துடையவராகவும் பிதுர் சகோதரர் உடையவராகவும் இருப்பார்.

பனிரெண்டாவது இடத்தில் செவ்வாய் இருக்கப் பிறந்தவர் களத்திரபீடையுள்ளவராக இருப்பார். சகோதரர் பீடை உண்டு. வாத சரீரியாகவும் இருப்பார். அல்ப புத்திரர்கள் உடையவர்.

குருபெயர்ச்சி பலன்கள் 2012 -2013; மீனம் ராசிபலன்

குருப்பெயர்ச்சிபலன் 2012 -2013;மீனம் ராசிபலன்

பூரட்டாதி4,உத்திரட்டாதி,ரேவதி நட்சத்திரங்களை சார்ந்த மீனம் ராசி அன்பர்களே...குருவின் சொந்த வீடான மீனத்தில் பிறந்தவர் என்பதால் அன்பு,கருணை,மனிதாபிமானம்,ரசனை,பிறருக்கு உதவுவதில்அதிக விருப்பம்,உடையவர் நீங்கள்...மாறாத புன்னகையும்,தொழிலில் அதிக ஆர்வமும் உடையவர்...குழந்தைகள் மீது அதிக பாசம் கொண்டவர்..அதிக முன்னெச்செரிக்கை உடைவர்....

நெற்றிப்பொட்டில் துப்பாக்கி வைத்தது போல அஷ்டம சனி பயமுறுத்துகிறார்..இதில் குருபெயர்ச்சியும் சுமார்தான் என்கிறார்களே என கலங்கவேண்டாம்...குரு,புதன்,சுக்கிரன் ராசிக்காரர்களுக்கு பிரச்சினைகளை எளிதில் சமாளிக்கும் ஆற்றல் அதிகம் இயற்கையில் இருப்பதால் இவர்களை அஷ்டம சனி அதிக கஷ்டம் கொடுப்பதில்லை..தன்னம்பிக்கை,தரியத்தை இழக்க வைக்கும் மூன்றாமிடகுரு என சொல்லப்பட்டாலும்,உங்களுக்கு 3 ஆம் இட குரு நன்மையே செய்வார்..

உங்கள் ராசிக்கு பூர்வபுண்ணியாதிபதியும்,யோகாதிபதியுமான சந்திரன் சாரத்தில் குரு 10 மாதங்கள் இருப்பதால் உங்களுக்கு இந்த குருபெயர்ச்சி அதிர்ஷ்டம் நிறைந்ததாகவே இருக்கும்..பல வழிகளிலும் பணம் வந்து சேரும்..தொழிலில் இருந்தௌ வந்த சிக்கல்கள் தீரும்...சுப காரியங்கள் 2ஆம் இட குருவிலியே நடந்திருக்க வேண்டும்..அதில் தடைபட்டவர்களுக்கு பூர்வபுண்ணியாதிபதி சாரத்தில் செல்லும் குருவின் அருளால் நடைபெறும்...குரு ராசிக்கு 7ஆம் வீட்டை பார்ப்பதால் கணவ்ன் மனைவிக்குள் இருந்துவந்த பிரச்சினைகள் அகலும்...குரு தனக்காரகனின் ராசி என்பதால் பணம் சம்பந்தமான சிக்கல்கள் குரு மறையும்போதெல்லாம் உண்டாகும்..எனவே கொடுக்கல் வாங்கல் விசயத்தில் எப்போதும் ஜாக்கிரதையுடன் இருக்கவேண்டும்..இல்லையெனில் பிரச்சினை விஸ்வரூபம் எடுக்கும்..

நீரிழிவு,ரத்தக்கொதிப்பு பிரச்சினை உள்ளவர்கள் இயற்கை வைத்தியம் ,சரியான உடற்பயைற்சி,மருத்துவர் ஆலோசனையின் படி நடத்தல் மிக அவசியம்....

பெரியவர்களுக்கு உதவி செய்யுங்கள்...இயலாதவர்களுக்கு, உடைதானம் செய்யுங்கள்.....குருவருள் உண்டாகும்!!

குருப் பெயர்ச்சி பலன்கள் 2012 -2013 ;ரிசபம் ராசியினருக்கு நன்மை செய்யுமா..?

குருப் பெயர்ச்சி பலன்கள் 2012 -2013 ;ரிசபம் ராசியினருக்கு நன்மை செய்யுமா..?

கார்த்திகை 2,3,4 ஆம் பாதங்கள்,ரோகிணி,மிருகசிரீடம் 1,2

வரும் வைகாசி மாதம் 4 ஆம் தேதி மாலை 6.24க்கு மேசம் ராசியில் இருந்து ரிசபம் ராசிக்கு குரு பெயர்ச்சி ஆகிறார்..17.5.2012 முதல் 31.5.2013 வரை.

.இதனால் 12 ராசியினருக்கும் வாழ்வில் ஏற்படும் மாறுதல்கள் எழுதுகிறேன்..அதன் வரிசையில் இன்று ரிசபம்....ஜாதகத்தில் நல்ல திசாபுத்தி நடப்பின் பாதிப்பு அதிகம் இருக்காது...செவ்வாய்,ராகு,கேது,சனி,சூரியன்,சந்திரன்,திசா ந்டப்பவர்களுக்கும் லக்னத்துக்கு பாவிகள் திசா நடப்பவர்களுக்கும் குரு பெயர்ச்சி,சனி பெயர்ச்சி யோகமாக இல்லாவிடில் துன்பம் உண்டாகும்...

ரிசப ராசிக்கு சுக்கிரன் ராசி என்பதாலும்,சந்திரன் அங்கு உச்சம் ஆவதாலும் இவர்களுக்கு குரு பெயர்ச்சி,சனி பெயர்ச்சி பாதிப்புகளை அதிகம் ஏற்படுத்துவதில்லை..இவர்கள்எப்போதும் ஃபீல் பண்ணும் ஆள் இல்லை..எதையும் சுலபமாக கையாளும் சாமர்த்தியம் கொண்டவர்கள்..வரும்முன் காப்போம் என்பதுபோல மிக எச்சரிக்கையாக இருப்பவர்கள் என்பதால் ,பணம் சம்பாதிப்பதிலும் அதை சேமிப்பதிலும் கெட்டிக்காரர்கள் என்பதால் வாழ்வில் எப்போதும் சக்ஸஸ்தான்...இருப்பினும் எதிர்பாராத தொழில் நெருக்கடி,மனைவி,குழந்தைகளால் பிரச்சினை,போன்றவற்றில்தான் அதிகம் குழம்பிவிடுவர்...

வைகாசி மாதம் குரு உங்கள் ராசிக்கு விரயத்தில் இருந்து ஜென்மத்துக்கு வருகிறார்..அதாவது ராசிக்கு ஜென்ம ராசியில் வரும் குரு இடப்பெயர்ச்சியை ஏற்படுத்தலாம்..வீடு,தொழில் செய்யும் இடம் ஆகியவற்றை இடம் மாறுதல் செய்தல்..ஆகியவை வரலாம்..அப்படி எண்ணம் இருந்தாலும் அதை உடனே செய்யுங்கள்..இதுவரை விரய ஸ்தானத்தில் குரு இருந்ததால் அதிக பணம் விரயமாகி கொண்டே வந்தது..சிலருக்கு கடன் கூட ஏற்பட்டிருக்கலாம்..இனி அது குறையும்...ராசிக்கு 5,7,9 ஆம் ஸ்தானங்களை குரு பார்ப்பதால் குழந்தைகள்,மனைவி,பூர்வீக சொத்துக்கள் சம்பந்தமான பிரச்சினைகள் தீரும்..திருமணம் கைகூடும்..இழுபறியாக இருந்து வந்த காரியங்கள் தடை நீங்கி வெற்றியாகும்..தந்தை வழியில் இருந்து வந்த பிரச்சினைகள் தீரும்...

திருப்பதி,ஒப்பிலியப்பன் கோயில்,திருச்செந்தூர் போன்ற தலங்களில் ஏதேனும்,ஒன்றிற்கு குடும்பத்துடன் சென்று வாருங்கள்!!!


கார்த்திகை,மிருகசிரீடம் நட்சத்திரத்தை சார்ந்தவர்கள் திருச்செந்தூர் முருகனையும்,ரோகிணியில் பிறந்தவர்கள் திருப்பதியும் சென்று வருவது நல்ல பலன் தரும்..

ஜோதிடம்;ஜாதகத்தில் சந்திரனால் உண்டாகும் யோகங்கள் விளக்கம்

ஜோதிடம்;ஜாதகத்தில் சந்திரனால் உண்டாகும் யோகங்கள் விளக்கம்;நல்ல நேரம் சதீஷ்குமார்

1. துருதுரா யோகம் : சந்திரனுக்கு முன்னும் பின்னும் ராசிகளில் சூரியன், ராகு கேதுவைத் தவிர இதர கிரஹங்கள் இருப்பின், இந்த யோகம் ஏற்படும். இதனுடைய பலன்கள், சம்பத்து, வாகனங்கள், நல்ல குணங்கள்.

2. அநபா யோகம் : சந்திரனுக்கு 12வத ராசியில் ராகு கேதுக்களைத் தவிர கிரகங்கள் இருப்பது, இதன் பலன்கள்; நல்ல ஆரோக்கியமும் பேரும் புகழும் உண்டாகும்.

3. சுநபா யோகம் : சந்திரனுக்கு 2ல் சூரியன் ராகு கேதுக்களைத் தவிர மற்ற கிரகங்கள் இருப்பது. உழைத்து சம்பாதித்தல், நல்ல புத்திமான், ராஜாவுக்குச் சமானம்.

4. கேமத்துருமம் : சந்திரனுக்கு பின்னும் முன்னும் கிரகங்கள் இல்லாமை. இது ஒரு பொல்லாத யோகம். தரித்திரமும் பீடையும் உண்டாகும்.
ஆனால் சந்திரனுக்கு கேந்திரத்தில் ஏதேனும் ஒரு கிரஹம் இருந்தால் இந்த தோஷ பரிஹாரமாகும்.

5. கேசரி யோகம் அல்லது கஜகேசரி யோகம் : சந்திரனுக்கு ஏதேனும் ஒரு கேந்திரத்தில் (1,4,7,10-ல்) பிரஹஸ்பதி இருப்பது. இது ஒரு நல்ல யோகம். நல்ல பெயரும் புகழும் உண்டு. தீர்க்க ஆயுள், பணவருவாய் பகைவர்களை வெல்லும் திறமை.

6. சந்திரமங்கள யோகம் : சந்திரன், செவ்வாய் சேர்க்கை. இதன் பலன்கள் நிலச்சொத்து, பேரும் புகழும். ஆயினும் சில சமயத்தில் மனக்கோளாறு அல்லது சஞ்சலம் உண்டாகலாம்.

7. அதியோகம் : சந்திரனுக்கு 6,7,8 வீடுகளில் சுபர்கள் குரு, புதன், சுக்கிரன் ஒன்றாகவோ அல்லது தனித்தனியாகவோ நிற்பது. இது ஒரு பலமான யோகம். இந்த யோகம் உடையவர்கள் பெரும்பாலும் மிகப்பெரிய உத்தியோகங்களிலே இருப்பார்கள். போலீஸ் முதலான துறைகளில் ஈடுபடுவோர். நல்ல பணவசதி உண்டு. பேரும் புகழும் உண்டு. இதேபோல் லக்னத்திற்கு 6,7,8ல் சுபர்கள் இருந்தால் அது லக்ன அதியோகம் எனப்படும். அதுவும் ஒரு நல்ல யோகமே.

8. சகடயோகம் : சந்திரனுக்கு குரு 8 அல்லது 12ல் இருந்தால் சகடம் எனப்படும். இந்த யோகத்தில் பிறந்தவர்கள் சக்கரம் போல் நிலையில்லாத வாழக்கையே பெறுவர். சதா கஷ்டங்கள் ஏற்படும்.

ஜோதிடம் வளர்ந்த வரலாறு

பல ஆயிரம் ஆண்டுகளுக்கு முன்பு உருவானது ஜோதிடக்கலை.அன்று இடுப்பில் கோவணமும் கையில் தண்டமுமாக பித்தர்கள் மாதிரி சுற்றித் திரிந்தவர்களுக்கு ஜோதிடம் எப்படித் தான் வசமானதோ தெரியவில்லை.கண்ணுக்குப் புலப்படாமல் மாயமாய் இருக்கும் கிரகங்கள், பூமியில் உள்ள மனித இனத்தை எப்படி ஆட்டுவித்துக் கொண்டிருக்கிறது என்பதை ஆறாம் அறிவுக்கு அப்பாற்பட்ட ஞான ஒளியின் மூலமாக உணர்ந்து பாடல்களும் ,வெண்பாக்களுமாகத் தொகுத்ததில் 4,50,000 பாக்கள் என்பது உதிரி தகவல்.

• 1.சூரியன்
• 2.பிரம்மன்
• 3.வியாசர்
• 4.வசிஸ்டர்
• 5.அத்திரி
• 6.பராசுரர்
• 7.கசியபர்
• 8.நாரதர்
• 9.கர்க்கர்
• 10.மரிசீ
• 11.மனு
• 12.ஆங்கீரசர்
• 13.உலோமர்
• 14,பெளலசர்
• 15.சிஸ்னவர்
• 16.யவனர்
• 17.மரு
• 18.செளனகர்

ஆகிய 18 பேர் முக்கியமானவர்கள் என ஆதி ஜோதிட வரலாறு ஓலைச்சுவடிகள் குறிப்பிடுகின்றன.

வேத காலத்தில் பிறந்து இதிகாச காலத்தில் வளர்ந்து, இலக்கிய காலத்தில் முழு வளர்ச்சி அடைந்தது ஜோதிடம்.கி.பி.169 ல் யவனேஸ்வரர் என்பவரால் யவன ஜாதகம் எனும் நூல் இயற்றப்பட்டது.கி.பி.258 ல் இதே பெயரில்இன்னொரு நூல் வெளியிடப்பட்டது.பிற்காலத்தில் கி.பி.587 ல் வராகமிகிரர் எனும் சிறந்த ஜோதிட அறிஞர் தோன்றினார்.இவர் பஞ்ச சித்தந்திகா,பிருஹத் சம்ஹிதை,பிருஹத் ஜாதகம்,பிருஹத் யாத்திரை ,லஹு ஜாதகம் ,பிருஹத் விவாஹ படலம் ஆகிய நூல்களை எழுதினார்.

வராஹிமிரரது மைந்தர் பிருதுயசன் ஹோராட் பன்சாசிகா எனும் நூலை எழுதினார்.கி.பி.1172ல் கணித மேதை பாஸ்கராச்சாரியார் சித்தாந்த சிரோமணி எனும் நூலை இயற்றினார்.இவர் 1118 ல் கரணகுதூகலம் எனும் நூலை இயற்றினார்.கல்யாண வர்மா என்பவர் சாராவளியை எழுதினார்.கி.பி 12 ஆம் நூற்றாண்டுக்குப்பின் கணிதம் மற்றும் வானவியலை காட்டிலும் சோதிடத்தில் பல நூல்கள் தோன்றின.சாமுத்ரிகா லட்சணம்,கைரேகை,பிரஸ்னம்,எனும் தனிதனி பிரிவுகள் தோன்றின.

பலன்களை நிர்ணயிப்பதில் பல தீபிகை ,ஜாதகாதோசம்,ஜாதக சந்திரிகை,பிருஹத் பாரசரீயம் என்பன முக்கியத்துவம் பெற்றன.இது போன்ற நூல்கள் இன்றளவும் வட மொழியில் 74 நூல்கள் உள்ளன.

தமிழில் ஜோதிட நூல்களை பொறுத்தவரை மொத்தம் 66 உள்ளன,அவற்றில் சாதக அலங்காரம் முக்கியமானது.இதை கீரனூர்நடராஜன் எழுதினார்.மங்களேஸ்வரியம்,வீமகவி ஜோதிடம்,சாதக சூடாமணி,சினேந்திரமாலை,தாண்டவமாலை,சாதக சிந்தாமணி,சந்திர காவியம்,ஆனந்த களிப்பு ,புலிப்பாணி ஜோதிடம்,அவசியம் படிக்க வேண்டிய நூல்கள்.அனைத்து ஜோதிடர்களிடமும் இந்த நூல்கள் இருக்கும்.ஜோதிட நூல்கள் ஜோதிடர்களுக்கு வழிகாட்டியாக திகழ்கின்றன. குரு இல்லாமல் ஜோதிட புத்தகம் மட்டும் படித்து ஜோதிடர் ஆக முடியாது என்றாலும் ,சில நூல்கள் ஜோதிடர்கள் படித்து மனனம் செய்வது அவசியம்.அவற்றில் முக்கியமானவை ;புலிப்பாணி ஜோதிடம்.இது பாடல்கள் நிரம்பியது.பாடல்கள் மூலம் கிரக சேர்க்கை அதன் பலன்களை சொல்கிறது.புலிப்பாணி சித்தர் எழுதியது.தமிழின் மிக பழமையான ஜோதிட நூல்களில் முக்கியமானது.எண்ணற்ற ஜோதிட நூல்கள் இருப்பினும் அவற்றை எளிய தமிழில் எழுதி தற்காலத்தில பல சோதிடர்கள் எழுதி வருகிறார்கள்.அவற்றை படிப்பது சுலபமாக இருக்கும்.அவர்களில் ஆத்தூர் மாதேஸ்வரன்,சி.ஜி.ராஜன்,சிவதாசன் ரவி,முருகு ராஜேந்திரன்,புலியூர் பாலு,சுப.சுப்ரமணியன், முக்கியமானவர்கள்.

பல ஆயிரம் ஆண்டுகளுக்கு முன்பே உருவானது இந்த ஜோதிடக்கலை.இந்த கிரகவியல் கலைக்கு என்றுமே தேய்பிறை கிடையாது.மகான்களால் உருவாக்கப்பட்டு மன்னர் வம்சத்தால் பாதுகாக்கப்பட்டு,இன்று மனித இனத்துக்கு மகத்தான வழிகாட்டியாக விளங்குகிறது.இந்தக் கலை வசப்பட வேண்டுமானால் அதற்கும் கிரகங்கள் ஒத்துழைக்க வேண்டும்.

ஜோதிட சாஸ்திரம் உருவான காலம் தொட்டே ஜோதிடர்களுக்கு என்று ஒரு மரியாதை இருந்து வந்திருக்கிறது.இன்று பிரதமரும் முதல்வரும் எப்படி தங்கள் அலுவல் பணியின் துவக்கத்தில் சந்திக்கும் நபராக உளவுத்துறை உயர் அதிகாரி இருக்கிறாரோ,அதைப்போல அன்று மன்னர்கள் ஆண்ட காலத்தில் ,அரசர் சந்திக்கும் முதல் நபர் அரண்மனை ஜோதிடரைத்தான்.அதுவும் பல தேர்வுகளுக்கு பின்னரே அந்த அரண்மனை ஜோதிடரை தேர்ந்தெடுத்திருப்பார் அரசர்.

ஜோதிடரும் மன்னரின் ஜாதகத்தை மனக்கண் முன் நிறுத்தி அன்றைய கோட்சார நிலையை கருத்தில் கொண்டு தினப்பலன் சொல்வார். தான் போர் தொடங்க வேண்டிய நட்சத்திரம் எது என ஆராய்ந்து,,தன் நட்சத்திரத்துக்கு 6 வது நட்சத்திரத்தில் ராவணன் மீது போர் தொடங்கினால் வெற்றி பெறலாம் என சூட்சுமம் உணர்ந்து செயல்பட்டான் ராமன்என ராமயணம் சொல்கிறது.

ஜோதிடர்களுக்கு வழிகாட்டியாக பழமையான ஜோதிடப் பாடல்களும், வெண்பாக்களும், வடநாட்டு ஜோதிட நூல்களும் விளங்குகின்றன…மேலும் அவரவருக்கென்று ஜோதிட குருக்கள் இருக்கின்றனர்.அந்தந்த பகுதியில் வசிக்கும் ஜோதிடர்களிடம் பல வருடங்கள் ஜோதிடம் பயின்று அதன் பின்பே ஜோதிடர்களாக தொழில் தொடங்குகின்றனர்.ஆனால் இன்று அண்ணாமலை பல்கலைகழகம்,மதுரை காமராஜர் பலகலைகழகம் போன்றவையும் ஜோதிடத்துக்கு என்று பட்டயம் வழங்கி பாடம் சொல்லி தருகின்றன.இவர்கள் நடத்தும் பாடங்கள் மிக நுணுக்கமாகவும் ,பழம்பெருமையும் ,கிரக கணக்கீடுகள் துல்லியமாகவும் இருக்கின்றன.ஜோதிடம் என்பதே கணக்குதான்.அறிவுகிரகம் புதன் வலுத்தவர்களும்,ஆன்மீக உணர்வை தருகிற ,பிறருக்கு நல்ல வழிகாட்டியாக திகழ வைக்கும் குருவும் ,வலுத்தவர்களும் தான் இக்கலையில் பிரகாசிக்க முடியும்.அதே போல மன திடம் தருகிற சந்திரனும்,ஜோதிட கிரகம் என சொல்லப்படும் செவ்வாயும் நன்கு அமைய வேண்டும்.இவை லக்னத்தில் இருந்து வாக்கு ஸ்தானம்,பத்தாமிடம் எனும் தொழில் ஸ்தானம் போன்றவற்றில் சிறப்பாக அமைய வேண்டும்.அவர்கள்தான் இதை படிக்க முடியும்.தொழிலாக செய்ய முடியும்

-கட்டுரை.காமில் நான் எழுதிய கட்டுரை

திருமண பொருத்தம்; ராசிபலன் பார்க்கும் முறை

திருமண பொருத்தம்; ராசிபலன் பார்க்கும் முறை

ஜோதிடம் திருமண பொருத்தம் பார்க்கும் விதிகளில் முக்கியமானதாக ராசி பொருத்தம் பற்றி சொல்லியிருக்கிறது.பெண் ராசிக்கும் ஆண் ராசிக்கும் 2,3,4,6,,12 ஆக வராமல் இருக்க வேண்டும்...

பெண் ராசிக்கு ஆண் ராசி;2 வது ராசியாக வந்தால் மரணம்

பெண் ராசிக்கு ஆண் ராசி 3 வது ராசியாக வந்தால் துக்கம்

பெண் ராசிக்கு ஆண் ராசி 4 வது ராசியாக வந்தால் ஏழ்மை

பெண் ராசிக்கு ஆண் ராசி 5 வது ராசியாக வந்தால் வைதவ்யம்

பெண் ராசிக்கு ஆண் ராசி 6 வது ராசியாக வந்தால் புத்திர நாசம்

பெண் ராசிக்கு ஆண் ராசி 7 வது ராசியாக வந்தால் உத்தமம்,மாங்கல்ய விருத்தி

பெண் ராசிக்கு ஆண் ராசி 8 வது ராசியாக வந்தால் அதிக குழந்தைகள்

பெண் ராசிக்கு ஆண் ராசி 9 வது ராசியாக வந்தால்செளமாங்கல்யம்

பெண் ராசிக்கு ஆண் ராசி 10 வது ராசியாக வந்தால் ஐஸ்வர்யம்

பெண் ராசிக்கு ஆண் ராசி  11 வது ராசியாக வந்தால் சுகம்

பெண் ராசிக்கு ஆண் ராசி 12 வது ராசியாக வந்தால் ஆயுள் விருத்தி

பெண்ணின் ராசிக்கு 6,8 ராசியாக வருவதில் ஒரு விலக்கு இருக்கிறது.அதே போல 7 வது ராசியாக வருவதிலும் ஒரு விலக்கு இருக்கிறது.

மேசம் 6 வது ராசியான கன்னியை இணைக்கலாம்

தனுசு 6 வது ராசியான ரிசபம் சேர்க்கலாம்

துலாம் 6 வது ராசி மீனம் சேர்க்கலாம்.

கும்பம் கடகமும்,சிம்மம்,மகரமும் சேர்க்கலாம்..மிதுனம்,விருச்சிகமும் ஒத்துவரும்.இவை சுப சஷ்டாஷ்டமம் எனப்படும்.( பஞ்சாங்கம் இப்படி சொன்னாலும்,அனுபவத்தில், இதில் எனக்கு உடன்பாடு இல்லை.ஆணின் ராசியில் இருந்து பெண் ராசியாக 6 வந்தால் எதிரி ஆகிவிடுகிறது.எனவே எப்படியிருப்பினும் இந்த ராசிகள் அடிக்கடி மருத்துவ செலவுகளை சந்திக்கின்றனர்..அல்லது.எலியும் பூனையுமாக ஈகோ பிரச்சினையில் வெறித்தனமாக சண்டை போட்டுக்கொள்கின்றனர்.)

7 வது ராசி யாக பெண் ராசியாக வந்தால் அருமையான பொருத்தம் தான்.ஆனால் கடகம்-மகரம்,சிம்மம்-கும்பம் ஆகவே ஆகாது.பொருள் நஷ்டம்,உயிரிழப்பு உடனே உண்டாகும்.ரிசபம் ராசிக்காரர் விருச்சிகம் ராசிப்பொண்ணை கல்யாணம் பண்ணிக்கிட்டா ரிசபராசிக்காரருக்கு வாழ்வே நரகமாயிடும்...கொஞ்சம் லேட் ஆனாலும் எவ கூட ஊர் சுத்திட்டு வர்ற..? என நெத்தியடியாய் கேள்வி வரும்.

மகரம் ராசி பொன்ணை கடகம் ராசிக்காரர் கல்யாணம் கட்டிக்கிட்டா வாழ்க்கை வெறுத்து போறதுன்னா என்னன்னு இவர்கிட்ட கேட்டு தெரிஞ்சிக்கலாம்.அந்தளவு வெறுத்து போய் குடிகாரரா மாறிடுவார்...

சந்திரகிரகணம் அன்று குழந்தை பிறந்தால்..?

சந்திரகிரகணம் நாளை 10.12.2011 அன்று மாலை 6.15 அளவில் தொடங்கி இரவு 9;48க்கு முடிகிறது.

அன்று இந்த நேரத்தில் கர்ப்பிணிகள் வீட்டை விட்டு வெளியே வருவதோ...சந்திரனை பார்ப்பதோ கூடாது.தண்ணீர் முதல் அனைத்து உணவு பொருட்களிலும் அருகம்புல் போட்டு வைத்து பயன்படுத்தவும்.கர்ப்பிணிகள் கிரகனம் தொடங்கும் முன்னரோ அல்லது முடிந்த பின்னரோ சாப்பிடுவதுதான் நல்லது.

கிரகணம் நேரத்தில் பிறக்கும் குழந்தையின் ஜாதகத்தில் சந்திரன் கேதுவுடன் இணைந்திருக்கும்.அக்குழந்தை வாழ்நாள் முழுவதும் உடல்பலமின்றியோ அல்லது மனபலம் இன்றியோ இருக்கும்.தாயாருக்கும் இப்படி இருக்கும் என்பதை அனுபவ புர்வமாக அறிந்திருக்கிரேன்.எனவே அறுவை சிகிச்சை மூலம் குழந்தை பிறக்க வாய்ப்புள்ளவர்கள் முடிந்தவரை இந்த நேரத்தை தவிர்க்கவும்..!

குழந்தை ஜாதகம் பெற்றோரை பாதிக்குமா..?11.11.11

குழந்தை ஜாதகம் பெற்றோரை பாதிக்குமா..? 11.11.11

குழந்தையின் ஜாதக அமைப்பு மோசமாக இருந்தால் அது பெற்றோரையும் பாதிக்கும்.சூரியனோடு ராகு கேதுக்கள் ,லக்னாதிபதி சம்பந்தப்பட்டு இருந்தால் தந்தைக்கும்,சந்திரனோடு ராகு,கேதுக்கள் லக்னாதிபதி சம்பந்தப்பட்டு இருந்தால் தாய்க்கும் கண்டம் வரும்.குழந்தை பிறக்கும்போது கொடி சுற்றி பிறக்கும்.குழந்தை கரு பிடிக்க ஆரம்பித்த 90 நாட்கள் முதலே அதன் பலன்களை காட்ட ஆரம்பித்துவிடும்.

சூரியனுக்கு முன்னும் பின்னும் பாவ கிரகங்கள் இருந்தாலோ,சூரியன் செவ்வாயோடு கூடி 8ல் இருந்தாலோ தாய்க்கும் கண்டம்,கண்டம் என்றல் உயிர் ஆபத்து முதல் வறுமை,அவமானம்,பிரிவு வரை உண்டாக்கலாம்.6,8 க்குடையவர்கள் செவ்வாய் கூடி லக்கினத்தில் இருந்தால் கண்டம் உண்டாகும்.சந்திரன் லக்கினத்திற்கு 6ல் இருந்து சுபர் பாராமல் பாபர் பார்த்தால் ஆயுள் சொற்பமாகும்.இப்படி பல கணக்குகள் உண்டு.

குழந்தையின் ஜாதகத்தில் லக்கினாதிபதி உச்சம் அல்லது கேந்திரம் பெற்று இருந்தால் அல்லது லக்கினத்தை சுபர் பார்த்தால் நல்லது.குழந்தைக்கு ஆயுள் பலம் உண்டாகும்.குழந்தை வளர வளர குடும்பமும் சிறப்படையும்.

‘’அறிந்த லக்கினத்தாதிபன் உச்சமே

செறிந்து கேந்திரம் சேர்ந்து நல்லோருடன்

உறைந்து தூயர் உறைமனை உற்றிட

நிறைந்த சீவன் பெறுவது நிச்சயம்’’

சில சமயம் குழந்தை தாயின் கர்ப்பவாசத்திலேயே இறந்திருக்கும்.5ஆமிடம் அல்லது 5க்கு 5ஆமிடமாகிய 9ல் செவ்வாய் இருந்து அதை சனி பார்த்து சனி திசை நடந்திருந்தால் கர்மாதிபதியுடன் சம்பந்தப்பட்டு 10க்குரிய கர்மாதிபதி திசை நடந்தாலோ இவ்வாறு கர்ப்பத்தில் உயிர் நீங்கி குழந்தை பிறக்கும்.

----தொடரும்-----

சாந்தி முகூர்த்தம் வைக்க கூடாத நாட்கள்

சாந்தி முகூர்த்தம் வைக்க கூடாத நாட்கள் first night;

திருமண பொருத்தம் நல்ல விதமாக இருந்தும்,திருமண நாளும் நல்லபடியாக இருந்தும்,சாந்தி முகூர்த்தம் எனும் முதலிரவு சரியாக நடைபெறும் தினம் காலற்ற ,உடலற்ற,தலையற்ற நட்சத்திரம் வரும் நாளில் இருக்க கூடாது என்பதை கவனத்தில் கொள்ள வேண்டும்.

கார்த்திகை,உத்திரம்,உத்திராடம்-இந்த மூன்றும் காலற்ற நட்சத்திரங்கள்
மிருகசிரீடம்,சித்திரை,அவிட்டம் -இந்த மூன்றும் உடலற்ற நட்சத்திரங்கள்
புனர்பூசம்,விசாகம்,பூரட்டாதி -இந்த மூன்றும் தலையற்ற நட்சத்திரங்கள்

இந்த நட்சத்திரங்களில் முதலிரவும்,வீடு கட்ட மனை முகூர்த்தமும்,யாத்திரையும் ஆகாது.

இது பற்றிய ஒரு ஜோதிட பாடல்;
காலற்ற உடலற்ற நாளிற்
கோலக் குய மடவார் தமைக் கூடின் மலடாவார்
மாலுக்கொரு மனை மாளிகை கோலினது பாழாம்
ஞாலத் தயர் வழி போகினும் நலமெய்திடாரே.

திருமண தாமதம் ஏற்படுவது ஏன்..? ஜோதிடம் கேள்வி -பதில்

திருமண தாமதம் ஏற்படுவது ஏன்..? ஜோதிடம் கேள்வி -பதில்   

திருமணம் பெண்களுக்கு முக்கிய பிரச்சனையாக பத்து வருடங்களுக்கு முன்பு சொல்வதுண்டு.முதிர்கன்னிகள் என கவிதையெல்லாம் எழுதுவார்கள்.ஆனால் இன்றோ முதிர்கன்னிகள் நிலை மாறி முதிர் கண்ணன்கள் அதிகமாகி விட்டார்கள்.ஒவ்வொரு சாதியிலும் படித்த நல்ல வசதியான ஒழுக்கமான பையன்கள் திருமணம் ஆகாமல் எதனால் இந்த தாமதம் என்றும் புரியாமல் தவிக்கிறார்கள்.

ஒவ்வொரு திருமண தகவல் மையத்திலும் இது போன்ற இளைஞர்கள் ஜாதகங்கள் குவிகின்றன.ஆயிரக்கணக்கான ஜாதகங்கள் வைத்திருக்கும் திருமண தகவல் மைய நண்பர் ஒருவரிடம் பேசிக்கொண்டிருந்தபோது,திருமணம் பொறுத்தவரை பசங்க ஜாதகம் தான் அதிகம் வருகிறது.என்கிறார்.

முக்கிய அறிவிப்பு 24.8.2011

நண்பர்களே...நமது நல்லநேரம் இணையதளம் சில விஷமிகளால் முடக்கப்பட்டுள்ளது..இதனால் பழைய ஜோதிட பதிவுகள் அனைத்தும், அழிந்து விட்டன..என்றாலும் டொமைன் பெயர் மட்டும் கிடைத்துவிட்டது..மிக விரைவில் எனது பதிவுகளில் முக்கியமானவற்றை நான் திரும்ப எழுத இருக்கிறேன்...சனிபெயர்ச்சி பலன்கள்,ஜோதிட பதிவுகள் விரைவில் வெளியிடுகிறேன்...இனி நம்  நல்ல நேரம் தளம் www.astrosuper.com  என்ற அதே முகவரியில் வழக்கம் போல செயல்படும் என தெரிவித்துக்கொள்கிறேன்...

பழைய பதிவுகளில் முக்கியமானவற்றை மீட்டுக்கொண்டுள்ளேன்..ஆனாலும் நான் நான்கு வருடமாக இயங்கிய sathish777.blogspot.com என்ற முகவரியை மீட்க முடியவில்லை என்பது வருத்தம்தான்...முக்கிய பதிவுகள் அனைத்தையும்,இந்த புதிய ப்ளாக்கில் பதிவேற்றிவிடுவேன்...கொஞ்சம் கஷ்டப்படணும்.

.

தமிழ் புத்தாண்டு-முதல்வர் ஜெயலலிதாவுக்கு நன்றி என நான் பதிவிட்டு சிறிது நேரத்தில் இந்த கொடுமை நடந்திருக்கிறது...உடன்பிறப்புகளின் வேலைதான் இது என்பதில் சந்தேகம் இல்லை...என் ப்ளாக் ஐடியில் நுழைந்து,மெயிலை மாற்றி அவர்கள் மெயிலை கொடுத்து,நல்லநெரம் ப்ளாக்கை மட்டும் எடுத்து சென்று,அழித்திருப்பார்கள் என்பது என் சந்தேகம்..ப்ளாக்கர் டாஸ்போர்டில் ,4 ப்ளாக்குகள் வைத்திருந்தேன் அதில் நல்ல நேரம் ப்லாக் மட்டும் காணவில்லை...உங்கள் யோசனைகளை என் மெயிலுக்கு தெரிவியுங்கள்;sathishastro@gmail.com